1/6/04 (二)
今日好眼訓，一早已經唔多想起身，返到去好呆囉@
Confirm 左聽日拆櫃，等左好耐呀.....隻 Napa Valley 終於黎喇~ 於是開始 call 返之前 D 客，好多鬼喎，不過都冇錯，但係聽都仲係有 D 問題...要努力 D 先得喇....@
五點幾阿 John 搵到單，又話隻 La Louviere 95 set 得低喎，大佬呀...俾你 approve 架喎，頂啇!
原來張單係 Tracey Kim 既，好似冇乜特別...但係阿 John 話佢上左大陸，可以搵佢個 sec 阿 Maggie，或者一個叫「桃桃」既女仔，聽完之後精神為之一振，叫桃桃~~~我同 Gary都對女仔又叫桃桃充滿無限既憧憬~@呵~呵~聽日 call 下佢，聽下把聲好唔好聽先~
kekeke~~
每當我同 Gary 一講起「桃桃」呢兩個字，都不期然咁溫柔左~哈~
2/6/04 (三)
今日一早家飛打黎，約夜晚食飯，太好喇....我等左好耐，大家都考完試，正呀!!!
返到去，好多野做囉...聽日有個 wine supplier 黎，好呀~有野學下~@
一放工就走，去到旺角等左一陣就見到澤澤~跟住家飛都黎埋，嘩...好 causal 喎....
食完飯，家飛倒水囉，咁多錢既 D 人....
3/6/04 (四)
今日一早同個 wine supplier 開會，D 法國式英文，都 OK 咁啦....
下晝執酒，有個客自己鮏，攪掂埋 Polly 姐 D 野就走 lu....
好死熱呀....
4/6/04 (五)
今日好多野做，老闆叫左我入房，問到我口啞啞...我都想出 Newsletter 架....跟住諗到頭都大埋...跟住去左鮏枝 Grand Puy Ducasse 2000，唔知好唔好飲呢?
89年既今日...不可被遺忘....一日用血寫出黎既日子...
5/6/04 (六)
今日o係度諗下六月既 Newsletter ，都係o個幾隻酒啦~跟住放工去左行旺角，買左條短褲，好窮呀....
返去屋企沖完涼，呵~呵~可以開o個枝酒試下喇~~~
C.Ricky Wine Write up :
Chateau Grand Puy Ducasse 1996 - 要擺個半至兩個鐘(開始既時候冇咁醇，過左個零鐘就開始有「掛杯」既出現)、重單寧、好有層次、有橡木香、長既 finish，成熟期 : 2004-2010、Best Drink : 2006 - 2008，gd 呀!
6/6/04 (日)
7/6/04 (一)
8/6/04 (二)
9/6/04 (三)
今日一返到去趕到死，到下晝終於出到張 P.O. 喇...太好喇，解開左我個心結，跟住都係 follow 下 D 單呀，到八點到，同阿頭去左 Di Vino 試酒， 兩個阿 John 都好多野傾，最衰自己英文唔好啦...答唔到爹，不過都好左好多野，都聽到下咁啦~ 我自己就覺得第一隻酒幾好，第二隻聞起就比第一隻 soft，但口感就第一隻好 D，跟住試完都十一點，返到屋企成十二點...好玪呀
唔 ~ D 鵝肝好滑，好香龍蝦味喔~!@
10/6/04 (四)
今日好多野做...一早返去收到個酒盒，打左俾 Kenji ，下...要今日睇呀...唯有鮏過去啦...但係出去之前...首先要同大老闆傾下份 newsletter 先....
又改呀....算啦....我地呢 D 做細既....冇計呀....唯有 send 俾 Georgina 啦~
下晝出去紅磡，搭 106 出去....死呀...搭左我成個鐘，出到去遲左半個鐘...傾完就返去做野...嘩....減淨 3%...返去傾傾先啦....
返到去趕埋D單，執下酒，就放工出去 book camp。
出到去成八點，哈~撞到 Gilbert，吹左陣水，就去左搵佢地~~ 諗左一陣就決定去水口，希望到時好好天啦~應該話一定要好天!
book 完 camp 就去左打冷，好飽呀...跟住返屋企沖完涼就訓 lu...~
* 都係好靚呀~冇變過，Always is the best in my heart ~ @ 不過瘦左呀....
肥兔~年半快樂喔~
11/6/04 (五)
返去冇耐，就開始搞個酒盒， D 大陸人真係好鬼 lup...頂佢啇，到我走都冇俾到 D 野我...
收到 Kenji 張 P.O.，但係未 firm 間廠喎....勁呀...
買左十蚊六合彩，呵~呵~中左廿蚊呀~~! Lucky~@
幸運日呀~@@
12/6/04 (六)
13/6/04 (日)
今日Jacky打黎，話冇波鬥，哦...咁唯有等下個禮拜啦...
下晝出左去行陣街，跟住夜晚上去阿匡度睇波。
今晚正呀~英法大戰~!結果仲出人意表，施丹只係用左三分鐘就搞掂英格蘭!
利記真係....法國羸波功臣~~
14/6/04 (一)
今日搭 5:30 第一班車返屋企，6:30 就訓，7:45彈起身，梳洗完就返工...好玪呀....
今日仲要去試酒，三點幾去，試左幾隻白酒，跟住去左屈臣等老細，獱o個度撞返 Winter，真係 Long time no c 啇下，大家都大個左好多哦~~~
返到公司又再做過，成八點先走...
唔...好多野都會過去既，有咩咪打俾我囉~@
15/6/04 (二)
今日都係好眼訓，尋晚都係唔夠訓，今日6點幾就走lu~~~
16/6/04 (三)
今晚去左睇波，有西班牙呀~
好唔抵囉...咁樣俾希臘入返粒，希古拿都係打防中好 D
17/6/04 (四)
18/6/04 (五)
今日都係出下單咁啦，有下午茶食~正呀~
19/6/04 (六)
今日好無聊咁等放工，之後返左屋企一陣，夜晚去左肥兔屋企睇波，嘩~荷蘭真係...抵死啦...大好形勢都可以輸...冇喇....
20/6/04 (日)
今朝七點幾到出返黎，跟住訓左一陣，晏晝就出左去踢波，一點幾開波，嘩...曬死囉....之後食 tea ，返到屋企都已經係五點幾 lu.....!
21/6/04 (一) - 25/6/04 (五)
專注睇波
26/6/04 (六)
今日好無聊啦，不過晏少少自己會跟車去送一箱酒，咁就梗係順個便鬆人啦~ 點知唔記得今日有人送酒黎囉....結果要搵阿Sam 幫手，送完酒就返屋企 (咁先至係一點)，煮下野食，跟住全日就打機渡過~
27/6/04 (日)
28/6/04 (一)
今日阿John收到個包裹，一睇就知道係酒啦~跟住就同 Gary 食晏開左一枝飲，一開就好有果香味，一倒出黎就已經掛杯，不過隻酒好薄，攤左大概十至十五分鐘就飲得，過左三十分鐘D 果香味就開始散，有少少甜，不過就已經唔好飲...隻酒麻麻地，個 Length 又唔長，嗒落又冇乜味...
跟住四點半就走人，落左去金鐘試酒，好死熱呀....試完仲死，個身好熱....返到屋企個人出晒水囉....
29/6/04 (二)
30/6/04 (三)
今日冇乜特別野，一放工就返左屋企附近剪頭髮，十一點到就去左肥保屋企睇波，荷蘭...真係好唔掂...抵死喇....睇完波就即刻飛 Van 返屋企，好玪呀....Zzz...Zzz...