網主介紹 :
姓名: 小魔星
生日日期 : 7月6日
星座: 巨蟹座
興趣:
上網、聽歌、 ICQ、聽收音機
我的偶像 :
香港: 陳慧嫻、陳冠希、快必、慢必、吳彥祖
日本 :
酒井法子、西田光、安室奈美惠、T.R.F.(女主音: Yuki)
廣末涼子、鈴木保奈美、高橋由美子、安達祐實。
關於我的一切:
好多人都曾經問我依個問題，你點解會雙腳行唔到? 我唔會介意解釋....但一解釋就一
匹布咁長.....所以唯有在此解釋比大家聽啦........
係因出世焗到
(即係出世時缺氧導致影響到手腳的活動能力..........因我早產........個護士好遲先推我阿媽
入手術室.......阿媽話比她聽生得.........她以為我阿媽搞錯話冇咁早wor~ 到真係發覺我出
世了才推我阿媽入去接生，所以我一出世就缺氧..焗到面色黑晒色，我焗到唔識喊~ 我阿
媽唔係第一胎，所以覺得好奇怪~問個醫生點解我唔喊????<可能我在我阿媽個肚飲左好多
羊胎水，所以焗親~>即係等於窒息到休黑左...照常理係咪應該即時搶救呀嘛?! 但係佢地比
左一個漏氣ge氧氣"桶"比我.........我阿媽無意中發現到......話比佢地知先換一個比我.....即
係我在長時間缺氧情況下導致到我有 d腦細胞死左..........所以我阿媽發現我一歲時都仲未
識反轉身......就帶我去育嬰院去睇醫生，個醫生話可能因為出世時焗到未能即時搶救導致
手腳活動能力..........我初初細個仲差呀......連坐都唔識呀，真係一pat 野咁淨係訓喺度咋
~......我阿媽訓練左我好耐呀.....先有"今日的成績"........雖然都仲未識行~~~~
以前聽一個物理治療師話我地依d腦缺氧導致手腳唔靈活ge~~~可以靠做運動train d 一半
未死ge細胞去補充死左ge細胞ge位置.....因細胞死左就係死左......但係可以靠d未死ge補充
番~ 但我地唔使食藥......因佢話d精神病患者至所以要食藥......因依家ge醫學領域未能洞療
到佢地，因佢地大部份病因係因遺傅問題~~~~因好多人都誤解以為係因受到刺激導殃.....
但係其實唔係......係因遺傅問題。所以佢地食藥係控制個病情......而唔係可以醫番好佢
地。但我地只需要靠做運動train自己的體能........keep住自己的進度就得啦！)
我每一年都要去伊利沙伯醫院覆診.......我都有做過物理治療......但上年已經停左。
因物理治療師說我的情況穩定左.......所以停左~