前言

Hello，我係呢個樂園既主人，我係 Candy，好歡迎黎到我既地盤，幾個月既時間終於無白費，樂園終於落成啦，就係因為 Blythe 而令到我同你有著一個聯繫的機會....實在令人興奮

本樂園需要密碼先可以進入到，你就是擁有密碼既其中一人，只要好愛 Blythe 既朋友都會得到密碼，搵到 's Wonderland .... 快 d 黎打開樂園既門啦

樂園主人介紹

呢個係一個關於 Blythe 既個人網站，呢版主要講關於樂園既一切，自己既野唔多講喇，要知就去呢度啦 <Profile>

愛B年資

唔經唔覺我玩 Blythe 已經有年幾既時間啦 (start fr 2004/09/21 to 2006/01/05)，係呢段日子我學左好多野，同識左好多新朋友仔，呢 d 都係 Blythe 帶俾我既得著~~

其實我係咩都3分鐘熱度既人，真係唔知點解我對我 d 女 (Blythe) 就係有一種不離不棄既感覺

到左而家我已成為第 26 任媽媽啦，有 11 個已經開左，15 個仲係個盒度，因為開晒既話實在照顧唔晒.......

就算放係盒入面都有一定既觀賞價值，好可愛呢~

站名要有代表性，絕對唔可以馬虎

可以話覺得自己個名太普通吧，Candy Candy ~~ 行街只係大叫一聲,起碼有10個8個啦

但因為呢個名跟左我已經有10幾年，所以總有點感情唔想改過個新名

所以就將錯就錯，將個 "y" 改做 "i"，而變成而家的 ~~ 發音同 Candy 一樣

從此，去到邊我都用 CaNDi 為我既網名

Wonderland 對我有著好奇幻，開心，完全一點煩惱都無既地方，係呢度只會有歡笑＆歡欣，就好似 Blythe 俾我既感覺一樣

２字結合就成為左 CaNDi's Wonderland：Candy 的歡笑樂園，係一個屬於我既地方

建樂園原因

其實上 forum 都係一個比較多人可以睇到亞囡既地方，但始終無自己擁有一個咁有歸屬感，所以我就把心一橫自己試下整，而且可以放任何自己中意既素材上去而又唔受拘限，最重要係一個私窩，自己友暢所欲言

係年幾前已經想做一個 website 俾我 d 女，因為睇到網上林林種種咁多 Blythe 網，連自己都想擁有一個呢；

其實一直都摸下摸下，但因為唔係太識整 website，以前學過既都俾返晒亞 sir lu，但我會努力架~~

近排多左時間搞下個網，而且已經整左個比較滿意既板面，所以就好有心機整埋落去....但係都請各位多多包涵

亞囡盡情 Show Off 啦

至於點解我會開始玩 Blythe，又真係幾開心既經歷，話說 :

我本來對 B 囡既感覺係"頭大身細怪怪地"，但未至於"好恐怖"既地步，咁我初初想去接觸佢既原因係行街行過 d 賣 B 既 shop，d相 / display / 衫仔都好 colorful，戈時真係覺得幾吸引，一心諗住睇下又唔洗$$既，咁就踏出左我第1步喇......

越睇就越覺得佢地好靚，咁就諗住唔會好貴，買個黎玩下都好呀 ，嘩~~一睇個價錢最平戈隻都要成 5,6 百蚊，咁死貴架．不如買衫俾自己仲好啦，我就退返戈一步喇

但係我不時都有去睇下有無新囡囡......得個睇字

我一直都唔捨得買囡，到左 2004年9月21日 先正式榮升為B媽，而我第1個囡 French Trench 係我男朋友仔送既，當時既心情真係好開心，簡直愛不釋手

對B既付出

對著一個從不知由來既娃，到擁有第一個娃，之後每天都在網上找關於這娃的資料，包括佢既型號，款式，歷史.....都搵到一大堆，到對這娃有更多了解

每日唔上網看看這娃資料/最新資料/圖片，就好像今日沒吃飯一樣~~感覺真係好深刻

BF經常話我 "中Ｂ毒"；同事見我日日上網睇Ｂ話我 "仲係佢呀??" (懷疑的問我還未換新寵嗎?)；曾經試過上一個 forum 慢機而令我幾日無睇Ｂ，我戈時真係有懷疑自己係咪患左 "渴Ｂ症" .......hahahh太誇張了嗎???

以前買一個普普通通幾百蚊既Ｂ都唔捨得，到而家有Ｂ唔買總覺得少左Ｄ野咁，錯過左D野咁，分別真係好大.....

其實都可以話買左第１隻Ｂ開始就會有第２隻，買左第１隻貴Ｂ就會買第２隻貴Ｂ，可以話係無底深潭，但是為左 Blythe，我無悔，有好多野唔係錢黎衡量既，只要開心就好 la，這並唔係其他人可以感受到

我平時仲意做衫仔俾 d 囡囡，同佢地扮下靚靚就當然唔少得啦~~

最滿足就係佈置場景，佈置得靚靚，真係好有滿足感

係得閒既時間就帶下佢地去影下相，最好玩就係去 meeting 啦，可以識到好多志同道合既朋友仔，玩得好開心架...

自問湊女仲未去到有心得既階段，其實仲係學習緊，至少改裝＆植髮戈D我真係一概不通，所以我會繼續給取更多意見架...

亞囡我地仲有排玩呀

愛你唔係因為潮，唔係因為晒命，唔係因為錢多無訂駛(因為我無錢)，唔係因為人有我有

只係因為你太吸引，太獨特，令人愛不釋手

愛一個娃是唔需要太多理由的，愛就是愛.......囡囡們，I Love You All

B媽們，我諗你明我講緊咩既^^

希望

其實而家係網上 search，只要打 "Blythe" 呢個字，閒閒地都幾十版搜尋結果，而個人網頁真係佔好多好多，自己知道個樂園唔係太突出，如果你地中意呢個樂園就多 d 黎 玩玩 /加入最愛啦，我會好開心架^^