12/5/2003星期一
今日佢著黑色衫，淺藍色牛仔褲 ~ 佢今日教Bonnie整網頁 。同Life Skills佢借左個手提電話比Miss，仲有頭先轉課室又見到佢，我同小裕子啱啱走出去，佢就返番課室。
佢info
我只想待人好
但我並不要求別人待我好∼:
點解呢 ???????? ----小魔星字
12/5/2003星期二
佢info:我知道了................................................................就是沒可能...................... 我頭先在旺角轉車，到左太子站在車廂見到忠屎在月台呀，但佢見唔到我。同今日佢著左杏色加啡色橙色橫間條衫，同帶紅色書包。頭先放學已經在學校附近見到佢同阿Yan在籃球場走番過黎，佢都有同我打招呼再見。
p.s今日database補課冇人上，因個個都趕project，同知道ccfok下年唔在IVE教喎！ 簡直天大喜訊啦！
今日佢仲同我地講點解佢唔教中文，佢未講原因，我都估到啦~ 因要睇晒D文章先可以教好辛苦喎 ! 依幾日做I.A PROJECT好辛苦呀，聽日仲要present同英文quiz呀!
14/5/2003星期三
昨晚，我都算有史以來最辛苦的一晚，我等埋小山羊番屋企online，send完野比佢11點就offline。 但原來小山羊同阿hin昨晚無訓過呀，簡直係鐵人。小山羊今日仲搭車訓著左，搞到過左龍，仲遲到呀！不過，都唔只佢一個遲到，成大半班都遲到。睇見阿hin同小山羊通頂整網頁，我都戥佢地慘同覺得佢地好陰公！全組人好似最早訓係我，所以搞到我覺得好唔好意思。原來全班都做到好夜呀！細Mic佢地仲連日捱夜。
今日個個都好攰，個個都想釣魚。
今日我present我好差，完全唔識執生，淨係講得幾句。
p.s今日一返學就見到佢啦！佢著紅色衫同揹紅色書包，今日佢 present，我坐到最前聽佢講呀。同我發覺佢真係好有領導才能，組織能力非常之強。今日零加乘問我同 Carrie 衍申個”衍”點寫，我地兩個都唔識，我地問忠屎同阿 Yan，佢地都唔識，結果佢地問阿 sir 。
同到我地present，佢坐到好前呀！搞到我仲更加緊張，同埋，由今次 present 可以見得到我係完全唔識好似阿hin 咁爆肚架~ 仲有，細 Mic 佢地個組個網做得好 Pro ~
佢 info:
我不懂得愛
亦不想再愛
只學會無耐
若我真的不值得愛
為何妳與我曾經相愛
若我倆曾經相愛
又為何我們注定分開
佢icq個名改左做”不值得愛的jones”。
點解咁講呢 ? 我記得我個 friend 怪獸曾經話過每個人都有值得被愛的地方的。
15/5/2002 星期四
今日一返學又見佢啦！佢同 Lam Lam 一起返嘅 ~ 佢今日著黑色衫，背後有個圓圈同埋個 1 字，同揹紅色書包。
今日 programming堂 test，佢溫唔晒 d 書，我都未溫晒啦 ! 所以今日阿 sir 提埋水比我，我都唔知自己寫乜???????? 唉…………………………
佢同零加乘講昨晚冇睇<雷霆傘兵>，聽到佢地話今日去游水。但今朝天陰陰，到晏晝又咁好陽光。
唔知佢依家游緊水定係飛返屋企睇<雷霆傘兵>呢 ?
佢 info:
我不懂得愛
亦不想再愛
只學會無耐
若我真的不值得愛
為何妳與我曾經相愛
若我倆曾經相愛
又為何我們注定分開．．．．．．．．．．．．．．
我只是失去一個不愛我的人
但她卻失去了一個愛她的人
這並不是我的損失
佢好似終於識諗啦 ~ 實在太開心啦 !
16/5/2003 星期五
佢 INFO:
妳與我的故事
起初我們寫得非常動人，就像上天注定我們一生一世在一起
中期我們寫出我們之間的問題，面對的困難及解決方法
最後我們只有畫上一個破裂的句號
如果有人叫我再次拿起這一本故事書寫下去
我會回答
一個好故事，只有兩個人合力才會寫的得好
若只得我一個寫下去
我會選擇永遠不再寫
我好辛苦先打左佢 INFO 出黎，因 COPY 有問題呀 ~
今日返學見到佢，佢著黑色加白色間條裇衫同白色衫做底。
今日第一堂空堂，佢同零加乘玩得好搞笑，零加乘話自己有登革熱，忠屎話自己有 Sars。
見到佢玩pear牌同零加乘傾<雷霆傘兵>，傾到興高采烈 !
跟住又見佢睇 <I’s>，估唔到男仔都鍾意睇 !
到 Lunch，又見到佢 ~ 佢同班 friend 留番喺學校食 lunch。我聽到佢地講得好搞笑，我咪笑 lor ~ 但佢地個個都望住我，搞到我好尷尬 ~ 可能佢地覺得我咁遠都聽到，覺得我怪啦 ! 因我班 friend 出左去食 lunch，所以得番我一個。 我悶得滯咪聽下佢地講乜 lor ~ Christy 望住我唔知係咪喺度諗我係咪傻架呢 ? 跟住見到佢幫Christy戴戒指 ~ 忠屎話昨日 d 人test vb 有 d 人眉來眼去得好揚，Bonnie 仲奸，直情扮出去聽電話出去問人。佢話Bonnie 個樣衰到好似做賊咁，當時我聽到佢咁講真係搞到我爭 d 噴飯咁滯 ~
跟住我班 friend 番黎打破我的寂莫的心靈，仲玩得好癲 tim ~ Carrie 話玩 pear 牌輸左要剝衫，結果佢第一局就輸左啦 ~ 仲要總供輸左四次 。Bonnie 輸左兩、三次，我地話要 Bon Bon 剝衫要跳埋 Table Dance，同繞場一周，Shadow 就好似失左控咁，不停講 d 好搞笑嘅野 ! 同沙謄英爭 d 食左 d 趺過落地嘅麥提沙，嚇到我地尖叫 ~ 我地本來想整蠱阿 Hin 佢地，點乜知原來佢地食飽左 。
今日上PW 堂，我抄錯左 PROGRAMME，搞到阿 Hin 一頭霧水，復尾我先發覺我抄錯左，阿 hin同我講：「你唔好玩我呀, Candy ！」 我都唔好意思，我無心架，但都好搞笑同總算學到野，因我都有問Miss，好過問阿 Sir !
p.s佢話今晚去街街 ~
17/5/2003 星期六
佢 info:
今日有人同我講我改變了
我承認，我真的改變了不少
但我待人的心永遠不會變
現在我十分之需要 (感情治療)
解釋：感情治療是一種精神上的治療。
18/5/2003 星期日
我自問我再沒有欠妳什麼
我自問我以往亦待妳不錯
但為何一位路過的人亦比妳待我好
現在我一一想通
以往，十萬個我的好友亦無法比得上妳
但現在十萬個妳都無法再比得上我一個普通的朋友
因為我現在學會了
只珍惜一個人最後只會失去所有人
學會珍惜所有人才不會失去珍惜自己的人
p.s 昨晚，好冤枉呀 ! 我比阿媽屈呀！！！佢問我成日對住部電腦，有冇覺得諗野遲鈍左 ???????? 佢話佢成日打機都感覺到自己遲鈍左。佢就話我都有問題喎 ~ 我話梗係啦 ! 你打到通頂嘅，我都唔係通頂，所以我點會有問題呀 ! 佢就隔硬話我有問題，係自己唔覺。話唔比我玩 icq，話我唔知識埋 d 咩人，話我返左學都仲有 icq 信封，講極佢都唔明，如果有人夜晚 send 個 icq 或 url，第二日一開機，icq 會隨機開架嘛，阿媽又唔信喎，知少少就話人地唔知識埋 d 咩人，佢開部電腦又唔識熄我個 icq，所以我成日用 invisible。
仲有呀 !最冤枉就係佢有一次半夜打機，佢話收到個 icq，icq 寫住問人借 $2000，佢第二日就即刻問我果個係咩人，但我一開部機，我一開部機個 icq account唔係我架， 係我阿哥架，最弊果 d 係無聊嘅人 send 架。所以連我阿哥都唔知果個係邊個，我講極佢都唔明又唔信我，果個 account 真係唔係我架 !
阿媽講極都唔明，又借 d “二”用依個做籍口唔比人玩 icq 。好冤枉呀 !!!!!!!!
18/5/2003 星期日
佢 info:
開心又係咁渡過一日
唔開心又係咁渡過
如果比我去選擇
就算幾咁唔開心
我都會開開心心咁去過每一日
我今日摷小學網頁搵番好多小學同學呀 ! 好開心呀 !
20/5/2003 星期二
今日突然比我發現一樣野
依樣野足足放喺度兩年了
原來係一張十蚊紙所摺成的青蛙
這隻紙青蛙是她教摺第一隻紙青蛙時所摺的
有時我好想知道點解
點解當我努力地去忘記她的時候
上天就好像不使我忘記她
我昨日聽佢 present 先知佢點解咁鍾意睇<阿甘正傅>, 原來簡單就是美同平凡中不平凡就是佢睇完依套戲的感想, 原來佢鍾意玩風帆。
昨日返學又見到佢, 佢著粉紅色加綠色間條, 深藍色牛仔褲, 帶啡色袋, 佢昨日雙手插袋, 好型呀 ! 哈哈………放學又見到佢 。