記低同你發生既事情,
開心唔開心都能記低...

2004年1月29日 第一次的見面

好記得的一天 , 因為之前我真係隨口講下話叫你黎搵我…
無諗過你真係黎 , 之後你講返我先記返原來我個時個語氣唔係咁好..哈~
第一眼見到你 , 感覺就係同相好唔同..真人型好多..可能相影得唔好啦 ,
睇相時我以謂你會係D懶係型既人,原來我睇錯囉..因為覺得你都幾型..嘿~

唔知點解個日我收唔到聲..不斷咁講野..不斷咁笑..其實如果平時同D唔熟
OR第一次見既人我都唔會咁,對住你..有一種好親切既感覺..好實在..好舒服..好似識左好耐咁..
同你由太子行去MK…我竟然有D唔捨得走,可能害怕一走又唔知幾時再見啦..
又或者唔會再見…不過天下無不散之言席…所以最後都依依不捨咁走了..



之後個幾日估唔到你每日都打黎,同你傾電話..好開心
一次比一次開心..開心原因有好多種..
識到個咁既朋友都唔錯..但又諗一齊都係你講既姐..表面野
我都識講啦…雖然我係咁諗..但不斷同自己講係事實..係真既..
目的就係留一個好印象比自己…等你地位高D吧…
但..為什麼我會有這樣的想法既呢? 我也不知



2004年 2月1 日第一次的約會

其實今日我真係唔多想出黎的 , 比著平時既我..同一個唔太熟既人出街..
仲要係我咁累既時候出去..我真係寧願甩底走左去..
返屋企訓覺好過 ,但我無咁諗..唔知呢...呢D推動力好神奇..
可能呢D就叫緣份啦 ,心裡叫我珍惜你呀,所以叫我出黎
今日同你更加熟落 ,講左好多我已經唔想再提唔想再諗既事
你一咁問又另我諗返我幾時先搵到我既伴侶….雖然我都FEEL到你對我有D意思
但失敗既次數太多啦 ,令我唔敢再亂諗..
只敢諗一諗唔再諗…不過呃唔到自己既係開始對你有D感覺~



之後呢幾日我知道我已經有D鍾意你 ,時間好短但好真實
我有諗過係咪錯覺 ,好感容易有 ,但係咪愛呢?我都唔知
我ONLY覺得你唔錯 , 雖然係你講姐..都唔一定係真..
但朋友相處梗係要互相信任架啦 ,所以我選擇相信你..
唔諗其他野…但結果係咪真係咁呢? 雖則唔知…都唔想去諗..
只知道自己鍾意你..係咪愛我就仲未攪清楚..



2004年2月4 日一齊既日子

今晚約左你..我未出門口之前心裡有數 ,知道今晚就會有結果
我地將會變做咩關係都會係今晚會知道 ,所以我好緊張..
今次我無同任何一個人提起過你 ,你話我迷信又好點都好
我唔想講完又話攪錯..所以我無提過你..
我地去食元氣,我仲記得我地坐邊個位..因為深刻..
你拖住我隻手..感覺好溫暖..唔識用筆墨形容了..
心情又驚又喜…,不斷想著..”是真的嗎?還是在發夢?”
“會唔會太快呢?” ”佢會唔會係玩我架” ” 算啦,,玩我都好
啦,拍下拖當玩下,橫掂佢都唔錯呀”
我心入面不斷不斷都係諗緊呢D問題..
當你係巴士錫我既時候 , 我真係唔識比反應你..我個初吻就咁比左你啦…
當時我ONLY識得喊..除左喊我已經唔識做第二樣…因為心情太亂啦
一星期都唔夠就同左你一齊?這個係我黎既咩?而你又真係愛我咩?
你愛我D咩?我咁肥,又唔係靚,性格..相比之下比起個兩樣係好D既,但你都唔係咁了解姐?
個腦有好多好多既問號..不斷地出黎..喊係唯一可以釋放出黎.. 不過始終…係開心既喊…


2004年2月5日 元宵節

今日好想見到你,好想同你出街,但可惜我約左人
今晚一路同d朋友食飯一路都好緊張,不斷望個電話
因為我電話收唔到,好驚你打黎搵我唔到
不斷望個鍾..不斷係到諗..心裡係好掛住你..>3<
本身佢地出去mk我都無諗過出,但知你係個頭所以先去
如是這樣..你一錫我,我就好緊張..唔知比咩反應
可能我仲要時間習慣一下..



好不幸同你一齊幾日我就要返大陸旅行實習,你送我去時比d同學仔見到
心裡有d興奮既感覺,終於到我有d咁既機會啦,可以比人望下個男朋友
我因為太掛住你,根本就投入唔到同佢地去玩,同佢地唱k我不斷地飲酒
因為諗住醉左會無咁掛住,點知忘記左醉左仲會好清醒的,
咁岩個時你打黎,我仲扮無野咁同你講野...對唔住..呃左你
我都係驚你擔心我姐...sorry..我以後唔會講大話
呢件事令我知道原來我無意講既說話人地未必同我一樣諗法
講白玫瑰我真係用講笑咁講,但你就咁認真..
我明白你緊張我..我感到既係..好開心..嘿~


2004年2月14日 情人節

第一年同你過既情人節,亦都係第一年有情人陪我過我情人節
同你我相信好多第一都比哂你...
因為你,令到工作狂既我都寧願見你而放棄返工,愛情既魔力真犀利
第一次上你屋企,好大-_______-當時我好驚..未上去之前已經好驚
話哂上男仔屋企喎..你估我真係唔驚你溶左我架,
但你錫我,我唔識比反抗..好想錫你..好想比你錫..
但我知道未到個時候..而你都係咁諗...最後都安全..hahaha
不過我又喊啦,呢排喊既次數多左..開心+驚
因為唔實在先會咁,不過我會努力改變我既想法..
因為我知我成日咁諗對相方都唔係咁好...
我送左一份好白痴既禮物比你,而加睇返好想收起佢..因為真係幾白痴
你無禮物送比我我其實預左..因為知你無時間買,我唔係咁介意,不過好想有一份你送比我既禮物..
因為見物如見你吧..嘿~
今年情人節好開心,因為有你吧..


2004年2月15日 唱K

第一次同你唱K,唱歌係我既專長..唔係我認叻不過係事實,
到目前為止我未聽過有人話我唱歌難聽..唱歌係我最有信心既活動
之前我同個天講一係比我做歌星,一係比一個好好既男朋友我
到我15歲既時候我真係有諗過去新秀比賽,但覺得自己唔靚,所以放棄左..同埋我都無咁大既勇氣
之前我想拍拖係希望唱歌可以投入D,令自己唱得好D
有一次我真係傻到想同一個BOY一齊,想嘗試被愛既感覺
最後都係接受唔到,因為我完全對佢一D感覺都無
最後我選擇去愛人..結果唔係好..但都領略到D情感
我係咪好傻呢?可能就係因為我想唱好歌啦..
同你唱歌..你係令我好想聽你唱歌
以前同D唱得好聽既朋友唱歌,我都好少會想聽佢唱,因為想自己唱哂去
你係令我覺得好想聽..係好想好想聽..
最後你仲唱得多過我..我好enjoy..
可能再加上你唱得又幾好聽..令我好想聽落去啦
我相信我而加唱情歌會好聽d..嘿嘿


2004年2月17日 第一次搵你食lunch

今日約左你食lunch,出去搵到你..見到你已經好開心架啦..嘿嘿
估唔到既係,你竟然話我知我係第一個搵你食lunch既女朋友
我真係估唔到,我都有你既第一次..嘿嘿
聽到我真係好開心,可以話比自己感覺好過你之前d女朋友掛
你都知我不嬲無咩自信,所以我一直都唔敢問你之前女朋友d野
一黎唔想自己做比較,二黎唔想比自己壓力
所以聽到你咁講,我心入面真係有無比既興奮,嘿~



記得我約左kevin去唱k,好耐無搵亦都唔想搵既人
因為每次見返佢我都有返個種感覺
同佢最有觸電既感覺係唱k時,仲係唱"他都不愛我"
大家唱既合拍程度無野好講,仲要d歌詞應一應..
但今次呢d感覺無哂,除左feel一樣咁合拍之外..
其他愛意既感覺無哂,同佢可以做返朋友..好開心
係呢一刻我終於知道,我個心已經完完全全比哂你
除左你,我已經唔可以諗第二個啦..


2004年2月20日

呢日其實我返工返到好累,好想返屋企訓覺
聽到你話肚餓仲咁夜都未走,真係幾心痛
所以我決定買野食搵你,見到你拎住我買比你既野食
你個開心樣,我所有辛苦都忘記哂lu~
你話之前既女朋友唔會咁做,而我咁做你又鍾意既
我心入面有多一點信心,對自己信心又大左啦
其實我咁做可以話想等你話下我令我有多d信心
我信心仲係唔夠..所以做好多無謂野
不過得到你一笑..我都已經覺得值得



習慣左有你既存在,好想成日痴住你
因為我已經唔捨得放手,唔知道無左你我會點
雖然我已經做到錢銀同你無乜瓜葛
因為我唔想依賴你..我想做到獨立
唔係話怕唔怕放手時唔慣,而係怕自己變得依賴
但原來我已經變得有種依賴..咩問題都同左你講
忘記左自己都有個腦..不過呢樣野我會改的..


2004年2月26日 第一次的求婚

今日心情唔好,其實唔想出黎,但心入面有十分想見你
而你又因為我而約早左個fd出黎飲野..我唔想拍拖變左無朋友
亦都唔想你都係咁,所以我發左自己脾氣
你聽到..你無鬧我反而..覺得我好傻
仲有就係..你竟然向我求婚?!
當時我only呆左,因為比唔到反應
不過最終都係開心既呆..哈~


2004年2月28日 第一次送你回家

今晚我約左朋友食飯,而你公司有飯食,
我食完之後你黎搵我,我仲記得你個日岩岩去CUT HAIR
你仲要飲左好多酒,塊面好紅,加埋個頭咁..好可愛
搭的士時,唔知你真定假,不斷擁抱我係到講"我愛你"
好傻好可愛既樣子呢..嘿嘿~~


今日同你進行第一次成功既MAKE LOVE
你問我既感覺..我只係覺得好痛,同埋好驚
痛我相信唔洗我講都知點解會咁講啦
至於驚係因為..我無諗過自己同你一齊唔夠一個月就同你MAKE LOVE
我當時喊,有好多感覺,好驚呢晚之後你對我會變左
好驚一齊到完結..其實我咁快同你有好多個原因
第一..呢個原因都係最大,就係我好愛你,好想滿足哂你既要求,唔想拒絕你
第二,如果你真係想咁既話,我想快快了斷,失去呢樣野好過失去更多既時間
第三,我自己好想試下係咩感覺..至少覺得就算你呃我,起碼你係我愛既人,都好過同一個我唔愛佢既人..
個晚同你食飯,望住你,個心好甜..因為我想要既野都得到哂,可以話無悔啦~
可能你會話我諗得灰..好似唔信你咁,而係..根本時間先係最好既証明明,我只係想我傷既時候唔好太傷..
不過我知道..呢一刻我已經唔可以失去你.因為..我真的很愛你.


2004年3月7日 發脾氣

你第一次對我發脾氣..好得人驚
我起初唔知你嬲乜覺得好煩,喊係我唯一可以做的
知道之後先知自己衰..我有事唔會唔講
我知道你好緊我..你做咩都同我講,
我知道你都好想我做到咁,我會的..我唔會再激你..
因為你發嬲時非常不可愛..唔鍾意見到呢個樣..


2004年3月10日 第二次求婚

今日回家時你又同我求婚啦,雖然係咬我手指ONLY
不過有後樓梯同垃圾桶做見証架
你話會娶我架..無得講過唔算數\_/
個心係好"LUN"但知道世事既野好難講
一個好既伴侶唔容易搵..我知我搵到..
但一齊生活既話要諗既問題又會多左
不過我對自己同你都好有信心既..嘿嘿


2004年3月13日 屋企人反對

我好記得今日上你屋企睇一套唔明佢講乜既戲
仲要你一大班FD上左黎..心情已經不太好啦.
仲要比屋企打黎嘈我叫我返屋企
我真係覺得好煩,所以喊..你安慰我
我知道我咁樣令到大家都唔盡興
真係難為了小均均囉..呵~
不過至少你比我知道你唔會咁而唔比我走住
仲叫我快D返去...証明你..嘿嘿~


2004年3月14日 發脾氣

唔太記得今日做乜發脾氣,只知道心情唔太好.
上到你屋企見到WINSOME係到更加想打人
我係呷醋架而加,我唔想見到呢個人
我唔係批評你D FD..只係唔多鍾意佢
但我無話過唔比你同佢見面..只係唔鍾意佢而已
你見到我黑面係咁不斷逗我笑..但我笑唔出
到最後你發晦氣時我先醒過黎..
係我錯,唔應該嬲你咁耐..
再加上你無錯,係我自己小氣姐~


2004年3月17日 擔心

知道你聽日去見工,個心又驚又喜,
有一份人工高有前途既工更係鄧你開心啦
但一諗到你真係做到既時候同你既距離會再遠d.
好怕好怕..好害怕...嗚嗚嗚嗚
不過男人既事業的確好重要,你有事業心都係好事
我知道呢樣可以分樣都keep到..但唔係咁易囉
心入面有十萬個擔心..


2004年3月20日 負離子

我個頭真係太核突啦,我一定要整返直去
你唔知道我feel到自己唔掂我就一定要整整去
唔係成個人會好頹..所以我先咁堅決去整
但我古唔到你既反應係咁大,
好可怕..我知你擔心我用大左,
但我有計架啦..不過我知道你都係關心我所以我無嬲


2004年3月28日 拜山

今日你屋企人拜山,我屋企都係..
我攪掂完之後搵你,飲茶..之後去你屋企
你屋企人打麻雀,其實我好想過二人世界
但咁樣,我其實寧願一個人過
我唔想成日因為你陪唔到我而唔開心
再加上陪唔到唔緊要..唔好陪得唔開心


呢幾日心情好鬼差,可能又要轉變啦
所以心情好差,再加上同你關係又唔知點
令我擔心既野又多左,好想放棄你
但我又的確放唔低,因為我太愛你
我覺得如果呢次放手既話
我唔知要幾耐時間先好得返..
一年唔定十年唔定一世唔定
我愛得你太深啦,根本認定左你係我既另一伴
唔知道..只知道好愛你