7/11/2003 星期五

[今日....開心指數上升番~]

依幾日心情都唔係咁好呀......

今日算係心情好d啦~~~~
點解???因今日番得一堂.....雖然我個班冇乜人番......但幸好仲有Rita陪我....都唔使咁寂寞......

所以今日....放好早呀~~~~~~

我昨日就心情唔多靚啦~覺得好灰呀.....從來未試過心情唔靚到要講"灰"依個字架......

因為星期三果堂programming.....我開始聽唔明阿sir講乜啦~~~~~－＾－

跟住．．．．．星期四即昨日...又有Programming做D 書後面的Question...又唔係好明啦~~~~我想舉手問阿sir架....但阿sir成堂都好唔得閒咁樣....成日走左去後面.....跟住坐番埋位又望唔到我舉手(我坐喺 d side kick位，又好難怪阿sir望唔到我ge~).....跟住佢就講啦~~~~講d solution的時候......又用英文講.....我完全聽唔明......都係第二堂果個阿sir好d.....

跟住上DCN.....都好D啦都聽得明阿SIR講乜.....但QUIZ又唔合格啦.....之後有一個QUIZ要番屋企做又做唔到~~~~個SERVER有問題呀~~~~

跟住上Maths堂.....我完全唔明阿sir嗡乜......幸好Rita教我.....我先明第3課講乜....之後做tutorial.....我冇辦法做, 因我都唔明第二課後面果part講乜....前面果part我明呀....所以上次做得好快....但....今次......唉......我完完全全感到好無助呀~~~~~~~有邊一個可以幫我惡補maths架???~~~~~~

由第一課教到第三課......哈哈.....

所以昨日好煩燥不安好憫.......某程度上我應該覺得開心ge~因由細到大我係好憎maths......你地冇辦法明白點解我咁討厭依一科架啦~~~~~因為我未合格過呀嘛~~~~~ 每一次對住依一科，有好大的挫敗感~~~都唔係未合格過ge.....小學三年班其中一次考試攞到91分.....我當時以為攞錯左人地份卷tim呀....因為從來都好差ge....掹車邊架d分數.....陪迴在生死邊緣......多數都係60幾份......好低~~~~~咁所以九十幾分,對我黎講.....簡直天方夜談~~~~無可能架! 但唔知點解果次會有91分(我明明記得我做份卷我係好冇信心架~~一路做一路好苦惱.....感覺全部都唔識)......我好記得依個分數.......因自從果次之後未攞過咁高分呀嘛~~~~

依家咁積極學maths.....我以前唔會架~~~我好怕佢架~~~~應該開心ge.....因依家都學識左少少野啦.....雖然都係有好野唔明~~~~

好啦.....要做project啦~~~~~