Nick Carter

阿Nick o係Backstreet Boys 裡面既其中一個成員, 我都鍾意o左佢差唔多七年lu~~ (估唔到自己有咁強勁既心) 呢家佢作緊個人發展, 不過我都係鍾意佢o係bsb 裡面多d~~ 因為我係由bsb而認識阿Nick 既~~ 我真係好希望佢o地可以快d走番埋一齊, 出番隻新碟ga~~

Nick's Profile

姓名： Nicholas Gene Carter
匿稱： Nicky, Koas, Chaos, Mr. Hyper Man, Frack, Messy Marvin, DJ Kid Nicky

出生日期：1980年1月28日　星座：水瓶座

出生地：Jamestown, NY　現居地：Ruskin, FL

身高：188cm　體重：170 磅 (好重wor!!)

家庭成員：媽媽 Jane, 爸爸 Bob, 妹妹 BJ, Leslie, 仲有龍鳳胎~Aaron(愈大愈靚仔), Angel

寵物：貓~Rocky, Sugar, Bandit, 狗~Samson, Simba and Pepper

歌曲(BSB)： Shining Star

出沒地方：屋企附近既球場

我最記得阿nick o係一個記者會講過一句說話, 佢話「有d歌迷成日走去佢屋企既後花園除哂d 離草, 仲種埋花tim, 真係好多謝佢o地!!」

容祖兒

記得第一次聽Joey 唱歌, 唔係佢隻未知, 而係佢o係一個慈善show 上面同王傑、何嘉莉一齊唱既還有~ 聽完之後就開始留意佢, 因為佢聽得好好聽到!! 後來聽完佢第一隻主打歌未知就鍾意o左聽佢唱歌, 講真Joey o個樣就真係唔靚, 但佢唱歌係有一定既實力!! 不過我就冇咩朋友知我鍾意Joey~~

Joey's Profile

姓名：容祖兒　英文名：Joey Yung

出生日期：1980年6月16日　星座：雙子座

身高：5尺7寸 體重：105 磅

血型：B 型

語言：廣東話、英文、普通話

我最鍾意聽Joey 既啜泣, 我都唔知點解ga, 只係對呢隻歌有feel lor~~ 同埋呢隻歌係完全表現到Joey o係一個實力派兼偶像派既女歌手!! Joey 就開演唱會啦, 我又想去睇啦... 不過我冇咁多銀呢!!!

張赫

張赫係我既新寵, 佢o係o黎自南韓既~~ 我識佢(佢唔識我!!) 既原因係因為我睇開朗少女~~ 初頭真係覺得佢一d 都唔型, 唔cool, 唔靚仔!! 但係我想知道多d 關於套劇既o野, 所以就開始搵佢d o野o黎睇, 睇睇o下就好自然咁鍾意o左la...鍾意o左之後其實都唔覺佢靚仔, 都係覺得佢型同cool之ma~~ 哈哈~~ 早排佢仲o黎o左香港幫商台撐韓流襲港呢個節目!! 我仲睇埋佢d fans 寫既追星情況, 個個都話佢好好人, 好nice, 仲有求必應tim~~

張赫's Profile

呢o個profile 同相我o係其他網度搵ga, 有d 咩版權問題可以同我講, 我可以delete o左佢~~ 唔知佢拍緊o個套戲「完全征服英語」有冇得o係香港上呢?? 我想睇呀~~!!! 呢次自己一個去睇又點話呀~~ 哈哈

張娜拉

張娜拉同樣係我既新寵~ 都係由開朗少女而知道張娜拉呢個女仔~~ 呢家我仲追緊佢另一套韓套, 紅豆女之戀tim ar~ 不過我覺得比atv cut o左好多lor, 因為有好多o野都唔連戲既!! 我諗我都要買番套紅豆女之戀先得啦~~ 講真~~ 開頭睇佢同睇張赫一樣, 搵搵o下佢d o野先鍾意佢!! 之後down o左佢o地o係開朗少女既NG 片段, 發覺佢o地好得意, 張娜拉好可愛!! 識我既人都知我眼角高, 唔係咁容易話一個人靚女, 靚仔, 型或者可愛, 但呢次真係輸o左比佢o地兩個啦~~ ^^"

張娜拉's Profile

睇完開朗少女之後, 真係好唔捨得, 好想又有得睇張娜拉既o野, 哈哈~~ 所以我呢家日日都捕住o個電視睇紅豆女之戀!! Nara 近排去o左台灣宣傳佢第一部電影「Oh! Happy Day」, 唔知香港又有冇得上呢?? 我又想睇wor~~ 呵呵

THE END