7月26日

今朝10點先起身...之後煮左個麵黎食..跟住就去左自修室....去靈修...好好呀...宜家日日都o係自修室靈修..好靜...又有冷氣...日日都睇差唔多一個鐘...好深既得著呀...神o係當中真係聽左我好多既祈禱...當我想搵果句金句既時候...神就俾我揭到佢句金句果版俾我見到...

下晝就返青團..今日係影音...播"生死頌"......我坐得後...佢又講得唔係好清楚...變左一開始既時候我唔係好聽到..不過聽聽下都幾好.....套片好好睇呀.....搞到我都有dd想喊...阿洪話佢果邊d女仔好多都拎住紙巾.......哈哈...男仔唔應該咁易流淚既~不過永陵既信心好大呀........佢係完全對神好有信心....面對死亡...佢都仲常存喜樂...諗返我自己....面對既難處唔多....最近身既算係...放榜...其實我自己都唔係好驚..因為都打定左輸數...不過我諗起陳sir  o係令會同我講既說話...."神叫左你忠心讀書咁多年你都唔聽...如果神今次要o係放榜當中令你搵唔到學校讀書...就係為左你反省....悔改..你會唔會順服?"其實我一直諗自己就算幾差都冇話會得返幾分......陳sir講得岩....所以果日我祈禱同神講....如果我有機會讀a-level既話我會好忠心咁讀書...........我都知道自己浪費左好多年時間...要咁多人一路為我擔 心.....我真係會改咖啦....

無論點神都唔會撇下我...我知道...神會掌管我前路同一生....我唔應該懼怕.....

今日林sir講得好....宜家既離別我地唔應該傷心...因為總有一天我地會o係天家再見..呢個離別係....既長又短既...長係因為對於我地既一生黎講可能係幾十年...短係因為對於永生黎講只係一少部份...

青團..真係好好呀

分祈完禱之後....運生走左過黎同我傾計...原來佢唔記得左我咩名...哈哈....

呢幾個月..青團識既同埋令會識既人:波仔，運生，光宗，嘉勁，凱超，業成，偉傑，凱靖，銘恩，慶麟，阿朱，佩儀，廣榮，穎雪，穎嫻，慧琴，小燕，曉珊......好開心咖.......希望神祝福呢d友誼~~