27/9/2003 星期六
YYYY©©©©
今日去九龍塘李惠利參加佢地搞ge《殘疾人士職業訓練中心迎新日》聽左幾個鐘頭簡介佢地中心會幫到我地咩????但就冇安排我試坐輪椅.....因未安排到....應該下星期就會安排wor~
但今日都叫做有d收獲啦....雖然果度d冷氣好凍.....
^^^^^^@.@^^^^^^(我穿住件風褸都覺得凍呀)
首先入到去李惠利......我以為返番去haking咁....因為所有d設施及建築的模式都差唔多~
今日在hall度，全部出席的學生都係黎自IVE各分校學生的傷殘人士。開場時，有個司儀就介紹迎新日的TOPIC→《殘疾人士職業訓練中心迎新日》.......佢話以前叫《弱能人士職業訓練中心》....佢話佢知在座各位或者對依個<殘疾>的字眼好抗拒.....佢話佢都覺得唔係咁好....叫我地唔使介意~ 我本人就覺得冇乜問題......
佢話依個名係根據香港政府而改的，而香港政府又話係根據中國內地的一個同名機構改的。因內地的政府叫傷殘人士做殘疾人士wor~
但....我唔明香港政府點解成日都跟內地ge野架呢????冇d個人風格...跟人口水尾~ 自己改都得架嘛.....點解要跟人呢?????
仲有個迎新日邀請左2個曾經需要依個中心協助的傷殘人士黎現身說法，佢地當初入IVE遇到咩困難呀咁........
有一個男仔，佢係深度弱聽的，要帶助聽器。在旁的司儀就係佢跟進的一個同學，司儀話：「初初接觸佢時，要用字筆黎溝通；依家佢可以用手提電話同父母傾......好大鼓舞~」個男仔自己講述經過...但真係好好野呀......雖然佢講果D音好似外國人講廣東話唔正，但只要你耐心地聽佢講....你實知佢講乜~佢付出好大的努力先可以講得咁好~
仲有，佢係深度弱聽，初時已經佢爸爸買左部好昂貴的數碼助聽器，這可以隔開D雜聲~ 但都冇用........因為佢初時坐到最後聽唔到.....再前面都唔掂。因為有時弱聽人士換左新助聽器要慢慢適應番，對佢地黎講都係一個困難。仲有，有時老師講書好鍾意中英夾雜....佢又聽唔到GE，唔係聽唔明英文，係因為弱聽人士如果帶左助聽器....再次聽到聲音時，就好似BB仔的聽覺一樣，佢不嬲聽開中文....但突然間有英文，佢從來未聽過的語言時，佢有D音係聽唔到架~.....對佢黎講好辛苦啦........
仲有.....佢係讀DESIGN....學影相，唔好以為冇困難呀~ 到左教佢去黑房沖晒相片......成間房都黑晒，老師在講解時，其他同學又傾計，擾亂佢聽覺......佢走去貼埋個老師度聽都聽唔到，但成間房黑晒...又睇唔到唇語，讀唔到唇。唯有落台後再問啦....結果D老師同學預先在一間光猛的房教佢D程序.....都佢熟晒D步驟時，再帶佢入黑房.....佢仲攞左獎tim呀~
所以我覺得我所遇的經歷同困難係小兒科~
每個人都會遭遇挫折同困難...但只要唔好放棄就克服到架啦.....
仲有....個司儀話有d學生嚇死佢，send e-mail比佢，嚇到佢即刻仆到去學校同學生的老師瞭解。佢話個學生買左一部好貴的助聽器，但唔0岩用......令到學生自己覺得投資錯左....話想"自殺"......(大家千祈唔好學呀下)......萬事都可解決~
所以，大家要加油呀~ 我今年一踏入校門.....我係咁同自己講:要比心機.......無論如何遇到咩困難都想辦法克服佢~
p.s. 無論做錯左與否，都千祈唔好後悔.......因為每個人都有錯的時候，但點都要想辦法克服佢~ 你唔錯過.....或失敗過，你點會成功呢???
小魔星金句:
挫敗是成功的開始。