, 唔滿足?
加個地道既八爪魚丸丫... 一客唔夠? 打孖上啦!! 唔信仲唔令你個肚仔"滿載而歸"!!
終於離開台北... 今次去日本, 夢寐以求既日本... 發夢都希望去既日本...
當踏出機場簡直想喊呀!! 實在太感動, 日本呀日本... 我黎喇!!
我地由大阪出發, 一直玩到去東京, 今次係跟團去, 一心做大小姐, 好好享受享受...
一放低行李, 一定要醫一醫個肚仔啦, 當然唔少得一碗拉麵
, 唔滿足?
加個地道既八爪魚丸丫... 一客唔夠? 打孖上啦!! 唔信仲唔令你個肚仔"滿載而歸"!!
去大阪當然要去心齋橋啦, 係個度仲食左一份好正既吉列豬扒定食, 正!!
跟住當然要去享受下溫泉浴啦, 初初除衫既時候當然非常尷尬啦, 幾個一路除一路笑... 羞死怪呀!! 之後每人手拿一條小餐巾進場, 嘩!! 大開眼介, 有老有嫩, 個個好似好平常咁... 係咪好"大鄉里出城"呢!! 但自從浸完一次文後, 我地係第二日因上癮既關係, 我地又再次向溫泉進發!!
繼續享受... 今次去"豪斯登堡", 呢個小荷蘭好靚, 不過個天唔爭氣, 打風呀!!
而我地無比呢D天氣影響, 盡情玩樂... 係呢個咁靚既地方, 當然要住好D食好D啦, 我地間房竟然有一個客廳... 之後仲享受左一個勁正既自助餐添,
首次享受到"XX牛肉"(唔記得個名添!!) 
- 依家記得喇... "宮崎牛肉"呀...
玩完大阪就緊係落東京啦! 東京果然係大都會... 人都多D,地方都熱鬧D... 我地將行李放好係鼎鼎大名既"新宿王子酒店"之後, 就立即出發瘋狂大購物, 新宿果然不負所望 - 購物天堂!! 1010百貨啦, 無印良品啦(當時香港無印已經全部摺晒), 電器街啦, 就算買Hello Kitty既Sanrio都唔放過!! 總之有殺錯無放過(包括街邊任派既紙巾, 電器鋪既明星宣傳單張)...
我地仲參觀左係電視成日見到既"彈珠機"鋪 + 迪士尼樂園添!!
係東京, 我地試左非常出名既"sabu sabu", 簡直人間極品呀! 試諗下, 我地竟然可以將一煲清水食到全煲水變成牛肉血水... 尤其個醬汁, 一碟係芝麻醬另一碟係有少少酸味既汁料, 返到香港我地仲有買番呢D醬去打邊爐架!!
留係東京既最後一日(亦即係我地行程既最後一日), 我地上晝去左銀座, 係個度有一座玩具店, 無錯係一座7層既玩具店, 裹面真係有齊所有流行既精品玩具, 簡直樂而忘返買唔停手呀!
之後就係我地最祈待既時間終於到喇... 自由活動時間開始,
我地搭左"電車"既"山手線"去原宿, 一出車就見到好靚既Snoopy Town, 好大隻Snoopy呀好靚呀既聲音始起彼落, 跟住繼續行街街, 瘋狂大購物,
當中買得最多野既地方就係 - "無印良品", 我地就厲害喇乜都買一餐, 上至手提CD機, 枕頭, 衫衭啦, 下至零食, 文具啦, 統統都比我地買晒!!
- 幾誇張!! 買枕頭咁搞鬼!! 
係呢個行程當中, 我發現行街行太耐係會出現"發街瘟"架, 我阿姨就係一個好例子! 當佢個日行到6點幾既時候, 呢個症狀就開始發生... 首先雙眼無神, 之後失去方向感, 繼而雙腳無力... 亦係呢個時候我地要暫停shopping返酒店休息... 而我地既行程亦真係接近尾聲...
回顧呢個行程, 都玩得好開心好難忘... 不過... 我竟然做左一件十分之可惜既事,
我竟然唔見左好多筒我地開心既證據 - 菲林呀... 真失敗!!!! 簡直留左D陰影呀!!! - 正大頭蝦!!
一出機場就有招財貓歡迎我地 呢個就係美味既吉列豬扒定食喇
豪斯登堡駐名景點 - 大風車 嘩!! 扮晒野...
幾好天氣!! 於相撲手餐廳食刺身, 幾大∼
入廟前洗手先... 迪士尼到此一遊
米奇老鼠好英呀!!