1/11/2003 星期六

[星期六的週記......咁快11月啦~]

依排晚晚都同阿哥煲日劇....係《long vacation》.......突然間有線又做....我地就又睇啦......=.=V

真係好快......咁快就11月1日啦......

如果你問我舊年11月1日做過乜???

我答唔到你wo!因我唔記得左....我在2002年12月9日先開始寫日記的，日記板就快大一歲啦~~~~哈哈哈

我依幾日呢......

29/10/2003 星期三
今日好鬼肚痛呀.......痛左幾個鐘.....
搞到上堂好鬼辛苦......唉~~~~~

數學第二課後面果part開始難啦......又唔明啦~

但最難(我覺得)的DCN我終於明少少啦......一丁點而已~唉......上咁多堂.....成個月先明一丁點....死未?!(滾地~~~~)仲有.....DCN的Quiz 2個quiz (T3 的REVIEW同 T4的TUTORIAL分別2個QUIZ都有60分啦~)合格 ! yeah!!!!!!!=.=V終於可以一雪前恥啦...哈哈哈哈.......

昨晚阿SIR比番Tutorial3比我在屋企做都有50分......危過剃頭呀~呼~~~~~~

仲有...programming都開始深啦....但我始終都覺得教第二、三堂果個阿sir(因我唔知佢姓乜???哈哈^^"依個阿SIR講野D語氣好似小狗(中學同學).....個樣梗係唔似啦，把聲有少少似....D語氣又好似!~)教得好過第一堂的梁sir(梁sir主要教concept架啫~)第二個阿sir就教寫program......依個容易明d.......，佢話我地依家好似BB仔飲奶.....慢慢學唔好急~ 但D同學成日都唔記得點樣開個C++的Programming....成日要問佢.....佢就話你地唔可以成日依賴我架....要自己寫低D步驟....D同學話:你係我地ge奶媽黎架嘛~~~~~~哈哈XXXXDDDD

嗯.......仲有原來BAMS梁SIR原來做過好多份工.......又做過吸塵機....又做過地盤.....佢話91年的《嘉湖山莊第一期》係佢有份起架wo~又做過燒臘....佢話有d工係暑期工wo~又做過d 緊急救人果d工啦......要24小時stand by架~佢負責氣體果個department~佢話好刺激......佢話幸好佢每一單case都係救得番ge~

Maths的Au sir以前就唔係教書ge，係做生意ge......成日周遊列國架.......

真係犀利~~~~~~~~~

昨日MA堂梁 sir(即BAMS果個阿SIR....佢教我地兩科架~)又教新野啦.....將哈利波特果D相POST落D字.....然之後做個BACKGROUND再搞暗D色水.....同埋整張相落文字中間.....但要唔遮到D字~真係好啦....上年I.T.A都冇學依D~同埋要整框框......個框框要整南瓜架~認真應節啦~

昨日朝早....睇電視發現原來有《新紮師兄》原來有呂方做架.....仲有吳孟達.....不過做閒角~嗱喳~!!!!!不怕海龍王~~~~~

依套劇做果時......我唔知出左世未呢???

仲有呀~~~~~我又做左人地家姐(我指ICQ)總共有2個細妹.....一個Sonia...一個就係Rita珊珊~

係啦!你地昨晚萬聖節玩得開心嗎??

........昨晚狂去人地d留言板留言...哈哈......

呀!~依2個星期日無線都攞番《逃學威龍》1、2集出黎播......唔知聽日會唔會播埋《逃學威龍3之行運過雞年》呢??

好啦~頭先在我打日記途中......知道下星期英文有TEST呀.....測依個"INSTRUCTION"......Jason真係慘啦...比阿sir捉住左做傅話人~~~~~~