賽事精華    (24/10/2004)  V.S 耀翔隊 

                                            千呼萬喚，萬眾期待o既足總杯總決賽終於在馬鞍山仿真草場上演，而觀眾入席率更創下業餘足球壇的新紀錄，不少球迷為一睹廿七軍隊員風采，不惜在一清早就在球場守候，更有部份女球迷不支暈倒，要由在場救護人員進行急救。

                 開賽前，例行集體熱身一番，之後就由球隊管理層及技術部人員於臨場再開一次秘密會議，最後仍然維持選用對戰新北蛟同一策略及陣式，以守為攻。

              綜合整場賽事，可能兩隊球員都唔想失波在先，所以打起上o黎雙方都好保守，鮮有射門鏡頭                                                                             ，唯有在上半場富仔及阿king曾製造幾個高潮，可惜腳風唔順唔能夠取得士哥，而敵軍埋門起腳機會就更加絕無僅有，守門員' 荷蘭的 '更差點兒著涼。最後雙方維持零對零比數完場。

             足球比賽係殘酷o既，定點球就更係殘酷之中最慘不忍睹o既比試。由於賽制規定，九十分鐘比賽完畢若未能分出勝負的話，就會以十二碼一較高下。經抽籤之後廿七軍選擇先射，並派出春春打頭關，劊子手即係劊子手，手起刀落，絕不手軟。輪到對方球員主射，角度及力水都屬於低質素，但可能 ' 荷蘭的 ' 全場太少郁動，以至未能作出反應下o係'格勒底 '入o左。之後輪到阿威主射，阿威以慢動作走近皮球，並擺動蛇腰假動作一射，守門員完全無反應入網。跟住落o黎幾個球員包括富仔、阿dick、大吉同對方球員主射後都通通入網。最後由對手第五個球員主射，所有現場廿七軍球迷目光都落在阿dick身上，而球隊管理層亦同時開始部署突然死亡o既主射隊員名單。原定安排寶強第六個，而阿cook就第七個，點知佢兩個聽到之後竟然異口同聲咁講 ' 你有信心你射先啦 ' ，跟住坐o係旁邊o既阿勝就同佢地講 ' 睇埋呢球先啦 ! '  對方球員帶住沉重o既心情，一步一步走向皮球一射，被神勇o既' 荷蘭的 '嘭一聲撲出(其實係條粉腸on 鳩鳩射o左落阿dick隻腳度彈番出入o黎至真)，Yoo ! 足總杯冠軍，所有球員即時走上將 ' 荷蘭的 ' 拋上半空慶祝，球迷們亦隨即走入球場將廿七軍隊員o既球衣除去留念，十號球衣o既白毛更加被球迷脫至全裸添，最後只好狼狽地返回更衣室更衣。

             好o野 ! 廿七軍取得自組成以來第一個冠軍殊榮，再o黎廿七軍三次，廿七軍 ; 拍拍拍 ; 廿七軍 ; 拍拍拍 ; 廿七軍 ; 拍拍 ; 拍拍 ; Yeah !

                                                                                         出席球員