9/9/2003 星期二
[唉..........]
佢 0:24 a.m n/a
佢 n/a板:
被妳說服了
佢 info:
我同妳之間
已經冇野好講
>__< 對唔住 嗚嗚~~~~~~~~~ 我唔敢啦........我唔敢啦.......請你原諒我啦~
我只係想問個究竟咋..........嗚嗚~~~~~~~~~~~~~~
Gap真係好好人呀.......佢提點我......我好感動呀........嗚嗚~~~~~~~~~
人地細過我都識點做，我仲好似大唔透咁樣~
雖然我仍然好想知究竟發生咩野事......但係無人答我.......
Gap話唔好硬係要知道個答案......要從日常生活中去細味個男仔的為人......
咁樣先叫瞭解個男仔.......
唔......但我真係好想知呀.......究竟點解add我呢?點解會知道我的存在呢?
唉.........算數把啦~ 成日打爛沙盤問到篤.......依d就係我一貫ge作風.....
唔知個答案係唔會心息ge~ 因我由細到大都好鍾意睇偵探的書、劇集.......
如果估唔到......我會訓唔著架......如果估到.....果份成功感係非筆墨所能形容......
Gap點解會幫我呢??????依個又係另一個問題........
我知道係佢說服左Jones.......我都唔知點感激佢.....
唉......成日闖禍.......
好啦~ 由今日開始我知道應該點做架啦。
**************************************************
**************************************************
曾經有人問我，點解在你日記.......有時會發現你周不時會提及第一次表白的男仔呢?
Q: 莫非你......仍然......
A: 唔係......唔好亂諗.......因為.......因為...第一次果次失敗....我仍然耿耿於懷......
因為第一次表白我係兜口兜面同個男仔講架.......初時佢GET唔到我意思......唔知係佢
遲鈍丫定係我表達有問題........7歲時，同個男仔表白......情形就係話比佢聽: 我好鍾意
你...我可唔可以做你女朋友?(我係好直接架....但唔明點解get唔到@.@)
跟住佢的反應出奇地平靜: 唔好玩依D咁ge野啦.....搵過第二樣野玩......
當我聽到佢咁講的時候......知道佢get 唔到我意思......就再講多次: 我真係好鍾意你wor!
跟住佢再講: 唔好玩d咁ge野啦.....都唔好玩ge~
我當時好似比人覺得我喺度講笑咁.......有少少嬲架~ 我咁認真.....你都睇唔出....仲當我
喺度同你玩........開始激動起上黎啦.....語氣好激動: 我唔係同你講玩架bor~ 我係認真架
bor~ 你當我講緊笑?!
跟住佢見到我咁激動就驚啦.......到依家我都唔知佢係驚我激動定還是真係get到我意
思，所以驚......仲要驚到嗌救命~ 跟住我咪好驚law~ 佢竟然在小息時嗌救命...我驚比人知
道呀嘛.......嚇到爭d標汗........好彩~ d同學玩到癲晒....都聽唔到佢嗌救命~ 睇住佢叫天不
應，叫地不聞果個樣真係好搞笑......跟住我咪語氣回復番溫和ge聲線....但都冇用...佢仍然
都係嗌救命(當其時我真係想搵膠紙封住佢把口^^") 跟住佢見冇人理佢.....佢就拉開張櫈...
企上去....然後再企上枱...然後跳落地，之後拔足狂跑出去課室(因為我擋住佢去路....佢唯
有咁樣逃走.....真係慘啦佢)我都未見過有人向人表白.....搞到對方嗌救命ge~(我都有唔開
心架....佢逃走果刻，我好似比人遺棄咁~ 好似去到一個孤島咁......好無助~ >.<)
之後問d同學佢去左邊，個同學話比我聽佢去左廁所.....我同個同學講...:唔該你幫我叫
佢去完.....搵我呀.....我有野要同佢講呀.......
個同學無幾耐返番黎同我講: 佢都痴線ge~ 暱埋喺廁所都唔知做乜.....係都唔肯出黎......
(哈哈哈哈^^或者你地會覺得好搞笑啦，但真有此事......絕無誇大作大成份.....佢真係唔肯
出黎)之後......小息完左.....佢返番課室......跟住就上堂，阿sir教緊書果陣，佢忽然舉手(我
地所有人都以為佢有野問阿sir......但竟然唔係.....)佢舉手話比阿sir: xxx(我真名)佢頭先痴
左線呀.....佢頭先喺小息無啦啦話好鍾意我wor~
(我第一個反應就係好想搵膠袋粒住自己個頭，剪兩個窿然之後走出去；
第二個反應就係問: 點解你(即男仔)會同阿sir講架.......全部人都知依d唔可以同阿sir講架
啦....)我完全無怪佢.....因為我預計唔到佢真係好驚~ 之後就再無機會同佢講同埋接近
佢......因為佢離遠9條街都唔想見到我......仲慘過見鬼......一見到我就又拔足而逃~
回顧依件事......就知道我從來都唔識點處理我同男仔相處的方式......
我承認同男仔相處有d問題tim.....成日都會傷害到人...到最後一無所有......
有時成日喺度諗如果果次唔兜口兜面同佢講......會唔會好d呢? 但係表白來黎來黎去都係得
幾個方法架啫~ 1)直接同佢講 2)寫情信或寫card 3)打電話 4)搵朋友做媒人
我用左第一個方法就衰左啦.......咁如果其他會唔會好d呢?
寫情信?! 我.....唔識寫wor~ 如果淨係寫幾隻字又無誠意......如果寫得唔好...仲衰~
打電話?! 我直接講.....佢都可以驚到咁.....如果打電話...我驚佢cut 我線wor~
搵朋友幫手?! 唔好啦啩......依d野梗係自己黎架啦....依家係你追人呀嘛...唔係你朋
友.....朋友點幫得咁多呀......都係自己黎好d ~
咁所以依次我再提番起勇氣去同Jones講.......係用icq ge......仲要趁佢of9 send
messages......但我覺得我的勇氣不復昔日啦→因為上一次的經歷.......唔想再重演多一次....
唔想又多一個又係嗌救命.....跟住走人~ 咁所以我咪叫佢唔好驚law~我話我唔係想嚇你
架....我係認真架~ 佢話: 我知....我明
我當時真係好開心呀^^........
我唔係有心成日提番第一次表白的事.......但我真係為依件事耿耿於懷......
唔識點可以令到個男仔會同我分享多d佢ge野.......我真係唔知點做先好......我承認我
處理方法係有問題....甚至過左火位.....
阿SUN曾經知道我鍾意紅色......佢就話: 佔有慾好強 .......
無錯~ 講得好聽D咪熱情law~......講得唔好聽咪怨鬼纏身law~
我成日都想希望得到佢.....同最好佢講晒D野比我聽，不論大大小小ge事都講比我聽.....
咁就Very Good啦.....哈哈^^"(妄想~ )
p.s 昨晚知道Day Camp唔開心.......唉........我都冇安慰佢tim.....淨係去佢留言板留言
law~
唔好唔開心啦.......知道你承受好大壓力......希望你將你d壓力分給我，讓我同你分擔
啦.....我都好明白你的感受，我都有比人出賣過.......當然明白你的感受啦....但你雖知道，
你身邊有好多真正想幫你同關心你的朋友架~~~~~~ Do you know?????
佢 info:
小時候 當你牽著我的手 我只是一面的無知 但感到愛在心頭
長大後 當我牽著你的手 我感到你真的老了 但我依然感受到當年的愛
那份愛意 只有從你手中才感受到
其實我亦很愛你