28/8/2003 星期四
[真係好感動.....真係好感動.......多謝晒大家]
昨日我send左 messages比好幾個朋友叫佢地睇我日記，因昨日真係好唔開心~
點乜知收到好多朋友ge慰問......真係好感動~ 覺得大家好關心我呀....
阿sun: 人地講乜係人地的事,你要做的係做好自己!!
希望你明白我的意思!!
努力吧~~
(好感動呀......)
Day Camp又叫: 算la~ 唔好唔開心......
柯南: 唔好唔開心(又再在日記度叫我唔好唔開心.....支持我)
Jones: 唔好唔開心啦........
(真係無諗到Jones都黎安慰我......果陣真係有想喊ge衝動......又好鬼開心....真係好鬼感
動....悲喜交雜~)
凱盈: (問我好番d未啦.....即個心情)唔好唔開心啦.......
真係好感動.......我身邊有好多人關心同支持......真係感激流涕......嗚嗚....>.< 真係好
感動呀.....我唔識講啦.....多謝晒大家.....
因昨日好早就起身啦5點半.......所以昨日好攰......又喊過好幾次......所以好眼訓..好早
就訓左.......到夜晚12點鐘醒左......食飯....跟住睇電視<有線電影台>.......
跟住阿哥又問我醫生講咩......我唔係咁想講.....我已經唔開心做乜又問呢?我講左又點
呀......阿哥咪又教訓我.......所以我唔講........做乜要提我d唔開心ge事呢?
昨日QE d 冷氣好凍......搞到阿媽病左......真係陰公law~
23:22 p.m 佢n/a........
29/8/2003 星期五
[偷聽...........]
佢 12:03 p.m n/a
佢 info:
孤兒仔 Jones
只想待妳好 永遠不計較甚麼 但倒頭來 我得到甚麼
I.... nothing I do work
I don't trust anything
(唔好咁樣啦....Jones, 我好明白你的心情......嗯嗯.......唔好唔開心)
昨晚我好夜訓.........因依幾排冇心睡眠~ 我仲未訓得著時.......聽到阿哥問媽咪前日醫
生講過d乜?阿媽話個醫生都唔知係咪有問題架......原來阿媽都好不滿個醫生......
阿媽話同我睇左咁多年醫生.....見過咁多物理治療師都冇一個會鼓勵d病人坐輪椅架~
佢係唯一一個......
通常d物理治療師同醫生都會鼓勵d病人郁多d.........
阿媽都想鬧個醫生......但奈何驚個醫生玩野........
阿媽話首先佢(醫生)成日話唔係迫我地坐.....但佢成日講佢就覺得我一定要坐....但另
一方面佢又話輪椅都好貴ge~ 要自己負擔買ge金錢.......政府唔會支助你....
阿媽同阿哥都覺得佢講野自相矛盾.....一方面又話我一定要坐.....一方面又話唔係
迫.....
同埋....阿媽都覺得佢(醫生)前日講野.....(你坐輪椅唔等於你跛，等於你坐車都唔等於
你跛)依個說話帶有侮辱成份........
阿哥都覺得佢衰......搏命問阿媽點解唔鬧佢.......
阿媽話如果自己去睇醫生呢.....遇著個咁ge醫生就唔怕鬧佢......但睇果個係你個妹(即
係我).....阿媽驚個醫生會難為我.......如果自己(阿媽)實鬧到佢飛起......所以惟有忍氣吞
聲.......
因為我好堅決話唔要.......佢無辦法說服到我用.....佢只好說: 咁好啦~ (跟住在電腦打
字)......跟住就叫我照X光......跟住話驚我盤教甩左......(阿媽話佢玩野law)......
阿媽我地上星期五睇果個係骨科......都冇叫我地照.....仲由每半年覆診一次轉左每一
年覆診一次(即我下次睇係出年暑假).....
阿媽話佢玩野(因今個星期三去睇腦科......佢同我照骨.....你地話係咪玩野丫??).....因
為佢話懷疑我盤骨甩左......盤骨甩左就吊吊fing啦.....仲點行到呀你個妹?! 所以擺到明玩
野......無所謂ge去照就去照啦...照下都好，好！唔同佢嗌...一陣間同佢嗌....又唔知點玩你
個妹......跟住咪問佢照左幾時出報告?佢話去睇骨科覆診時就會知.....同埋....佢話半年再黎
覆診wor~(咁大家都知道我曾經提過依個係一年一度ge覆診....即一年覆一次)....佢依家話
半年一次.......即分明玩野啦=.=
咁我阿媽話比佢聽我近排(即上星期五先去完骨科覆診......)先去過覆診，出年先再
睇。咁個報告唔係你地腦科出咩?你又話出年(半個月後)返黎......但骨科係出年暑假(即一
年後)......比我阿媽揭穿左佢....佢好耐煩咁話:一按電腦....佢地會在上面拿番資料架啦~
阿媽就覺得佢玩野.......因為第一 : 佢係腦科......佢話要照骨?! 第二 : 骨科一年之後先
睇.....佢咁快同我照X光?!......腦科都半年之後先覆診啦.........(你地話佢係咪玩野丫?)
跟住阿媽都有覺得X光部果個人衰........果個人一論咀咁話依家係問你布冇鈕呀
嘛......唔係問你粒鈕用咩做.....總之係鈕就唔得啦.......
其實前日阿媽好火滾架啦.....對住依兩隻野......但為左我佢惟有忍氣吞聲.........佢話個
醫生一D愛心都冇......以前(即我阿媽GE年代......讀到醫科果D有錢仔黎架.....因以前冇九年
免費教育)讀到醫科果D都係有錢仔.......佢地做醫生唔係為錢....而真係為救人........依家依
一批為錢law~ 冇愛心就唔該唔好做依行啦.......
阿媽話上年IVE interview時.....要見VTC ge兩個醫生.....比佢地瞭解我ge情況...佢地都
有問我有冇坐輪椅或服康巴士返學(講緊中學時)?我阿媽話比佢地聽......之所以唔用輪椅同
申請服康巴士，係比佢(即我啦)多D郁動......你地諗下佢返到屋企做功課又坐幾個鐘頭.....
在學校又坐幾個鐘頭......咁所以就算行足一個鐘GE路程都比佢行law~ 咁果兩個醫生其中
一個同另一個講:拿! 我都話架啦....我成日同d家長講要比佢地d仔女行多d......佢地成日擺d
仔女坐輪椅同坐BB車.......
所以阿媽話果個叫我坐輪椅果個醫生都唔知係咪有病呀? 上年睇腦科果個女醫生(因
睇腦科年年都唔同醫生)....我阿媽咪同她說我條腰好直板板.....好似床板....關唔關事條瘠
骨有事.......導致佢行路唔好呢?個女醫生話: 因為佢依D case係痙攣所致......即d腦細胞死
左....影響佢活動能力~ d細胞死左就死左......無辦法話好似正常人跑步~ 惟有靠做運動去
keep住進度.....唔會話好番......以佢(即我啦)依家進度都係多得你地(即我老豆同阿媽)好悉
心ge訓練.....先有今日的成績算好好架啦......如果唔係.......佢仲比依家仲差呀~
阿媽今年又問陳醫生......即骨科果個......問我條腰咁硬的問題.....
陳醫生解釋比阿媽聽: 係痙攣.......導致佢背瘠筋肉緊...腳就可以放筋(即做手
術)......但背瘠就冇得放ge~ 你情願佢硬仲好.....因為相反係佢對腳冇力.....如果連條腰都唔
硬佢就企唔到架啦.........
真係諗番起果個醫生都嬲呀...........
p.s 多謝各方好友ge關心..........多謝昨日大mic的關心........
仲有多謝某位男同學........前幾日在寫埋d咁ge野.......但佢都有鼓勵我........我真係好感
動..........
N/A......19:52
好多野就係控制唔到
以為自己做得好就夠
但.....事實上 人地未必接受
唉.......講番前日ge事比一個同學.......佢都唔明白.....好無奈呀...佢以為我當全世界的人
都害我.....又好難怪ge......佢都唔在現場.......
我梗係無依種諗法啦......