2/9/2003 星期二
[路過蜻蜓.........]
佢 info:
做咩都要冷靜
我昨晚等左好耐都見唔到佢呀.......唔知點解呢? 你唔好唔開心啦~ 點算好呢?
昨晚發夢夢見佢啦.......(嘆氣)呼~~~~~~~~~~ 有點患得患失咁.....仲有昨日睇番d相....又
係有點失落感.......
唔知點解見唔到佢呢?????? =.=有點苦惱........
前幾排發現洗衣機壞左呀......前日丟左它了，買過一部......今日送左黎(8號風球都送
黎......認真服務周到......=.=V)聽日等師傅黎整。
P.S: 或許........你唔開心，但我也希望你開心番啦.......
依家8號風球......好得人驚呀......個風好勁呀!!!!!!! @.@
19:38p.m ........佢 invisible啦........等左成日......終於見到佢......
昨晚net frd椰青問我點解會行唔到.......我叫佢睇日記......因好難在ICQ用三言兩語去
解釋同講比佢聽.......所以今日我update左板主介紹.......裡面有提及.......其實即係copy之前
日記的內容而己........其實唔知佢睇完明唔明呢? 唔明都唔緊要啦.......因你地好難會明ge~
頭先23:25 Jones reply 中秋節快樂的 URL 呀........^^"多謝呀~
但......我知佢....應該唔開心呀.....如果唔係...都...都唔會INVISIBLE啦......唔好唔開
心啦.....(你除左識叫人"唔好唔開心"之外......仲有冇第二句呢?人地唔悶.....我都悶啦~=.=)
我都唔識講咩啦......he^^"
3/9/2003 星期三
[醜死鬼...........]
佢 info:
我個心雖然好痛，但係我知妳唔會比我好受
放心啦，由今日開始，我唔會再鍾意妳
我好明白單方面的追求根本無用
我明白
我尊重妳
我睇到Jones咁樣寫........有一種心酸的感覺~~~~~~~~~
我知道佢好唔開心呀.....唔知點幫佢....呼~~~~(嘆氣.....)
我昨晚發夢又夢到佢啦........(又嘆氣啦=.=)唔知....點解.....我一見到佢唔開心.....
我又唔開心......昨晚睇電視訪問森美....佢話原來佢本人係一個唔識講笑ge人.....
好嚴肅架~~~~~ 但自從做左DJ......佢就要學講笑.....返屋企睇晒楝篤笑ge VCD......
原來講笑都有得學......等我都學下.....咁咪可以講比人聽....逗到人開心law~~~
昨晚睇左有線電影《亁柴烈火》.......笑死我~~~~XDDDDDDDDD
原來Cathy問我果5隻手指的海洋生物.......在這裡攞橋ge~~~^6^........
今日諗住8點半鐘起身......等個整洗衣機師傅黎......諗住佢9點幾黎......
咁應該趕得切丫.....點乜知佢8點幾就黎.......阿媽嗌唔醒我....
(梗係.....昨晚成3點鐘先訓......=.=)咁個師傅9點幾搞掂晒就走左.....我都訓到隻豬咁....
哈哈哈哈..........^^"醜死鬼呀.......
仲有，昨日睇左阿哥租番黎的《城市獵人》......原來講惠香死左啦...係比車撞死。
依家講孟波收養左個女兒.....但依個女兒本身係職業殺手....但佢自殺左。惠香個心就移植
左比她......講依個女兒都身手都好犀利，拍得住孟波。她叫香螢，她都有個綽號 : 玻璃
心......所以書的英文名不再是《City Hunter》啦......係叫《Angel's Heart》......
我細個成日追睇《城市獵人》架......我果陣7歲......因為首主題曲係劉德華唱架.....果時我
亦都係劉德華的小Fans....哈哈^6^
今晚《勁歌》有慧嫻......睇廣告聽到佢同關心妍唱Whitney Houston的《I will always love
you》......真係唔可以錯過啦.......=.=V其實依首歌慧嫻在她演唱會都唱過.....係唱比佢兩個
前男友----區丁玉同Michael Cheung......但我冇睇演唱會啦.......所以今晚唔可以錯過啦。
我昨晚聽番好耐都未聽過ge劉德華唱ge歌啦......有《可不可以》、《謝謝你的愛》....
依兩首係在90年91年出架.......哈哈......大家係咪未聽過呢......唔緊要啦.....你地細個呀
嘛.....近排聽佢新歌《17歲》......裡面歌詞提及佢係17歲參加演員訓練班.....跟住29歲....佢
終於攞到樂壇獎........(果時我都係得7歲........佢d歌詞帶番我去從前呀~~~~~~~)
原本我想搵佢唱ge幾首舊歌《十全十美》、《緣盡》、《不需要愛情》...但搵唔到....
算啦.....~ ^^ 因為依幾首係我果時在校車度聽到架，《十全十美》係講失戀ge.....係一首
輕鬆快歌.......《緣盡》應該無記錯的話呢......就係電影《中環英雄》主題曲.....同梁
朝偉主演的。《不需要愛情》係《十全十美》之後出的快歌........唱的風格好似 Rock 咁~
好激架~~~~~~~~~~~~ ^^"
4/9/2003 星期四
[愛......]
昨晚錯過左《勁歌》.........
昨日等足成日.....都唔見佢呀.....搞到10點鐘就熄機啦.....等到無心機~
但昨日同大Mic傾多好多野......好開心呀。佢竟然肯講咁多野比我聽....^^ 我好開心呀
~ 其實你地應該都發覺到....我係唔多識講野的人，鍾意做人聽眾多d.....甚至多野講時，都
係人地講.....我先多野講啫~ 好似個波咁.....比人踼一踼先郁一郁咁law~ 但.....我又好怕有
dead air架噃.....但大部份時間製造dead air 的人係我law~ 所以...希望大家見諒啦~
我都唔知點解我係咁架......^^" 你話我文靜，自問自己又唔係文靜的人.......
你話我沉默，我又唔係丫.......我都有講野丫......
今日又同小裕子傾計啦.......chat ICQ.......又好多謝佢講咁多野比我聽啦^6^....講左好
多野比我聽呀........heeeeeeeeeee^^" 唔話比你地聽，等你地心思思有件事XDDDDDDD
昨晚....我SEND左張CARD比佢law.....唔知佢收到未呢???????
依排唔見佢on9......好唔開心呀......
就快開學啦......以後都見唔到佢啦.......唔可以再好似以前日記成日提住佢當日做過咩
呀...穿咩衫呀.......>__< 始終都要分開啦........
唉~~~~~~~~~~ 我就係知佢依排唔開心.......>__<
愛一個人.....唔係咁容易.......尤其是當你愛上一個根本完全唔愛自己的人就更加唔
容易.....我試過好多次啦.....倒頭來又係同一個結局......
唉........唔知點解個個感情一有問題.....都話"自己好累.....真的好累~"依d說話....
其實我唔係咁鍾意依d說話.......但話時話都真係幾累，唔係講笑^^"~ 但自己要咁樣去愛，
都係自己揀....冇得好怨~ 又冇人迫自己......
所有野付出左........我話唔計較就呃你ge~ 無錯，愛係唔可以計較，但有冇人咁偉大
呀???......問心果句啦~ 真係唔介意? 真係咁"大無畏"?真係可以咁無條件付出???哼(自嘲中
~~~~~)呀~~~~~~~~~~~ >__< 大家唔使理我架啦.....我發神經架啫∼無乜野ge~
18:55p.m 佢 invisible啦.......終於見到啦終於見到啦~ 都唔知開心定唔開心好.....佢又係
唔開心呀嘛.......唉~~~~~~~~~~~
頭先20:50p.m.........我....我....我心都碎埋......雖然我係做左d好缺德.....sorry~ 但我都
係關心下你啫.........竟然唔領情......嗚嗚~~~~~~~~~~~ >__<
我唔關心你.....仲有邊個關心你wor??????嗚嗚嗚嗚........>__<
p.s 路過蜻蜓的翅膀甩左....... 飛不起飛不起........