28/10/2003 星期二
[Day off之傻更更的我^6^]
今日又係星期二day off的日子.....
昨日都冇咩發生呀....都係番學....
但比阿媽鬧我做功課做咁耐...由星期五做到星期日的夜晚十二點鐘.....話我咩都唔使做.....又唔洗碗.....又唔做運動.....嗚嗚~~~~~~ 我明明星期六有洗碗架.....仲比老豆話我咁遲先洗.....我有洗架~~~~~ 星期日冇洗咋嘛~ 跟住同阿媽講我有洗架星期六.....我有洗唔好話我冇洗~~~~ 跟住阿媽就話: 洗果隻碗好巴閉呀?!使唔使多謝你丫?????
=.=咁我係有洗丫嘛!!!!!我唔係大懶蟲........>.<
唉..........我做ILLP做得咁辛苦－＾－.....阿SIR淨係瞄幾眼就比番我......仲即堂改分.....但只係在Learner diary寫個"good"同簽名.......咁就叫做睇左....=.=......唉~~~~~~~個"good"字都係寫"gd"就算~ 佢係咪真係有睇過都成問題呀~~~~~ 阿媽話:你做得耐.....唔代表人地都要睇得咁耐姐.....最緊要你做野唔好馬馬虎虎......
ILLP害我比阿媽鬧足成朝.....仲好講~~>.<
昨日搭地鐵....見到3個女中學生....我諗佢地大約中二、中三.....其中一個A女生睇緊報紙.....另一個B女生望到張報紙有楊千樺話要睇.....但睇緊報紙的A女生話睇緊容祖兒唔比得佢睇住......B女生就吵著要睇千樺.....結果A女生就反轉張報紙話比佢睇，仲講埋第幾頁有楊千樺...叫佢自己搵~(但報紙向地下)咁B女生就話:我點睇丫?!你唔係要我跪喺度睇丫??......咁佢地3個女生就忍唔住笑ge同時.....我坐在對面都忍唔住笑.....XXXDDD......咁C女生就望到我笑......其實唔係幾好意思，好似好多事咁~ 但C女生就向我報以微笑^^.....咁我都冇咁尷尬^^"我都向佢報以微笑......佢走時都同我BYE BYE~ \(^6^)/
所以話笑真係可以打破人與人的隔膜架.........笑仲可以感染到全世界∼∼
你今日笑左未呀？？？？
＋＋＋＋＋＋＋＋＋＋＋＋＋＋＋
其實．．．你問我最鍾意睇邊戲？
我會揀《阿甘正傳》．．．
因為．．．我覺得佢遭遇同我有少少相似．．．．．．
佢話佢懂性以來的第一隻鞋係一對鐵鞋(即舊式腳托)....細個果時我都係穿依d腳托....(但我果對係用膠造的)再加一對加大少少碼的波鞋(係紅色綁帶鞋).......
我2歲時曾經比特殊教育署批我係輕度弱智......咁我阿媽話:你憑咩話佢弱智丫?你點評估丫?我日日對住佢.....佢咩都識玩....比個電話玩具佢玩, 佢識講:喂喂.....搵邊位?
果個人話比個puzzle我玩.......我唔玩....就係law bor~
唔怕話比大家聽....我由細到大都唔鍾意砌puzzle......呀......點解佢唔比我玩煮飯仔呢???我夠媽梗係唔信依d咁兒嬉ge評估啦~ 佢日日對住我...最清楚我~ 我歲幾2歲就已經識講野....睇完d戲仲識講"戲經".......
跟住講到阿甘佢讀書要見校長入普通學校.......校長就話佢因智商得七十幾唔適合讀普通小學.....(依個真係唔係做戲咁做呀.....真係會講到你冇辦法讀到咁樣~因為我都有個咁ge經歷呀嘛)
我係9歲時......特殊小學的校長recommend我讀普通小學...第一間見ge小學係在黃大仙ge~我唔知果間小學叫咩名呀......果日我記得有特殊學校的校長、我父母，我物理治療師....學校社工、我的班主任同科主任一齊陪我見普通小校的校長(好大陣仗).....我記得果間學校好奇怪架~個操場在一樓黎架....有一部好舊式ge lift~部lift好似差利時代用ge Lift有一道門同鐵閘......
我去到基本上....就係同阿甘一樣坐喺出面等......真正見校長的人就係特殊學校的校長、我父母，我物理治療師....學校社工、我的班主任同科主任......
基本上我在出面淨係聽到個普通小學女副校長出聲.....就聽唔到正校長出聲, 佢粒聲都唔出~.....我覺得佢地好似調轉左身份咁=.=
女副校長:佢上上下堂要去洗手間......我地唔會因為佢一個而就佢架bor.....
(因為果間學校唔係層層都有似洗手間.....即一層係女廁....一層係男廁....但有部Lift都冇用.....因部Lift唔係層層到~要上落樓梯)
咁我校長話可以搵d同學扶一扶佢呀......
咁女副校長就話:咁咪拖慢左d同學上堂ge進度?!個同學聽少左d書....咁咪對其他學生同果位同學唔公平?! 仲有.....你話扶一扶佢，搵同學扶佢，d同學冇義務要咁做姐~咁樣對其他同學仔唔公平!....但萬一佢跌親咁點算?我地唔會負責架bor~
萬一佢連埋扶佢ge同學都跌埋......碌左落樓梯....整親個同學.....我地要向果位同學ge父母交代果bor~....
結果....我幼兒院ge主任收到消息知我要出黎讀普通小學.....佢就知佢以前有個舊同學係在基華小學做校長....寄左封聖誔card比佢.....用人事關係recommend我入去...
基本上已經收左我.....但巡例都要我考編班試(編班試最主要係評估我考試所需要的時間同將來考出黎的成績係點,可能要做好心理準備會考得好差~)........我d成績點樣......差都無人有啦......哈哈........老實講,如果唔係用人事關係搞我入去.....根本我地好難有人收.........
至於見到阿甘識跑果場戲......我好感動呀........我覺得依套戲可以帶比人有希望的感覺....~
但有一樣野我唔同阿甘....就係佢係小兒麻痺症.....我唔係，我係弱能人士。
依套戲講阿甘係弱智人士，但佢做每一樣野都咁認真(當兵時砌槍砌得最快啦,同埋由屋企跑步跑到盡頭啦~對女主角的愛又係咁認真啦)....一心一意去做好的!仲要比人做得仲好D......
但...相反女主角冇病冇痛......正常人一個就糟塌自己,走去吸毒~自暴自棄!!!!!!
阿甘同佢都有一個不一樣的童年....但阿甘做每一樣野都好積極......
咁所以....唔好當得依個世界得你一個最慘......最慘的大有人在~
唉~~~~~~~~~~~我累左怪獸呀......竟然果個人會睇到我地的留言.....果個人仲憎怪獸.....都係我衰啦~~~~~
感覺......好難受.......佢冇理由會知的~ 諗住幫朋友.....點乜知仲累左佢......
邊個比我地塊板佢睇呢??????嗯.....=.=我好難過呀.......點解果個人要比佢睇呀?? 唉......我好難過呀........好似比人出賣咁......