13/10/2003 星期一

[v突然想寫下感受......v]

今日終於練坐輪椅啦.......

我初頭推得唔係幾好，

成日推歪左......因右手冇乜力...

但今日終於感受到....坐輪椅的感

受....um....由坐輪椅的角度睇事

物...所有事物同人都高過自己呀~

仲有，推輪椅唔係想像中舒服架.....都要好出力架.....或者係我隻右手冇乜力啦......所以...我要否定上一次去QE兒科覆診個醫生話坐輪椅舒服過我行路...哼...我都要出好多力架>__<....推到對手好攰.......>.<依家都係第一日練習中......有時唔係想像中咁樣架.....上次個醫生講到好似坐左上去就咩都好容易.....淨係坐喺度就得咁~~~~~~~有d野你未體驗過.....你係唔會明白當中的滋味~~~~

初初連轉彎都有問題.....成日推直路時都撞埋牆.....哈哈哈哈^6^好似醉酒駕駛咁呀.....但下午都進步左D啦......識轉彎.....但仲未識攞位泊車!同埋．．．要學兼前顧後∼

在輪椅上....我推得好慢 好似龜爬咁~~~~~（仲慢過我行路時∼）見到個個人都在你後面行過。我那時就覺得識行路真係一件好事......

所以我慶幸自己都行到路....不過....唔穩陣姐~~~~~ 我由細到大從來都唔會羨慕人有乜有乜.....只羨慕一樣野，就係見到個個人都識跑步......唔會唔開心.....只是羨慕而已~你或者唔明點解我會羨慕人識跑步啦....但當你未曾擁有過...而好想得到...但又好似遙不可及的事.....就自自然然羨慕.....你地或者覺得跑步...只是好普通的事....但對於我黎講就唔係啦~~~~~我好渴望架........

但今日推到對手好攰呀.........走廊d路有少少斜....所以推得比較吃力....推到一段路.....我都要停低休息....fing下對手......

果部輪椅只是借我在學校用.....

因我唔係完全行唔到.....番學同放學行番屋企......hehe^^好開心呀!!!

今日坐左成日咁滯.....搞到放學時感到d"教"位硬晒軚......(大家唔使擔心.....正常架~等於你地成日坐得耐都痺啦~~~~)

其實.....今日唔開心架.....好想.....好想......喊架....但忍住!!!!真係笑唔出.....>__<

阿媽今日話要多d在屋企做運動......因部輪椅只是在學校用而已~因我對手要出好多力......如果對手的手瓜粗過對腳就唔好啦.....變左阿諾舒華咁就弊啦......哈哈(對手粗過腳瓜long)果陣我先笑得出咋.......或者阿媽睇得出啦＝．＝

昨日....阿Sun叫我打電話傾....佢整親手.....我都知佢為我好......好關心我.....我都好感激佢啦........多謝佢在我失意時及做錯的時候扶我一把啦~.......我真係好想喊架......不過...我唔鍾意在人前喊之嘛.......

希望佢快d好番啦.......

p.s.我今日身心疲累呀......好想喊....又唔敢喊~ 每一次.....都聽到身邊的人都話身心疲累......今日真係感受真正的身心疲累.......我好似冇得揀......或者有的，可惜....我不爭氣啦~ 我真係好唔甘心.......我唔想咁樣呀.....永遠都係比人建議依樣.....果樣咁.......成日聽到有人話我驚你會咁會咁.....不如咁啦咁啦.....好唔鍾意呀......永遠都係從佢地的角度去諗我的野........真係好唔鍾意"它"呀>__<但現實又令我更加....無法反抗......我基本上有能力反抗...但依家都仲未得.......好唔甘心呀>__<

唉~~~~~~~~~~又有誰明白當中的滋味呢????

近排成日都唔開心......幾時變番以前成日傻笑的小魔星呢???

仲有.....昨日知道柯南唔開心呀......佢......delete左個男仔呀@0@oh my god!!!!!!我自問冇咁ge勇氣......所以覺得柯南好勇.....有時，做人應該灑脫d ge同埋要在適當的時候斬釘切鐵........

但我就唔係lor~.......一心一意......全心全意去對一個人....換黎的只有這些......無論同朋友玩...好忙碌的時候....我都不斷同自己講我好鍾意Jones~但....佢個心依然係冇我的存在.........我唔係要怪任何人.....我只是不忿氣而已~~~~~

到底我哪裡不好呢???