14/8/2003 星期四
[好笑呀..........]
佢 info:
我地係香港人 無野係無可能
心中只有妳~~~~
昨日，好鬼好笑呀.........阿Sun唔好意思呀......幫唔到你~ 係我心邪啫~ 唔關你事......
佢昨日叫我上一個電影網 http://www.vodhere.com/auto.asp?id=1503039，我上左去一見到
有幅相......好似...果d網頁咁.....我就好驚啦~
之所以我咁敏感係因為我第一次開ICQ account時.......第一個add我的人就同我講埋果 d
野.......佢用英文講.......我唔識，以為係我d英文差.......我真係走去查字典......點乜知原來
係講埋d衰野~ 我即刻delete果個人.......到無幾耐又有另一個人add我.......佢第一句就講:
help........跟住就寫左一句英文........我又唔識又走去逐個字查字典......甚至查埋Yahoo都唔
知佢想講乜(咁你地知啦........有時逐個字查的意思同成句查的意思又唔同，咁我部字典機
唔可以成句查架嘛~)咁我咪用英文同佢講: My English is not good, can you speak simple
English? How do I help you?
跟住佢 就F我啦........(F*粗口).........我一心諗住睇點幫佢......佢竟然咁對我.....我好嬲架
~ 後尾我咪delete佢......我唔會F佢law....唔係我唔識，而係我唔會咁做，F 相報何時了呢?
所以我只DELETE左佢~
自始之後，我對陌生的男性(指ICQ)好抗拒~ 每一次有人ADD我......我都會睇佢INFO.....
睇下男定女......如果係男....我唔理佢。所以阿SUN你初初ADD我果時，我唔知你係邊個就
DELETE左你.......你都未算慘，最慘Alan，佢add左我幾次....幾次都比我delete左....佢唔
知第3次add我果時.....我認得佢ICQ名，我覺得佢ICQ名好恐怖......覺得似果D變態佬先改
依D名(Freeman死亡日記)，我記得明明DELETE左佢幾次架，佢都仲ADD我，我好驚咪整
佢落Ignore list。後尾Cathy話係Alan......我先知原來識得架~ 哈哈..........^6^
唉~~~~~~~~~~~~點解個個依家都把自己的心事收埋架??????........依家連柯南都係咁....
唉~~~~~~~~~以前佢會講自己的心事及心底所想的野比我聽架。反而我以前唔講......我依
家把自己的心窗打開同大家分享的時候，你地就收埋晒~ 好似同大家行相反方向......我唔
係要迫大家講比我聽，但我真係想知大家心底所想的野同心事......開心可以分享....唔開心
我同大家分憂......縱使我幫唔到你地，但我願意做大家的聽眾。或者....我太天真啦.....你
講得啱，人有時要識得保護自己。你真係大個女啦......依家出左黎做野，要兼顧人情世
故。可能因為咁你變得咩都唔同人講啦，咁又怪得你ge~ 你咁做都未嘗唔好。但我真係好
懷念以前咩都傾得一餐呀~ 你要講就自然會講.......我唔追問你啦.....
15/8/2003 星期五
[心事重重.......終可釋放]
佢 n/a板:
bring back bring back
珍惜眼前人~~~~
今日好開心呀......同小裕子傾左好多野呀..........唔知點解今日同小裕子講左....好開心
呀~ 一本舊日記令我諗起好多野呀......裡面有一張聖誔CARD曾經令我好開心.....但今時今
日令我好驚~~~~~~ 有時我覺得自己好衰架.......我鍾意左另一個GE時候......又會記得以前
D人........所以我同過阿SUN講過.....我唔會忘記給我愛過的男孩就是這原因啦~ 仲會記得
佢地.....有時我諗佢地唔會記得我啦~ 但唔知點解我個個都記得....我千方百計都要搵番佢
地.......但有一個男仔搵唔到(依個就係第一次表白的人啦~)......
我搵番D小學同學.....原因就係我仲記住幾個人.......甚至中學的同學都係咁......但果個
男同學我就唔希望搵番佢啦......我唔想比佢知我曾經暗戀過佢......
依家果幾個小學同學同2個中學同學，有時都有同佢地CHAT ge~ 但佢地梗係唔知我
暗戀過佢啦....如果唔係....都唔知會點????依家我再講比佢地聽都冇意思喇~ 有時佢地唔開
心......我都會關心下~
但有時.....我唔知我依d舉動係朋友的關心定係......我都分唔清呀......
21:51P.M
佢 n/a 板:
I don't care.
16/8/2003 星期六
[公報結果啦.......好驚呀]
今日好鬼驚呀.......好似就黎死期到咁~ 就黎公報結果啦~~~~~~~ 時間愈迫近我就
愈緊張...........
頭先同Christy傾左一d野，好開心呀........在她那裡傾出好多道理~ 令我舒解左些
啦..........有時有d野未必有對與錯的。自己知自己做乜就得啦~
無可否認，我對以前d人仲有記掛........亦都唔排除還有些少愛意存在.....但不復昔
日啦.......感覺冇咁濃烈啦~ 其實我都好花心.........有時夜深人靜的時候，我會想起佢地
(=.=你個腦都好唔得閒wor~).....佢地會唔會有女友呢?佢地女友錫佢地嗎?佢地生活得好嗎?
依d就係我想佢地時會諗的問題啦~ 佢地唔開心.......我亦都會唔開心~ 其實應該逗番佢地
開心先啱，唔應該陪佢地唔開心。但我唔識，所以一見佢地唔開心.......我就不知所措啦~
Christy話當一段感情完左......就要好似酒店要執房......執清自己間房，然後再投
入另一段感情........即唔好留戀。
但我又冇戀過，亦都冇受過傷害........只是純粹單戀~ 我執唔到wor~ 人的記憶唔
可以話忘記就忘記~ 除非失憶架啫.......有時我都希望自己失憶呀......
無錯......有時當你鍾意左另一個人，佢會取代以前果個人在你心目中的地位......
但發生左就係發生左.......話可以忘記以前.......只是暫時遺忘了......佢(記憶)唔會消失
的......... 唉~~~~~~~~~~ 救命呀~ 點解張card仲留在日記架?????激死我啦.......你叫我依家
丟......我又丟唔到wor~ 每一次執屋見到張card.......我都不其然都會擺番落日記簿......每一
次都心軟丟唔到呀~~~~~~~~~ 唔忍心呀~ 既然無戀過，點解我會仲留戀架?明明丟左一張
架.......點解仲有一張架?(好邪呀=.=) 在我煩緊同忠屎之間的野.......又比依張card困擾我~
@.@
對唔住！忠屎~ 我仲未放低晒呀~ 未執清間房呀~~~~~~~~ 好似依度又收埋d......果
度又收埋d咁.........唉~~~~~~~~~~我以為可以忘記......但原來一直都忘記唔到呀~
究竟我應唔應該再愛人呢?????? 每一次我都忘記唔到~
頭先又同Cathy傾......吸受好多人的觀點呀~ 我諗我會想通架啦.......回憶是人的最重
要的部份.....依個世界個個人的想法同處事的方式都唔同，真係無一定的答案。
*****************************************************************
咪彈人貪新厭舊 愛情如海市蜃樓
問天賜幾許佳偶 離合悲歡定必有
飲番杯冰凍啤酒 高歌一曲氣量厚
無謂再去為情悔疚 你盞心嗡得個嬲
我懷疑天邊宇宙 有神靈管轄地球
實應要睇通睇透 成敗得失莫追究
《杯酒當歌》許冠傑
***************************************************************
佢 info:
天~ 令我無話可說
我根本不想分開
但為何能夠在一起
但上天永遠注定要我和她分開
佢 n/a板:
到今時今日
我發現到
依個世界上好多野我都唔可以去控制
我只可以去想
18:39 n/a
佢 n/a板:
好多野我都控制唔到
我發覺自己好渺小
渺小到連我都看不見自己
知道結果啦~ 係第一志願--- 網絡應用文憑~ 雖然得左......但有d擔心同驚~
n/a 0:19
I am not the saint