|
4B大事記 ( 2000~2001) |
|
2000年9月1日~當各人知道係Ms Lee做我o地班既班住任既時候。池亮兄更衰多口, 因講o左一句「xxLee」,被Ms Lee聽到,更委以重任, 做壁報!!最慘既係他買了一d 有味既色紙, 仲被我o地大彈特彈 而Ms Wong 命令我o地改一個英文名ar~ 2000年9月2日~大家誓估唔到自己既英文名比Ms Wong 彈到飛起, 要部份同學改過另一個英文名.....自此之後, 4B就出現o左 Susan & Mary la!!! 2000年10月15日~本身今日係我o地全校旅行既日子, 但由於o個天不斷o甘落雨, 所以取消o左!!! 但令我o地最不滿既係, 當我o地去到集合地點中環時, 校方先話取消!!!! 我返屋企o個時, 我自己一個更包起成架巴士, 自己一個搭車走。令我最心痛既係我把Winnie The Pooh遮, 更係暴雨中壯烈犧牲~ 嗚........ Sport Days~我o地班簡直強ar, Winky & Michelle 榮獲女子個人甲組與乙組既全場總冠軍, 值得鼓舞!!! 家長日~Michelle 除o左運動了得, 讀書都一樣掂, 更考獲全form第一。勁!!! 某天既Day 6~Mr .「多籐」(唔識串ar) 因太大力將比幻燈片投射既o個塊紙, 扯o左少少出o黎, 雖然無闌到wor,但整唔番上去bor, so 遮住o左黑板中間既一大部份。英文堂既時候, 我唔記得因咩事, 偶像比Ms Wong命令他出去, 捲番o個塊o野上去...由於King套校服太大, 恤衫係後面突o左出o黎, 就在此時,Ms Wong既一招擒拿手, 將King既恤衫拉起o左, 一向守身如玉既偶像走光了~ 某一天~全班因英文歌唱而比賽留低練歌, o個日亦都係Ms Wong 生日, 我o地祕密地買o左個蛋糕送比Ms Wong, 令到Ms Wong 不知所措。翌日, Ms Wong 送o左一包糖比我o地...雖然我o地唔能夠嬴到個比賽, 但都幾開心ar..... 5月16日~上Eco 堂既時候, King同Seven 因傾計, 而令到Mrs Mak 問我他們係唔係做埋哂d不道得既行為而阻住我上堂, (他們兩個坐o係我左右兩邊)我好肯定o甘答:「無錯!!」, 當時全班好似唔相信我講既說話, 全部拎轉頭望住我, 連Mrs Mak 都忍唔住笑~ 至於他們就要比Mrs Mak 罰企la!!!!自此之後, 他們變了「左右護法」.......heheheheee^^" 7月1日~我o地要番學校對卷, Ms Lee話要揀下年既班長, 呢個時候, 全班高呼連任。MAISIE, BENJAMIN 出年再辛苦哂你o地la!! 7月17日~結業禮上, 我們班既Jason 榮獲「愛心大使」既稱號!!!!!除o左Jason 之外, Alan, Michelle, Winky, Maisie 等等榮獲各學業及課外活動既獎狀!!!可喜可賀!! 8月20日~呢日我o地全班番去學校補課。當我o地上到Eco堂既時候, 突然有個油油既工人係我o地課室出面油油, 我o地成班被他 吸引過去~Susan 仲同佢Yeah tim~ 之後, 他點起了一根煙, 不斷係咁吸。及後班房傳來一陣天拿水味, 好難頂ar!!!! 小息時, 他仲未走, Susan & Mary 更開o左個窗同他傾計~ 真係無她們乎~ 8月22日~今日我o地同4A 班一齊上listening, Ms Wong 與隔離班既韓禮傑發生罵戰, 最後韓禮傑輸了個馬鼻....... |