18/8/2003 星期一
[心煩~~~~~~高處不勝寒]
佢 info:
我只~ 信我自己
有朋友話寫日記係可以同神傾計wor~ 我又唔知呀.....不過照咁睇又幾好wor~ 因我唔識
祈禱呀嘛(大家都知啦依d野.....)，即管試試啦~ 不過我唔只同神講野，仲有同人講野。
前日IVE公報左結果.......係第一志願的網絡應用文憑。照常理我應是開心的，但我唔
係.......好多野擔心同驚。我將我依份驚慌的心底說話在朋友柯南留言板留言......她的回應
是：你在炫耀嗎? 我當唐睇到依兩個字眼"炫耀"....睇到眼都大埋~ 火都黎埋~ (拿~ 我事先
聲明呀......我雖然係得到第一志願....但我從來冇炫耀過。當時睇到真係好傷心......覺得冇
人明白我......我似會炫耀的人嗎?佢咁講當時我好失望......我在佢留言板咁樣講....話我"雖
然得左第一志願網絡應用文憑......但我有D擔心....."我從來冇同人講過我會驚的說話.....我
咁講就真係好驚架啦~但佢竟然唔明.......後來先知原來柯南在講笑而已~ =.=講笑搵第樣講
啦......我真係好驚架~ 同埋佢依幾排心情又唔好.......我都好明白及理解！)
後來我同每一個人講話我好擔心.......都冇一個明白我究竟驚乜~咁又好難怪人地唔明
ge~我講到唔清唔楚......我講到咁...唔係我唔想同人講.....而係唔識同人講，甚至乎唔知點
講~ 好難以啟齒呀~
我覺得好無助呀........依個問題年年我都有擔心.......但今年因果次INTERVIEW....IN
得唔開心......所以由果日開始一直都好擔心，我唔係話上年INTERVIEW得好開心......而係
今年INTERVIEW果個阿SIR問左好多問題......基本上上年都有問依D問題.....我地的
INTERVIEW唔係問技術上的問題.....而係Focus在我身體上的問題.......今年有一個阿sir問
得好詳細.......我唔介意佢問得detail.......問得detail仲好，但佢比我一個感覺，佢唔想收
我.......佢一論咀咁問，我冇辦法插咀答......甚至唔識答~ 好多解釋.....好多理由話我唔適
合~ 其實果日interview的日記......我真係一返到黎就寫啦...因真係好唔開心.....係真架！
其實果日interview後.....一返屋企就即刻標左入廁所想喊.....但奈何阿媽問我interview
的詳情......搞到我喊唔到~
其實我係驚到時d人會唔會好似今年果d咁好呢?我適唔適到呢?我應唔應付得黎呢?依d
就係年年都會煩惱的問題........你地依家明白嗎?
昨日知道個個同學都揀左唔同科目.........好唔捨得呀~ 好似個個都分道揚鏢咁......同
埋忠屎又唔同我一間學校......換言之即係冇得見啦........有d失落>.< 唔滯呀~
昨日送左張e-card比Jones呀.........佢昨晚9:21....在ICQ話"多謝妳ge生日卡".......我開
心到爆呀......wakaka....^6^哈哈........我咪話祝佢Happy Birthday同祝佢心想事成....同希望
佢生活得開開心心law~
祝Billy好運啦.......
聽日8月19日就係忠屎生日的大日子呀......佢18歲啦.....大個仔lu~ Happy Birthday to
you！
仲有就係辦理入學手續的日子同陳慧嫻出新碟《情意結》的大日子啦~ 真係多事發生呀