13/8/2003 星期三
[豈有此理]
如果今日大家都有睇新聞的話，都知有一種名為"衝撃波"的病毒攻撃微軟的漏動.....我昨日就中左招喇......話說阿媽在昨日的零晨2:00就玩緊打麻雀的game.....跟住就彈左個倒數器話要熄機.......阿媽只好乖乖地訓啦......
朝早，阿哥都搞唔掂......到我更加搞唔掂......我搏命在ICQ搵人求救，但我是趁佢倒數熄機的60秒之前.....還可以用ICQ......所以我要同時間兢賽咁打字向各方好友求救......但可惜朝早無人理我.......搞左成日都搞唔掂.....搞到發癲咁滯~ 有D又唔識幫我......結果到放晚搵左阿KEN幫手......佢SEND左個WINDOW比我裝..結果真係無左個倒數器。本來就祇該開心GE，但無幾耐電腦出左個"病毒警示"話有病毒......正一一波未平一波又起~ 我搵我舊同學小狗幫手.......佢教我ZIP起佢....然後DELETE左個FILE......但都唔掂.......DELETE唔到......跟住又問番阿KEN......阿KEN教我用NORTON隔離佢......但掃描都搞左好耐.....搞到阿KEN都走左......我都仲未掃描完.......掃描後發覺有3個病毒....有2個隔離到....但有1個就唔得......果個就係"W32.BLASTER.Worm"喇......幾當黑呀我........跟住走去問忠屎...忠屎比左一大堆資料我搞.....睇到我一頭霧水，跟住又走去問阿Keith......佢在ICQ唔識點教我.....唔係唔識教我，係好難在ICQ教我，佢叫我DOWNLOAD一個程或......我就唔明佢講乜啦.....跟住我又問番忠屎......忠屎話叫我照住佢SEND D 野比我照做WOR~ 後尾就真係試下啦........唉~~~~~~~~~~~過程非常之唔開心......搞到我"憫"過鬼，覺得好無助呀，我第一次自己搞依D野......我學左電腦無幾耐之嘛~ 一黎就黎咁高LEVEL......我搞唔掂架嘛~ 昨晚搞到零晨2點幾先有得訓，我搞緊果時好"憫"呀，阿媽又不斷催我訓.......就更加"憫"上加"憫"啦........佢仲話好law壞左仲好.........等你唔使成日玩ICQ(=.=好似落井下石咁)，到阿哥返黎.......我都仲搞緊......阿哥一返黎就鬧我，成日ICQ搞到部電腦......叫我唔識的人就唔好理........昨日零晨2點我都訓緊覺啦........點解部電腦一有事就話架啫~ 跟住阿媽同1阿哥就你一言我一語.......搞到我好似千古罪人咁.......唉~~~~~~~~好慘呀~~~~~~~
今日我都整緊野......阿媽成日在我整緊野的時候.....叫我做依樣做果樣......佢頭先叫我拎D茶杯洗下佢....然後攞壺茶入黎........依個唔係一個問題......最大問題係佢今朝睇完新聞叫我地抄低個網址搞番部電腦......咁我一起身就做啦......但我一搞依D野就好"憫"架嘛....我第一次搞依D野架咋~ 咁你叫我做得邊樣啫??????又話叫我唔好搞部電腦由得佢.....明明係佢叫我今朝搞番掂佢.......又話最好乜野都唔使我做(反話).......我好無奈呀~ 又話你依家又唔使讀電腦......要部電腦黎做乜丫????叫我唔好整wor~ 我日日都有做家務架~ 雖然淨係洗下碗.......但我都有做野架! 唔好成日話我對住部電腦呀~~~~~~~~
知道有D人唔抵得Bill Gate搵得多錢......所以先有今次ge病毒.....我好嬲呀.......依d人應該拖出去斬呀~~~~~~~~~ 你唔抵得人地多錢......你咪做d野叻過佢law~ 做d有建設性ge野......做埋d有破壞冇建設ge......比你攻到佢都勝之不武啫~ 在這少少的東西上雞蛋裡挑骨頭......未免Too naive.....你做到攻撃人地的漏動........人地都唔會話你叻啦~ 仲會對你恨之入骨......即係好似我咁......我真係好憎依d人~
在此多謝好多人..........有小狗、阿Ken、阿Keith, Jones、仲有阿Sun.....雖然我在朝早向Sun求救......但佢到夜晚零晨1點幾先回覆我.......但都好多謝佢地啦......
佢 info:
我唔理以前怎樣~~~~
現在~~~~~
我只在乎如何待妳好~~~~
佢 17:31 invisible.........跟住又of9啦 =.=跟住又invisible.....又of9 ......
唔係好似我昨日咁呀?! 希望佢無事啦......