18/9/2003 星期四
[暑假完結之---舊年暑假搞乜鬼????]
聽日迎生日啦.....好驚呀!
回顧舊年都係放假law.....等放榜......狂聽我偶像"快慢必"的電台節目.......
同埋.....去左做舌針(針灸)......係鄰居介紹ge....阿媽諗住試下的心態啦....去中環做ge.....
去左成個月(7月時去.....一星期6日去做)嘩~~~~~~~ 攰到飛起....返學都未有咁慘....所以每
一次回到家飯都唔食就訓左覺啦......可以話果個月出街等於去左成年街咁滯....但依個舌針
療程係賽馬會同港大(香港大學)合作搞ge....幫港大做一個醫學研究啦~ 初時.....見到有好
多冒名由外國飛返黎的香港人都黎試做......都覺佢(醫師)好似好犀利咁.....每一個星期都要
比下一個星期的療程的錢.....我咁大個女都未見過有人見到錢果個樣好似咁樣.....(佢兩對
眼好似淨係識望住d錢....正一好似卡通片$$$$$$$$$$$$$$好似發錢寒咁.....你同佢講
byebye呢，佢都係淨係識得望住d錢) 但唔知係心理作用丫定還是佢真係有料......因我果排
上樓梯真係叻左........媽咪不嬲都唔信中醫依d野......諗住係賽馬會同港大(香港大學)合作
搞ge.....就應該有保證啦同佢又接受過電視訪問.....就即管試下啦.....信心都係一半一半....
後尾在那裡又見到蕭芳芳都有做舌針(佢聽覺有問題)......但後尾個個都覺得佢貪心......想
搵外快...連星期日都叫我地去埋......有一個patient原本係歸港大研究果邊.....(我地就唔係)
佢竟然叫果個patient比多押外的錢幫佢做多個療程就當如歸佢....(因依個patient係港大.....
佢d錢唔係直接比依個醫師......所以個醫師想佢比多d錢...借勢話幫佢做多d野.....實質就想
袋多d錢..)後尾我地臨尾果個星期做完果個療程.....諗住下星期先比錢.......點乜知下星期，
所有病人都在他診所門口守候多時(排長龍)，佢及2個護士未見蹤影.......(=.=初頭以為佢走
佬)......後來成11點幾差唔多成12點(我地10點鐘之前已經等).....個護士先出現話個醫師今
日有d事唔黎得......話如無意外會通知大家幾時再黎(=.=聽到"如無意外"都驚，好彩仲未交
下期的錢)個個都喺度諗佢係咪比ICAC"請飲咖啡"呢???或者有人投訴人呀......所以港大設
查?!(梗係....間診所所有D水電費用都係港大同Jockey club交ge.....佢只係負責研究果
part......間診所位於商業大廈，星期日理應唔開門ge，但佢為左搵外快連星期日都要我地
去埋，可能隔離d人有懷疑啦......所以投訴~)初時，見到有好多在外國黎ge人都抱好大希
望架，有幾個係自閉症的兒童，有d又係對腳行唔到law......見到佢地由好大希望變到失望
而回....都覺得好慘呀=.=之後冇去lu~
仲記得有一次在附近"吉野家"食野.....咁你地知啦一到星期日....成個中環好似變左菲
律賓咁......好多菲律賓人.....成間"吉野家"都係佢地......好啦, 終於搵到位坐啦.....我地食緊
野.....
有2個賓仔企喺度"咕嚕咕嚕"(講土話)......跟住佢地買左野食....跟住好純正的廣東話同
阿哥講埋邊有冇人? 我阿哥話冇......跟住佢又話你可唔可坐埋邊....咁我阿哥都比左個位
佢.....咁另一個賓仔就擔張椅坐在路口.......好啦! 我地食完野啦....都準備走啦....阿哥企起
身先，諗住過黎拖我....點乜知1個賓仔竟然用好純正的廣東話同阿哥講: 走啦?! 唔坐耐
d....坐耐d呀嘛......(好明顯係唔耐煩我地坐咁耐啦!)
跟住另一個賓仔又同阿媽講: 坐咁x耐(純正廣東話講 / x: 粗口)坐耐d啦嘛....
我當時好驚呀......跟住阿媽還擊: 我個仔都讓左比你坐啦......我地坐幾耐關你咩事呀?跟
住阿媽叫阿哥拖我走先......我地企喺門口度等阿媽~ 跟住阿媽就同佢地講: 我地坐幾耐唔
輪到你理呀?跟住阿媽走時.....個賓仔用手推阿媽:過主啦.....跟住又用粗口: x你老母(大家
千祈唔好學)跟住阿媽就企硬鬧佢地: 我坐喺度幾耐.....無一塊牌寫住依個位係你地ge...跟
住阿媽話要報警(@.@報警?!我世估唔到阿媽玩到咁大)跟住叫左個waitress 話要報警.....講
晒事件ge發生比佢聽......告依2個外籍人士用粗口侮辱及推撞我(即阿媽)....跟住我地2兄妹
坐返入去"睇戲"....阿媽話: 你地2個黎到香港做野.....應該和平共處先係架~ 你地要記住依
度係香港.......跟住隔離台果個菲律賓妹多管閒事話: 你地唔使驚姐(用純正廣東話)(即好似
唔信阿媽真係告佢地咁......阿媽咪話: 咪唔使驚law...睇下一陣間點
其實警察未黎到......果2個賓仔已經無聲出......一路食野....唔敢出聲(應該心情好劣~)
跟住個肥警察黎到......佢大汗搭細汗趕到黎.....
佢問我地發生咩野事....阿媽講晒比佢知.......依2個人用好純正的廣東話粗口鬧我及推撞
我.....個警察問有冇證人? 仲有阿媽(指住果個賓妹)話頭先佢又係用好純正廣東話同佢地
講:叫佢地唔使驚(但賓妹頭也不回......縮沙~ 哈哈.....冇義氣....真係現實....大難臨頭各自
飛就係咁解.....)跟住個警察問2個賓仔有冇依回事.......其中一個竟然用英文講: Can you
speak english? I don't understand. (擺明玩野啦....即串個警察: 你識唔識講英文呀?) 跟住
個差佬即刻好火滾就話: 你不如話你唔識講英文呀!!!! 跟住就喝佢地2個出去.....:出黎啦(咆
吼)由原本好聲好氣咁問佢地搞到個差佬火都滾埋(攞黎衰@.@恰個差佬唔識英文?!) 個差
佬就一倫咀流利的英文鬧佢地......雖然唔知佢鬧乜?但好有威勢......佢地2個好似同遊街示
眾無乜分別.....魚到飛起~ 跟住阿哥出埋去睇佢地......因有個本地男人走埋去睇熱鬧問佢
地2個咩事......本來無乜野ge...但依個本地男人令到我地更加火滾(認識到咩叫"犯濺"同
埋"手指咬出唔咬入"如果香港多佢依d咁ge人就死啦~)個男人問完佢地咩事.....就同阿媽講
好少事姐......咁阿媽話: 你唔在場你唔知姐.......咁個男人就好串咁話: 你有本事你咪搵律師
告佢地law~ 阿媽還擊: 我梗會告佢地啦! 我有冇本事使乜話比你聽呀! 當唐全場靜晒......而
依個男人亦都好無面比阿媽窒完就走左啦......
個差佬就問佢地講左咩粗口.....然後問阿媽想點?阿媽話要佢地講:對唔住.....咁就算數
啦.....但佢地死口都唔認有講過粗口......阿哥就話: 你地係咪男人黎架? 做得出唔怕認丫?!
之後佢地只講一聲:sorry~ 但都堅持自己無講粗口.....(但為何又要講sorry呢?咁堅持的
話......)差佬問阿媽:收貨啦~ 講左啦~ 阿媽話: 唔得~ 佢地用好純正廣東話粗口鬧我，就要
用好純正ge廣東話同我道歉~ 跟住差佬仲有冇人證(向入面d賓妹賓仔講): 有冇人證呀? 冇
丫?! 全部返番菲律賓啦! (好明顯個差佬怒氣未消啦ｈｅｈｅ＾＾）
跟住差佬就話再咁落去......要返差館啦~ 阿媽都嗌: 好!!!!! 返差館就返差館啦.....(個差
佬呆晒@.@......因為佢可能晦氣先講依句說話......估唔到阿媽竟然話好.....話無所謂)跟住
即刻call番總台call車.....佢話比總台聽: 有2個細路, 1個女人, 2個賓仔......唔係呀，2批都
係顧客......係呀! 果2個賓仔擺到明係恰人地一家大細呀........(上述就係差佬call番總台ge
對話~).......跟住差佬話call唔到車，因警車要有一定的人數先call得~ 依家唔夠人數......結
果都接受左佢地的"sorry".......但仍有保留追究權利。但個差佬好唔好彩，因果2個賓仔都
要話保留追究告個差佬"無禮貌"ge對待.........結果就不了了知喇~
依個故事就係話比大家聽......唔好立亂講粗口，如果比人告就唔係幾好啦~
由果日開始覺得阿媽好勁呀.....好強、好英呀~ 無懼惡勢力同唔放果2個賓仔在眼內......
昂堂6尺的男人......佢都未驚過~
************拿~ 上述的事真有其事，但各小朋友大朋友切勿模仿*******
如遇到此事時，應盡快拔足逃跑.....逃去一個安全的地方，唔好同人嗌交，同埋同人唔
好打交，唔好逞英雄......因猛虎不及地頭蟲。
*******此告示是小魔星媽媽的忠告***********
正所謂：不聽老人言，吃虧在眼前。所以切記切勿模仿
然之後就返IVE就識到一班好朋友啦.......回顧依一年....真係好開心呀，多謝帶比我的快
樂回憶同照顧.......其實依個COURSE講真一年都冇......但我地就熟絡，認真驚人! 大家保
重呀~
唔知今年會點呢?????祝大家今年學習愉快......友誼永固!
"奸爸爹"
精神上支持你地......
甘心做大家的能源後盾....不停為大家加油~
P.S. God Bless my friends & me.
******Jones，你好可愛呀he^^ *******