賽事精華    (20/08/2004)  V.S 新北蛟                                                    

             廿七軍今仗在欠缺天時及地利的情況下,終於不敵於新北蛟腳下,不過攝取今仗與敵軍o既交鋒,寄望下仗足總杯一雪前恥。

            賽事展開之前,由於天氣反覆,時而天晴時而雨,引至賽事欲延又展,最終在緊迫的時間內再次召集隊員,更要長途跋涉遠征粉嶺球場,令至球員熱身不足,只剩下人和的廿七軍只好在十八年前的主場敗陣。

           上半場開波無耐,新北蛟已經佔盡主場之利採取主動搶攻,左右兩翼o係廿七軍兩邊底線不斷施加壓力,反觀中路入攝卻少之又少,但由於廿七軍防守球員一貫踢法斯文,未能將傳中波攔截,最終新北蛟在技術加上運氣下在上半場領先四比零。當然有一定實力o既廿七軍並唔係全無反撃能力,有多次入波o既機會都在欠缺腳風下唔係漏油就俾人擋出,連入球機器富仔都未能把握鹹魚o既致命傳送造成入球。

            上半場及下半場廿七軍多次換入新球員務求加強實力,在兩隻鋼閘阿春同埋阿偉入替後,已截斷新北蛟不少側撃攻勢,而中前場注入新血就更令廿七軍活力銳增,控球指數亦相繼提高。三個大埔社箭頭富仔、光仔同阿king製造不少埋門鏡頭,但始終欠缺埋門一腳。而粉嶺社孖寶阿威同鹹魚亦不甘示弱使出混身解數,假身插花樣樣齊,最後阿威在禁區內連插兩o下花,令至對手後防犯下天條,由鹹魚操刀主射十二碼應聲破蛋以四比一完場。

                                                                                出席球員