20/6/2003 星期五
昨日冇乜心機呀！唔知係咪因為放假冇野做，悶到發荒呢 ?
一係悶到飛起，二係知道忠屎話以後唔再在info寫野喎 ~ 都唔知點解?????????我咪問佢law~ 佢話唔寫無咩問題…..亦都唔係唔開心…….但我睇佢info已成了我的習慣啦……唔係呀……係嗜好 tim 啦~ 佢唔寫野……我更加唔知佢諗乜??? 都好ge…..佢唔會亂諗野啦。不過，平時佢在icq好似冇乜野講咁，好難先可以同佢傾到計咁….我又唔識搵話題同佢傾，因我用左icq一段日子，都唔長的日子，大多數時間都係我add左人之後，等人撩我傾計架！係佢令我要主動…
因佢仲比我更加靜，雖然依家都唔可以改善到我的弊端(冇乜野講)…但我唔知點可以改善……我都估唔到男仔咁少野講架… 可能我悶親佢啦！但我都唔知點好….
仲有昨日學整留言板，原來好鬼死難整架….咩 cgi, php 佢識我….我唔識佢。見冇乜世藝咪走去學下law~ 阿ken比左 e-book我睇，睇極都唔明呀！搞到有少少”憫”呀！阿ken話學依d花多d時間wor~ 阿ken話叫我apply….佢都唔知我幾黑，我死左4個板啦。我咪的起心肝試下整lor~所以話平ge冇好，好ge冇平係啱架。我有”板”你睇啦~
仲有呀，我昨晚諗住send 慧嫻d歌比人欣賞下啦。點乜知個個一聽到係慧嫻就唔要啦~究竟慧嫻有乜唔好呢???你地覺得唔好聽咩 ????? 有時….我只係想同大家分享我喜愛ge野啫…….就好似我的日記咁咋嘛~ 唉……..有陣時真係好失望。好似柯南咁……佢都受我影響去聽慧嫻的歌，但佢只喜歡經典果d歌，我有時想介紹唔係經典，亦都唔係派台歌，佢就唔要啦！
++++++++++++++++++++++++++++++++++++++++++++++
已錯過了你的生日，急趕而來失望而回。慧嫻的《花店》
++++++++++++++++++++++++++++++++++++++++++++++
昨晚我好夜仲online，見到好多人online。忠屎都online呀，忠屎send左個網址比我，話咩感人故事。不過，我add佢…..佢又冇add我啦。後尾我又要走啦……唉…….
今日我睇過昨晚忠屎send比我果個感人故事，忠屎真係丫……send d 咁感人的，搞到人地眼濕濕。我不嬲都冇乜心機去睇依d愛情故事，今次就破例去睇，而且去認真去睇。
今日佢地全班去黃金海岸BBQ呀 ^.^
近排冇返學，好似迷失方向….冇晒目標…冇晒寄詫咁…….成個人提唔起勁咁呀！上年都唔係咁架~
佢 info:
這裡已經不可以被我發洩心中的不憤
文字已經再不可以表達我心中的情緒
所以我決定不再寫下去了
只因現在什麼我都不再重要