自從Maggie妳離開左學校之後，lee段時間我都一直好掛住妳，我好多時唔開心都已經再搵唔到人聽我傾訴，因為以前雖然我大部份既時間唔開心都係因為妳，但至少係學校都仲可以見到妳呀!!!直到妳走左好耐之後我地第一次係ICQ見返，個次我記得妳終於都肯講俾我知，無論我為妳做咩妳永遠都唔會愛我，我本來仲以為妳唔會再搵我lu...

    好快我就離開左學校要考AL，之後我有一個月既時間因為腳傷無野做留係屋企裝修，個陣都有諗過如果妳返香港黎我屋企唔知會俾咩評價我既傑作呢?到我隻腳可以開始行得返個陣我就返part time，之後到我係消防處到做個陣就開始不停返工，好希望返屋企之後就可以即刻 訓著，咩唔開心既野都可以唔諗...

    點知有一日我好意外咁收到一個來電，係我聽電話個一刻我諗都諗唔到打俾我既竟然係我每日只要靜落黎都記掛既乖女，係個一刻我真係好開心，我估都估唔到我地好似以前係學校咁好傾，突然令我又 諗起以前我地返學一齊傾計食飯，打啤牌，打麻雀.....好多好多好開心既野!!!係電話我知道左妳同Louis分手，同妳係 澳州一D好唔開心既野，仲知道有 一個男仔對妳好好添，佢每日都囉飯黎俾妳食，我聽到個心入面好開心，因為唔驚妳一個人無人錫，但係我自己又會諗點解人地可以有咁多機會對妳好既呢?但我自問有好多野我又唔係唔肯做呀，點解人地係妳心目中永遠都 比我優勝呢???不過係個陣時我知妳有個好好既住宿同身邊有好多好朋友我個心已經開心都黎唔切la......

    之後我希望透過ICQ都可以同妳通話，唔使打長途所以我就送左headphone俾妳，希望有機會個時妳會用，因為我好清楚妳唔會好常 咁打俾我，記得第一次妳打黎個日係星期五晚黎架，我心入面好希望係下一個星期五妳會再打黎，我好開心妳真係打黎，不過後一個星期我就已經再等唔到lu...雖然 妳仲有寄過一封信，不過收到既來信都係好短，我記得個次妳因為好忙好耐先回信，仲應承遲D晒好相就會寄俾我，我知妳個陣等左好耐我 都未回信俾妳以為我已經唔在乎妳嬲左我la，又或者可能妳有新既生活唔再記得我，不過妳又有無諗過我點解咁耐先回信呢?