26/8/2003 星期二
[明日又去覆診...........]
佢 info: 我有 一個夢想
「我夢想有一天這個國家能夠站起來，實現其信條的真諦：『所有人生下來就是平等』這條不證自明的道理……我夢想有一天我的四位小孩活在一個不以膚色作為評價準則的國家，反以人格品德作為標。」
馬丁路德金•<<我有一個夢想>>
嘩..........真係犀利.......Jones無啦啦寫馬丁路德金...........
聽日又去伊利莎伯覆診 ae~
昨晚上香港寬頻知道就黎又有蠕蟲病毒，我又驚再中毒........咪走去問Jones點預防。佢
話update防毒軟件同我的Window，跟住照做啦。點乜知唔記得左問防毒軟件即是邊一
個??????....@.@(滾地)
跟住走去問阿ken.......我用Norton....佢話update那個叫"Live update"~
^^"因為咩都唔識ge關係......所以可能我會問一 d 對於一班高高手黎講好低level的問
題.....望大家見諒。
之所以點解一見到又有病毒我咁驚.......驚唔係因為驚中毒.......係驚中左毒之後，比阿
哥鬧。(又再一次滾地@.@)......所以昨晚我又幫電腦掃描病毒啦....update window
啦....update防毒軟件，原來部電腦好似人咁，要body check(即好似掃描果時)......update
window果時就好似幫佢洗白白咁law~ 真係麻鬼煩啦....成日都有病毒......d人食飽飯無野
做，成日散播病毒。(=.=拖出去斬......)
應該就無乜問題......唔會咁容易中招啦啩~ 做齊晒架啦bor~
阿哥~ 今次我係咪好叻呢?????哈哈哈哈......(=.=一臉自豪ge模樣)
阿哥鬧人唔使本架，平時同我講野都聲大大咁.....我有叫過佢可唔可以對我溫柔 d 呀?
點乜知阿哥好搞笑咁樣同我講(扮晒一臉正經):對住你係唔可以溫柔架噃~~~~~(暈幾次
@.@)
但....... 佢對住gf時講野好細聲架(細聲講@.@)好似女仔咁樣(你點知呀=.=)佢煲電話粥
果時咪聽到law~.......依d喺依度講好啦....比阿哥知又鬧啦~~~~
昨日落雨好鬼死大......所以老豆唔使返工休息一天~ ^^
Jones 17:23 p.m n/a..........
Jones 18:22 p.m n/a........
n/a板:
對唔住
唔知發生咩事呢????? @.@
今日睇番《彷如昨日記》......重溫以前的日記.......發覺有一個人的名字出現的次數可
以同Jones有得比........果個就係 cc Fok喇~ 原因同目的只有一個.......就係比我狂鬧。無
錯。係"狂鬧".......因佢GE教育態度......大家都有目共睹架啦~
但大家放心.......內容冇爆粗....絕對睇得開心又睇得放心~ 不過言詞有少少過激....
睇完就知我點解會狂鬧佢架啦~ 最好由第18個PAGE.....即最尾睇番上最前......
佢 n/a.........23:59p.m
n/a板:
ER
27/8/2003 星期三
[今日覆診........I believe I can fly]
佢 info:
可能因為我 搞到大家... Sorry
今日覆診d冷氣好鬼死凍law~ 好似去北極咁......
今日覆診好唔開心呀.........你地唔會明白架啦~
個醫生叫我坐輪椅.......d態度又串~ 我話我識行...我唔會坐。我唔係完全行唔到......佢
話等於坐車代步.....你唔係成日坐住架車。佢話坐輪椅唔代表你跛左.....等於坐車都唔代表
你跛左。由頭到尾我冇話過我坐輪椅等於跛.......係佢講啫~我好堅決話唔要。佢話唔係迫
我，因輪椅都係需要付出一定昂貴的金錢購買。我唔係因為金錢的問題....係因為我相信
自己係得ge~ 醫生知道我出入要父母陪及上學及放學行路要好長時間......好似中學時由我
屋企行去斧山道......正常人要行半個鐘.....我要一個鐘(只計上學時間)。由BP行去Haking
我要半個鐘......佢好大反應咁樣話: 嘩........真係好耐wor~咁短路程都咁耐?!
佢話叫我坐輪椅係想節省我的時間.....相對地可以做好多野同舒服d。你第日返工又唔
使花咁多時間....又唔使咁攰~ 當你返8個鐘頭工...你返工放工的時間已經去左2個鐘....即
係去左10個鐘，嘩......你好攰啫~ 邊有時間做其他野呀? 20歲已經stable左個進度....冇得
再進步架啦.....唔係話唔會...係好少~至少唔會退步~ 你坐輪椅就可以節省好多時間啦
~~~~~~~ 佢話唔係迫我...你可以選擇唔坐....但你付出的代價係用好多時間........我一再堅
決拒絕唔要.......
我相信自己可以.......我唔要......我唔鍾意果d唔好迫我.......我最唔鍾意人迫我做d我唔
鍾意ge野~ 係，可能付出比人多d ge 時間......但我肯付出。我有我的自由....選擇自己條路
點行.......做乜要干涉我的自由????我好唔鍾意.........=.=
做乜野要迫我......依d分明就係迫啦.......我又唔係完全行唔到......完全行唔到就話啫~
好唔鐘意依個醫生.......
唔要揸叉......唔想揸stick....唔要坐輪椅.......唔想唔想唔想唔想......唔鍾意唔鍾意唔
鍾意......統統都唔要唔想唔鍾意。
跟住醫生話叫我去照X光，照下個盤骨有冇甩到.......佢話好耐都冇照過~
去到果度會問你條褲有冇拉鍊?(因照X光唔可以有任何金屬金器......因X光有幅射...
會影響到).......咁我今日都特登著左條冇拉鍊的褲.......好啦~入到去就問我條褲有冇袋住D
野.....我話冇~ 跟住果個照X光果個人就問我條褲有冇鈕.....我阿媽話冇鐵果D鈕....但我條
褲後袋係有D膠ge鈕.....佢話有鈕就唔得啦...咁我阿媽話果d鈕只係膠造架咋噃~ 佢態度好
串咁話：總之係鈕就唔得啦.......=.=之後咪要除左褲照X光law~
仁心仁術?! 我呸 ! 依兩個人除左用串黎形容佢地之外.......我都諗唔到咩形容詞黎形
容佢地...........
我今日好唔開心..........依幾排心情已經唔靚架啦.....昨晚一路做運動...一路fung機(即
聽歌開到好大聲)咁樣先可以調劑我不快的心情，搏命聽快歌(注重個beat架啫~歌詞唔
理).......昨晚又比老豆話.....我只不過冇做果樣運動咋嘛.....佢鬧緊我果陣我都行緊啦.......
想我點wor~ 無啦啦又鬧我.......
今日又比我遇著依兩隻野........正一醫學界敗類.......
我好唔開心呀~~~~~~~~~~~~~~ 點解要咁樣??????
p.s. I believe I can fly~我一出世就咁樣(你地之前有睇過日記的話，應該會知道我點解
會咁)曾經有人問我有冇覺得自己唔抵??......我答我冇依d咁ge諗法~我唔會怨點解會係
我????亦唔會怨點解我係咁~ 我只相信我總有一日得架.....點解偏偏阻撓我呢?建議我依
樣.......建議我果樣呢????? 我好唔明白......我都冇出聲.....點解你地要咁樣呢?係。我地最
切身的問題就係我地ge身體行路的進度........我地要比其他人付出時間多(做運動、行
路).....甚至乎生活圈子會細左........我地的而且確花好多時間同精力在我地的最切身的問
題上....但我堅信.....我肯付出，就會成功........雖然係花好多時間同精力.......我地的路可能
行得比人遠少少，但都唔代表到什麼，舒服?! 邊個會唔辛苦?做咩都辛苦架啦~
我一路喊住一路寫日記........從來未試過咁唔開心........>__<
你地明唔明我唔開心d咩呀? 你地都係唔明架喇~ 唉.......我在此發洩左出黎好左少
少....如果唔係谷到爆呀.......
果d叫我揸叉....拎stick....坐輪椅果d人......唔該行開呀>__<