23/6/2003 星期一
依幾日冇寫日記呀……..有冇掛住我呀 ??????
冇……就算啦 ! 本小姐心情靚。
前幾日睇左慧嫻的網頁……..有好多fans話慧嫻在<勁歌金曲>的表演有少少失準……..同有d不滿點解慧嫻到今時今日都仲唱<千千闕歌>…….點解唔唱<明日有明天>???????等等….原來網主話可能因<明日有明天>仲未在<無線>派台…..所以要唱舊歌…….因只得一首歌的時間…….同埋慧嫻果日錄影唔舒服。後尾……..小魔星就走左去睇錄影帶<勁歌金曲>，又好難怪d fans 覺得唔夠喉嘅 …………淨係唱得一首歌…同埋慧嫻真係睇得出佢真係好緊張呀！全程合埋雙眼咁滯……..可能太耐無出黎唱歌啦…….同埋……真係有少少失準…….唔係話佢走音之類，而係唱唔番當年的水準。希望慧嫻早日康復啦同演唱會表現好d啦！但昨晚睇電視慧嫻的表現幾好……..又要跳埋舞，如果係慧嫻d fans 都知跳舞唔係慧嫻的強項……..所以果隻舞佢練左好耐架……算唔錯架啦，雖然冇Kelly同郭富城的舞姿咁勁….但就昨晚所見慧嫻真係唔錯架啦。呀…………仲有……我婆婆的偶像----黎明昨晚唱歌進步左wor，又冇走音，又冇mind咀wor ~ 唱Live tim~ 以前最差果個都唱得好過依家d人…….唔知婆婆有冇睇佢偶像呢?????唔使驚訝呀…….我婆婆今年已經70幾歲啦…….但佢係黎明的fans黎架…..Die hard fans黎架……仲入左fan club【黎明之家】，佢迷左黎明十幾年架啦。婆婆仲瘋狂過d妹妹仔呀！年年樂壇頌獎典禮或黎明開演唱會，我d阿姨就會出錢請婆婆睇頒獎典禮……媽咪就幫手撲飛。每次都撲到d頭位tim，等婆婆可以近距離接近黎明呀嘛！佢迷時下d偶像都好嘅…..心境都開朗d …..young d呀嘛！
仲有…….昨日同Cathy，怪獸，忠屎 ICQ chat…..
Cathy在鄉下同我chat呀…..開心死我，我好掛住佢呀嘛~ 仲有……怪獸話暫定計劃我生日果日去睇戲……其實我唔係咁想佢地年年幫我慶祝架……你地諗都諗到佢地用的錢係零用錢黎架嘛…….我唔想佢地破費同我慶祝。唉…….加上依家經濟不景……我始終覺得唔係幾好…..佢地記得我的生日，我就已經好開心架啦！
仲有…….昨日同忠屎chat又係我去例牌去add佢啦，昨日我的表現算唔錯啦…….中規中舉啦……唔算有大突破….但我拉下東扯下西去同佢chat 下啦……算唔錯啦…好過之前啦！但佢的回應 : IC、係呀、咩事呀、OK、無呀、唔係…….等等。最長果句有5個字，佢肯聽我發UP風已經好好架啦~已經好難得架啦！我唔敢再奢望架啦………
呀………..我初初用ICQ都唔係好明點解咁多function架，例如: available, N/A(not available),Free of chat, Occupied, D/N (do not disturb), away, invisible, disconnect。最頭同最尾果個function我梗係知啦，但中間果d真係唔明架……依家梗係明啦。但唔明整咁鬼多function黎做乜???幾個咪搞掂law…….整咁鬼多把鬼咩…….唔得閒就用N/A……唔得閒咁就唔好鬼開住個ICQ啦，又要開住但又N/A，玩咩?????
我add左阿Yan好耐呀……..但未真真正正chat過呀，有時搵隻mouse睇下佢n/a左幾耐啦，可以4日4夜都n/a架…….真係犀利呀……….或者唔想咁多人同時間搵佢啦…咁就真係唔知啦！
我發覺呢……..我寫野仲多過我講野呀……中學時作文都係咁架，作文d成績點……唔好講啦……因為我都唔記鬼得左 hehehe……….但初初比埋題目，又要限你最少幾百字的作文，我開頭會舉棋不定架……..唔知點算好…….但寫到咁上下，我就好似收唔到制咁……..寫到欲霸不能啦…….哈哈………唔…………
昨日忠屎講大話呀………明明有都話冇……之後仲….唉………..唔講啦~
我曾經睇娛樂新聞，d 記者問慧嫻點解同區丁玉(即佢前男友兼前唱片監製)分左手12年，點解仲可以有講有笑仲friend 呢?????? 慧嫻當年去左外國讀書，區丁玉第2年就識左第二個，仲閃電結婚tim~ 慧嫻就蒙在古壘…….係d記者話比佢聽先知區丁玉同人結婚，慧嫻當年有時放假番黎，接受訪問，被問到佢到現在(即當年)依一刻係咪仲愛區丁玉，慧嫻毫不猶疑笑著回答：「係！」佢話我唔使攬住佢….我唔使錫佢………但我都可以愛佢架嘛！依點亦都令好多fans欣賞佢的地方……..欣賞佢果種敢恨敢愛………
佢話：「咁就要睇你分手分成點啦。我好相信緣份依樣野，做唔成情侶，代表情侶的緣份已盡；但可能可以做朋友架嘛，幸好我同區丁玉友誼的感情昇華左！」
佢每一次被談及佢的戀情，佢都好大方咁講出黎。佢亦都講過佢同Michael Cheung (即前男友)，有一次慧嫻發脾氣，dum 爛晒屋企D野。佢都照講，唔怕影響自己形象。DJ主持問佢：「你有冇諗過你男朋友可能當年係你fans，慧嫻成日唱d好溫柔的歌。但今日你係佢女朋友，竟然估唔到可以發咁大脾氣………」慧嫻話：「咁我諗佢(Michael Cheung)當時好驚架啦！但冇計啦……我好嬲呀嘛！」
今日可能係最長的日記……..我發覺我打字叻左呀…….由最初日記可能得幾行，甚或至用英文代替我想打而唔識嘅中文詞語同因唔識打咁多字到今時今日可以打到咁長……..成日比人話我日記水蛇春咁長…我認架…….因我好多”謬論”要發表呀嘛~
仲有昨日去左馬小零個板度發洩呀……..佢叫我搵d鍾意的有興趣的野做喎~ 我一時諗唔起我有咩野興趣喎……所以今日咪寫到咁長的日記law~
今日就此擱筆。