幾時開始鍾意Ｓａｍｍｉ？

正確時間我都唔係好記得啦，唔．．．．但日子一定好耐囉，

因為我搵番我以前收藏Ｓａｍｍｉ既野，發覺真係勁多，多到我無辦法再收藏，
唯有掉左某ｄ去啦，真係好唔捨得架

不過無計啦，唯有等遲d大個賺錢
買間大屋再整一個位係專放Ｓａｍｍｉ既野，嘩．．咁就正啦～～

哈哈～

點解鍾意Ｓａｍｍｉ？

佢最初令我留意佢既，我相信都係佢個時金毛強頭啦，個時又唔係咁流行染髮，

佢個時染到成個頭咁，真係好特別，我都知佢個時比唱片公司鬧，

但我覺得真係勁正囉，唔覺得有咩問題，有個時開始我開始留意佢，

之後仲越黎越鍾意佢添，

ｙｅ＠ｈ～前兩年到啦，個時真係鍾意到佢傻左，

有佢既雜誌又買，相又買，乜碟都買，個時真係浪費唔少錢架，

諗番都幾驚，都唔知自己點解會咁瘋狂架，

直到而加我識整網頁，我都要留個位講佢，証明我幾咁鍾意佢呢～呵呵

唔知係咪之前放太多時間係佢身上呢？我開始連日常生活同興趣都變左同佢好相似

哈哈，真攪笑，佢好似成為我生活既一部份咁，我記得有一年ＴＶＢ頒獎
禮Ｋｅｌｌｙ拎左最受歡迎女歌星，嘩．．．個時我喊到豬頭咁呀

我心諗

攪錯呀有乜理由Ｓａｍｍｉ拎唔到架，點知到頒金曲金獎時，竟然係

Ｓａｍｍｉ拎喎，我同Ｓａｍｍｉ都嚇一嚇呀，之後我喊得仲勁，哈哈，諗番都覺得傻呀