賽事精華    (28/08/2004)  V.S 老鬼隊                                                  

             廿七軍今仗之落敗,完全有賴一班出色o既前鋒同埋後防,如果唔睇球衣齋睇進攻同埋防守,你一定估呢場波係十四人對八人,點解?睇落去咪知囉!

             開波無耐廿七軍已經佔盡劣勢,而前鋒線上只有阿king一個缺乏支援,孤掌難鳴,單刀難敵四手。反觀老鬼隊,個個見到廿七軍都充滿信心,唔使幾耐就俾佢地先入一球。之後老鬼隊仍然'禁住o黎切',同時加上入攝靚位o既阿偉,把握對手一個直線傳入大禁區,阿偉先食大吉身位,然後左腳拉弓一射,應聲入網,守門員德仔登時目定口呆,不過大家無睇錯,的而且確係廿七軍左後防阿偉,佢終於攞到今個球季首個入球喇,恭喜!恭喜!之後阿偉乘勝追擊,乘對方前鋒射門之際突然縮低個頭'漾'過德仔入網,精彩呀!

             其實廿七軍都唔係淨係一味防守,都有好幾次射門機會,不過可惜都被廿七軍後防解圍,就好似面對空門o既蕃薯滴射交回給keeper啦,美綠近距離一碼打飛機啦(我記得個波入o左欖球個龍門杆上面兩分區,你話隻飛機飛得有幾高喇),同埋面對龍門幾碼必入球都細力回傳俾守門員o既阿勝啦!咁樣計o下計o下應該係十五個對七個先至啱喎。不過好彩今場有傑出表現o既阿king,無令球迷失望,個人連中三元挽回不少面子,最後廿七軍以六比三比數,再一次落敗於老鬼隊腳下。

                                                                                出席球員