23/9/2003 星期二
[今日day-off]
老豆好番d啦......精神好好.....但仲未出得院~
昨日開學.......心情好鬼緊張.....同埋驚呀~ 上第一堂的時候，心情好低落......到下半場
好番d啦....因好唔習慣呀嘛.....
後尾識左一個女同學....佢叫Son.....都幾好人.....係佢帶我轉堂ge~跟住又識左第二組同
班的女同學.....佢地都好好人~
你地知唔知我昨日好緊張呀?緊張到早餐同lunch......我都係食2件蛋治，冇胃口食
野，我早餐是在學校間餐廳食ge....但都冇胃口~
跟住又見到中學同學黃淑玲........同埋CHRISTY同Ivy 佢地黎探Tinson......咁啱又見到
我啦.....同我傾左幾句，佢地問我跟住上咩堂?我話: 唔知.....(梗係....阿sir都冇同我地講)
跟住上堂啦，原來ASSP堂係學Visual Basic架，當時聽到係學Visual Basic真係想暈咁
滯.....上年Andy Sir教得咁快.....同冇學過一樣啦@.@~ 但好彩原來著咁成班都冇學過....阿
sir慢慢教.....由淺入深，佢連window 的maximize佢都教埋(當我地未用過電腦咁....)都好
ge.......我情願佢咁樣教.........因快冇用架，要吸收到先得架嘛~
但佢唔係教Visual Basic 6.0 ，佢係教Visual Basic. Net，佢話依個新野黎.......就好似
初初我地學整網頁用Notepad.....後來用FrontPage一樣啦。
好彩上年都有學過都叫做識識地啦......係打得慢D啫~ 但佢都比時間我地打....佢依家
都係學D基本野....教d object呀咁law~ 上年係有學過呀，但唔知自己學緊d乜野咋嘛......哈
哈^^"...........希望唔好好似上年教得咁快啦~ 仲有依個COURSE都可能會教好多program
.....可以上成3堂都係program就知啦......希望唔好太難啦~
昨日阿媽陪左我成日好攰.......連老豆都探唔到呀~ >.<
我昨晚食完雲吞河.......嘔呀~>__<好辛苦呀~ 依排食少少野都飽呀.......冇胃口食野，
食慾不振呀，好似唔想食野咁~........前晚12點幾先訓得著......但到凌晨3點幾訓訓下又醒
左.....跟住就訓唔到喇........跟住5點半就起身啦>__<我就黎精神衰弱.......上年都冇咁緊
張......都唔知搞乜鬼野??????
原來逢星期二唔使番學架.........