2003年3月15日
第一次見你印象好深刻,連你著咩衫都記得,可能你件衫之前見過特別有印象啦..
之前聽櫻木話有你既存在就唔會有悶場,聽左開頭都唔信架,但原來係真的..你真是傻的..
仲記得追你九條街,不過唔記得咩事lu~
嘿..而加諗返都覺得好笑呢...我都估唔到會咁深刻
可能我好耐未見過你呢d人掛..呵呵..真的很好笑
我見完你第一次已經好有好感了
2003年7月2日
傻欣生日,有3個月無見你啦,唔可以用掛念
話哂過左咁耐,咩感覺都好似無哂咁
我都以謂當時既好感係一信間,唔會再加深
但當我聽到傻欣話約左你出黎,我好興奮
我都唔知點解,我好想見你..有諗過可能係耐無見姐
但事後問自己先知唔係囉..當時係想同你熟d
見到你..肥左好多...但都成熟左好多
我仲要個次先知你原來16號生埋日先20歲
我第一次見你覺得你好大個架,估唔到原來咁細..
又係因為你呢個年齡令我止步 <--點解我當時會咁諗既?-_-??
因為我一直覺得這個年齡的人多數對呢回事都係玩玩下
再加上你咁既性格就更加啦,同埋一定好多女仔鍾意
所以我都唔想再做一隻蜜蜂黎煩你
2003年7月4-5日
你竟然打比我,果時我返緊工,電話都唔係隨身既
我真係咁岩經過間房,haha,呢d就叫有緣嗎?
之後你竟然黎到搵我..比你見到我個化妝樣添~haha
到左第二日咁上下時間..你又經過呢到
但你係話放工專登出黎既..haha..真好..又黎探我
但點解你要對我咁好喎,你令我覺得我可能
如果你對我差d我都會好過d..等我可以靜悄悄地鍾意你
但你咁我真係...haha...
2003年7月7-15日
開始同你熟d..不過越熟我既不安感覺又黎啦,我真係唔知想點
一方面好想同你講我比你既感受,但另一方面又驚講出黎會..
最後我竟然選擇一個好錯誤方法..就係呃自己
不斷地同自己講你鍾意黎麻醉自己
好傻呀呵..但鬼叫我鍾意你咩..
連小英咁冷血既人都會有d動心既人,可想你幾咁受歡迎呢...
但其實我一直都無諗個結果架..因為我覺得真係同你一齊會好辛苦
所以我就算講出黎都係想比你知道姐
唔洗你做任何回應的..
2003年7月16日
你生日..講真個日真係唔想出現,因為某人既關係
我真係唔想再見到呢個人呀,但你生日唔去唔比面你
所以最後選擇左去..haha..去到見到佢已經想死
但睇你玩得好開心咁..^^~我都開心埋..
但無奈呢d快樂都係呃返黎架炸..
走既時候我睇到你係望住我講叫我打比你架.
我當時好開心..因為個種feel好正
不過可惜好短暫...
2003年7月尾
之後既日子我可能已經當左你係我既...我明知係自己呃自己架啦
但我真係控制唔到我自己,唉...
所以我好不自然地就會打電話比你..聽下你把聲..
可能我太緊張啦,都知道自己過火
都可能你玩厭左我啦...開始對我冷淡
我個心係好痛..但唔識傷心..點解?
我話喊其實都係迫出黎,點解要迫?
我怕我唔喊會仲辛苦..所以先選擇喊..
其實我知道喊黎都無用,愛情呢樣野唔係話附出幾多就得返幾多
但我真係好後悔講左比你知,因為變得既關係更加惡劣
我真係唔想攪成咁..但事實話比我聽已經改變唔到啦
我當時心諗"唔係連fd都無得做呀,我都想做fd姐"
唔知點解我會成日覺得個d好多朋友既人會唔鍾意再識朋友
再加上你有咁多女性朋友,更令我覺得少我一個唔少
好想放棄鍾意你..好想放棄當無識過你..可惜唔得架囉..
我已經唔去諗架啦..但有時有d事又令我不自然地想起你..唉
2003年8月
唔知係我多心定乜野,開始覺得同你關係越黎越惡劣
唉...真係好心淡,都覺得好可惜
因為我知道有你呢個朋友會令我開心好多
有時有d野發生左都好,始終都係做朋友好過做情侶
而都係我對好多人既想法..但...
可能我一直都覺得唔搵我就唔當我係fd
你無搵我我就覺得你唔想再見我
我有諗過打比你同你傾下計架
但我又怕你誤會...所以算啦...
我係到諗你唔打黎就算啦..or我地再有機會見面先啦
2003年10月1日
好耐無見過你啦..好掛住你,不過我好似人地生日我先見到你咁
我真係覺得好無奈,不過又興奮,呢日我已經做到無事發生咁
唔想比你覺得我仲鍾意你,唔想你因為呢樣野而避開我
個日我好想見你耐d,所以選擇講大話唔返工>_<
同你唱<他都不愛我>太好feel啦..我覺得真係同你唱呢首歌最甲
都可能已經成為我地既主題曲..唱呢首歌既興奮又失落
太中啦..中到應一應..唉....
2003年11月15日
又係人地生日...唉...點解要咁..好唔想囉
今日雖然同你連傾都無乜傾過計,但見到你已經好開心
雖然比人話我傻,但都無計架..係鍾意就鍾意..死唔到心就係死唔到
我好想好想話比你知,但又唔想比人講到我似fans咁
我想做既係你知道我感受,知道有人支持你已經夠啦
2003年11月19日
有人鍾意但我既感覺係反感,佢仲要做d咁既野,
雖然有人話好感動,比佢會接受人
但對我黎講真係無用,唔係我鍾意既邊個都假
好驚受到壓力比人話我冷血,係身邊無人支持我
好慘,好想喊..夜晚喊左出黎舒服d
我唔會因為咁而唔返學...因為我返學唔係為左呢d野
不過我係到諗係咪代表我呢世都唔會鍾意人呢?
我真係唔知..小英咁講你係一個障礙黎
一日無人令我鍾意佢,我一日都唔會忘記你
好孤獨的一刻,好想有你在身旁
但遍遍你又不知在何處?
2003年11月26日早上三點五十分
今日返工好寧靜,唔知點解會想起你
平時寧靜時我只會諗起屋企將床OR諗起會同我傾電話既人
但無奈今日個腦不斷地諗你
我係到諗我應該點做呢?如果無其他人存在
我根本諗都唔洗諗,因為我會堅持信念
但我發覺係唔得架囉,事實係我係到白想
咩都唔做,你又點會知呢?
而仲要理埋其他人,我做左一個好傻既決定
我要每次想起你既時候買一包糖,然後將D糖紙摺成心
摺到716顆既時候就做同你黎一個了斷
可惜我而加摺到第21顆我已經想放棄啦
放棄原因係我覺得做朋友可以一世痴住你
咁樣做我可以放下心頭大石,去接受某些人
我唔知我咁樣做d人會點諗我,
但至少佢地會錫我..唔會令我傷心
希望咁做可以放低你..同埋知道你搵到工
好登你開心,因為你有個新開始
希望對於我黎講都係啦^^
唔知點解今晚會突然hi你,可能就係要比我知你有新開始
如果真係的話都唔錯既,用盡哂我既體力黎打,好累中-_-
2003年12月8日
原本我以謂打埋上面個段之後加個end就會完結
哈..我真係傻,不斷地想又如何,想又不會是真的...
今朝臨起身時發dream見到你,係入面我地都係唔可以係埋一齊
咁係咪証明真的不可能呢?過埋今晚我相信會有答案
我希望我可以接受到人地既愛,而將愛你既勇氣變成力量
繼續去支持你,同埋等你搵到一個你鍾意佢,佢又鍾意你既人^^~
2003年12月
聖誕月特別掛住你,我好想可以同你過,唔一定得我地兩個
有你陪我過聖誕已經好開心
但無奈想約你又唔知叫咩人,知你得我同你都唔會出啦
係24號個晚想你想得很,想到連小英都知我咩事
但無聊今晚只係同d無聊人過-_-
真係今個聖誕唔太開心,25號你竟然打比我
雖然事後我都知你個個都有打,但已經十分開心
希望同你保持呢個關係落去,26號專登同個fd話去西九龍食野
其實目的係搵你,但無奈搵唔到,就算搵到會唔知點
同你講專登搵你?想黎買野<--唔可信啦都-_-
最後都搵你唔到,有d失落,今日同個fd成日講起你
原來一個人好寂寞既事後真係好想有個人係自己身邊
不過我諗一定唔會係你囉,我諗佢會對我好掛...希望啦
而你...我都想你有一段令你開心既愛情
難道你而加真係有目標了??
2004年1月2日
提前慶祝生日,有返所有以前閎感覺,不過唔係愛情個種
我諗係同我諗法一樣,我地係好拍擋,因為當晚唱k時
你同我都心有犀西想唱合唱歌,而同你唱有返哂之前同你唱既感覺
,"正..好合拍...掂呀..真好聽"我相信你都係咁諗掛
呢個網頁真正要完結啦,不過我對你既愛係有增無減的
不過係由愛情轉左友情,因為我真的放低了
真的希望可以同你fd落去..嘿
完