25/10/2003 星期六

[週記之好耐無見的一個人.....]

依幾排好鬼忙呀....好多功課做~

所以寫唔到日記....依家maths教緊第二課....我都開始明啦~ 但第一課上tutorial先明最尾果part要睇住個表做的----encrypt同decrypt......唉.....咁耐先明到2樣......唉......

仲有.....上program堂終於明d concept啦......同埋終於知道上年教的"While...loop"同"If...then...else"係乜野黎架啦......真係開心呀\(^6^)/...

好似搵到條鎖匙開門咁呀....哈哈...唔錯唔錯......

但......DCN堂 d concept就好難明....好抽象呀......上年都未教過...仲有每一次教完一課之後....第二課就quiz啦.....都未吸收到就咁快quiz=.=

好唔開心呀......上次quiz捧蛋呀.....L嗚嗚~~~~~~~~~

我明明上星期同今個星期都好多功課做同好忙碌格....點解ALAN話我個Course好似好輕鬆咁ge???唉.....我好大壓力wor~我覺得上年輕鬆過今年wor~>.<......所有野都係剛剛學......我星期日有刨過program書架.....所以終於都明明地阿sir嗡乜野啦~

依d係咪叫有苦自己知呢??

星期四果日阿Ling, Isha, Rika問我功課點樣做???佢地又問我揀依科係第幾志願?我答:第一志願! 佢地以為我依科係我的興趣......

其實.....講真唔係law~......上年之所以揀電腦分流.......係因為冇其他野啱我讀....行動唔方便好難揀科目...諗住揀電腦係諗住因第日出黎做野....可以揀d坐喺度做ge工~同埋BP近地鐵站方便我....但讀依個電腦分流......雖然學野學到半桶水...都冇~.......但至少由一個電腦白痴都可以學識整網頁....雖然唔係好叻好靚......但好過初初乜野都唔識~

唉.......真係有苦自己知......

可能大家都喺度話依個唔係自己理想的Course....

但我都同大家一樣....我係因行動唔方便的問題局限我所選ge course......Haking就最方便我架啦，所以就揀依個~(我係揀無可揀姐~唔係話十分鍾意....)但...依家問心，我真係用心過上年上堂架~我好比心機架~學唔識都無計啦~但依家暫時都叫做學到d野啦~

昨日見到鄒美珊.....佢讀酒店呀...佢穿住套裝......大個女左~仲有......原來黃敏蕙都在BP讀~真係見番好多中學同學仔.......聽美珊講缽仔糕(袁燕儀)去李惠利IVE讀ACCOUNT....缽仔糕話好難同完全唔識......

仲有.......蛋糕仔(Maggie)早排add左我....原來佢依家讀F.6......

仲有呀~昨日幾得人驚呀......上去SHOWHAPPY探朋友.....呀~~~唔見晒D日記.....全部都寫住"沒有此用戶"......我仲以為個個朋友都CUT左acc.....後尾按去日記list......全個板d用戶都冇晒.......後尾問小狗......原來佢都未知咩野事.....話showhappy又冇send野通知佢......唉......showhappy都唔知點做野=.=......好彩依家我冇用姐......如果唔係嚇鬼死我都似呀~所有日記唔見晒......@0@都咪話唔驚...

我以前寫落d日記......佢都會send番日記的e-mail ge~我係冇delete過ge~所以依家我個e-mail有成百幾封e-mail......哈哈.....因我3個e-mail acc...其中一個就係裝住依d e-mail的用途(因日記e-mail容量唔大同埋日記係我的回憶......我唔想丟掉它) ......依家依個acc荒廢架~

昨日比Sony佢笑死我呀~~~~~~~~我同Rika講話MA堂阿SIR好似貓頭鷹....叫Rika睇下....話阿sir襯埋幅眼鏡好鬼似......跟住我咪望下law~又發覺真係幾似wor~.......wakaka....XDDDD搞到我一路打字一路笑.....我一笑就忍唔到架啦嘛....佢仲要問貓頭鷹英文點講.....話想講比Isha知(因Isha只識聽、讀、寫英文).....同佢分享下....跟住冇人識依個字......Sony話:唔怕....(跟住拿部字典機出黎查啦......)

不過.....我發覺d eng listening好差......聽唔明Isha講英文....要努力努力~

昨晚見到Jones available過一陣…….跟住就n/a……跟住又available一陣…..跟住又n/a…

+++++++++++++++++++++++++++++

昨日放學見到一個好耐無見的人.....

=====>黎偉安(技安)........

喺(屋企)地鐵站見到佢.........不過，佢見唔到我......佢個樣好似好累定還是諗緊野呢?!佢好似換左幅眼鏡wor!佢幅眼鏡係好厚的黑色眼鏡框~

佢依家讀緊中六啦~

見番佢.......好開心呀^^"