Last Day  2002年 12 月 31 日 
咁快就 12月 31日啦, 係2002年既最尾o個日呀~~ 今朝訓到1.30pm 先起身, 但係我好似作病咁, 合埋對眼有d 熱熱地, 仲有d 暈陀陀....諗住留係屋企抖o下, 點知華仔打電話o黎叫我去靜宜屋企打牌, 我又唔知點解應承o左佢bor, 橫掂都冇精神, 咁就去玩, 等自己精神番d 啦~ 去到靜宜屋企, 有冇搞錯, 華仔仲未到, 我買完送, 番屋企, 再出去, 佢都未到~~~~ 好嬲呀~~ 哈哈~~ (講笑jar~)。之後, auntie 返來lor, 呢個auntie 真係好得意ar, 又串bor, 不過我鍾意~~ 哈哈~~ 因為冇位坐既關係, 所以叫靜宜另一個frd 隨便企~~ 哈哈哈~~ 跟住, auntie 知道我喉嚨唔舒服, 又比o左d 喉糖我~~ 

之後靜宜約o左佢班frd o係寶琳地鐵等, 但係.....對唔住呀靜宜, 我捨你而去, 真係好對唔住呀, 希望你唔好怪我講得咁直, 因為我知你唔鍾意人呃你我先咁講ga jar~~ 真係好對唔住呀~~~!!!!

離開o左靜宜之後, 我同華仔去o左九龍灣會合Irene, 哈哈~~ 佢o個朋友好搞笑ar~~ 串得o黎係唔會嬲, 淨係識笑, 笑死我啦~~ 哈哈哈~~~ 轉車o個時, 因為架車好逼, 對面月台d 人又逼上o黎wor, 之後佢居然同d 人講「好逼呀, 再上o黎呀la, 打番你落車」哈哈哈~~~ 。 之後去到灣仔, 我突然醒起, 之後拿拿臨同華仔講「你好似買o左九龍灣飛bor...你一陣間去到銅鑼灣點過閘呀??」哈哈哈~~ 之後佢同Irene o個朋友一齊過閘, 咁先唔使補$ jar~ 之後去o左Sogo o個邊搵埋Polly 佢o地~ then lei, 我o地去o左食o野, o個華仔係唔傻ga, 話去 spaghetti house wor, 之後睇o左o個menu 之後, Polly 同我o地講「我覺得你o地好有錢」, 唔係ga, 我一d 都唔有$ ga~ 所以我o地咪急急腳走人lor, 之後諗住去大家樂la, 點知d o野賣哂.....結果我o地去o左食拉麵, 好彩都唔係好貴jei~~ 但係, 我d 送o係咁比華仔夾哂去..........慘呀~~

食完之後o左總統商場o個邊睇人跳舞, 但係太多人, 我淨係睇到d 人頭, 要企高d 先見到....之後到倒數, d人痴線ga, 係咁玩彩帶, 但係噴o黎噴去都係o個幾o個人, 白痴ga~~~ 之後去o左seven 買o野飲, o個人死頭華仔以為飲完d 蜜瓜奶, o係咁將o個盒d 蜜瓜味對住我o係咁噴, 點知噴到我右邊身都係蜜瓜奶, o個嘴都有呀~~ 豈有此理~~~~~!!!!! 之後, 我o地去到地鐵居然有人大大聲嗌「華哥」bor, 我同Polly 都以為叫第二個呀!! 哈哈哈~~~

今年倒數真係好開心, 開心過上o係文化中心呀, 咁又係既, 搵唔到Ling 佢o地wor o個次~~ 又新既一年啦, 唔知會點lei, 不過今年真係過得好快呀~~!!!

　

第一次打長途呀~~  2002年 12 月 30 日 
今日我好早就醒o左~ 因為訓唔著lor, 唔知係咪因為尋日講得好興奮呢~~ 下晝5點半, 我打比紅豆, 之後再一齊打比我o地既44 Jason~~ 哈哈~~ 好開心呀, 本身諗定有好多o野問ga, 但係唔記得哂la 我~~ 不過唔知我一開始係咪有d 怯呢, 講英文wor要, 驚ga ma~~ 我又講到鬼死咁快wor, 搞到佢姨媽聽唔我講咩之餘, 我又唔明佢講咩wor~~ ai....失敗呀我, 枉我讀o左咁多年英文呀.....不過佢姨媽講o野好listening ga~~ 諗落好好笑~ ar~ 哈哈哈~~~~ 紅豆呀~~ 唔好咁傻啦, 唔好笑死may may la~~ 呵呵~~ 尾尾我就o黎笑死la~~ Jason 你又係既, 寫你o個名係幅牆到做咩jei, 真係ar~ 搞到紅豆比人鬧啦~~ 我o地講o左半o個鐘, 但係好似一分鐘咁ar, 係咪真係下年番o黎ga, 好掛住你呀死o野~~~~~~~~~~!!!!! 死la, 好似好貴咁wor d長途, 死la, 死la~~

　

好緊棟呀~~~  2002年 12 月 29 日 
唔好意樹呀~華仔,  我唔係唔想唔o黎ga, 不過最尾我咪又係o黎o左, 真係我細妹叫我去, 我先去ga jar~~ 唔好意樹呀~~ 我尋日真係好累ga~~ 

我今日見到Kelly 呀, 仲見到Jason o個mami, 嚇死我啦~ 幾驚呀~~ 佢mami 霸氣十足ga ma~~ 之後我去o左夾糖, 夾o左廿蚊ar~~ 大大包, 有排食~~ 哈哈~~ 跟住好無厘頭咁跟o左華仔睇拍賣, 一路睇一路等靜宜~~~ 等呀等呀, 靜宜o黎到la~ 哈哈~~ then lei, 我o地仲好無厘頭咁上o左華仔睇慳錢家族, 套戲更加無厘頭, 但係無厘頭得o黎好好笑~~ 呵呵呵~~ 仲有ar, 對唔住呀華仔, 我冇心打你ga~ 你唔好搵我報仇呀~~

返到屋企又同即刻online 話比Jason 知, 我見到佢mami, 點知佢又好無厘頭咁同我講, 「咩你見到我online 咩??」, 我咪答佢唔知lor, 我之不過想send o個offline message 比佢之ma~ 白痴~~~~!!!! 講講o下, 佢問我king 既地址wor, 我鬼知咩, 又話比我知緊急wor~ 咁咪即刻撥o個輪比King lor~~ 我懷疑king 連自己住o係邊都唔知ga, 哈哈哈~~ 之後我又icq, 又電話咁幫佢o地send messages, 真係慳錢呀我o地~~ 呵呵呵~~ 

同king收o左線之後, 又同阿Ling 講電話, 講講o下, mami 又話要打電話bor, 咪又收線去沖涼lor, 出o左o黎之後又打番比阿Ling, 仲駁埋比靜宜tim ar~ 講真我真係好耐未試過咁講電話法。之後阿ling o個邊有人要用電話, 就收o左阿ling 線, 之後我同靜宜講哂我d o野, 講講o下, 我真係忍唔著喊呀......我講哂我d o野出o黎la, 我第一次咁徹底咁講哂出o黎, 毫無保留~ 令我緊棟既係, 講講o下電話, 我愈係會諗起, 原來我身邊有好多人錫我ga~~ 我自己都唔知幾時開始變得咁鬼容易喊, 講電話又喊, 傾icq 又喊, 聽歌又喊, 諗o野又喊~~~ 靜宜講得o岩, 我好眼淺, 之不過我平時傻o下傻o下咁jei~~~ 聽日又打電話la~ 好多電話ar~~ 呵呵呵~~ ^^

P.S 唔笑唔通喊咩~ (雖然同我今日講o個d o野有d 矛盾, 不過今日比華仔問我有咩咁好笑, 我就答o左佢呢句la~ 係lor, 做咩要喊呀?? 我都唔明.......)

　

平安夜  2002年 12 月 24 日 
今日我點零鐘就去o左靜宜屋企lu~ 之後等佢扮完靚靚, 再去搵華仔(佢逼我咁叫佢ga~~)仲有鮑魚(都唔知係咪叫呢個名ga), 就搭車去o左灣仔lu, 再同A華佢o地一齊去o左睇Teddy Bear~ 好大隻Bear Bear ar~ o個頭仲識郁ga~ 但係我o地因為一d 事分開o左, umum....好唔開心呀....... 之後我同其他人去o左九龍灣, 諗住買飛睇無間道la, 點知又冇哂...ai....點解做咩都唔順利ga.......食食o下KFC, 阿Ling 打o黎比我, 我同靜宜就係九龍灣等佢買延采白鳳丸~ 買完之後就去o左尖咀lor~

去到尖咀, 好多人ar, 之後去o左搵Boss, 睇佢賣o野賣成點~ 我仲幫佢買o左支星星棒tim ar~下面o個支咪係星星棒lor~!^^~

之後我、靜宜、阿Ling、仲有Angela (阿Ling o個frd), 一齊沿海旁行o左過去文化中心o個邊, 之後我o地見冇乜人, 好埋位~~ 影相先~ hehe~~^^

~我同靜宜呀~

o係我o地影相既隔離, 有一班信徒o係度唱聖詩, 仲有好多人圍觀tim ar~~ 之後我o地o係香港藝術館既o個張好大既黑色poster 等靜宜d frd, 等等o下華仔打比靜宜wor, 但咁o岩靜宜有電話入, cut o左tim, 之後我o地打o左好耐電話先再搵到佢, 因為jam 哂線ar, 之後我同阿Ling 幾經辛苦先搵埋Yan 佢o地, 唉.....jam 線真係好煩~~~ 搞咁得耐, 打到我o個電話d 電冇o左超多格~搵到佢o地梗係影番張大合照先啦~~ 呵呵~~ 擦~

之後我o地準備行過去既海旁M記時候, 撞到King 同Maggie wor, 之後又一齊la, 跟住我o地搭地鐵落旺角, 靜宜就返企lu~ 我o地到旺角之後去o左食韓燒, 癲ga, 佢o地整o左o個火腿煲~~ 睇下~

 

食完之後我o地去行藍田山, 諗住可以睇日出, 點知自己虛脫咁制, o個咸蛋黃死都唔出o黎, 就係咁我就行番落去啦~ 之後Yan 佢o地去o左飲早茶, 我梗係返屋企la, 唔該哂闌袋倍我返屋企~~ ^^~ 直到呢家, 我都分唔清係廿四同廿五號la~

　

與媽同行  2002年 12 月 23 日 
今日同媽咪出o左mongkok, 買o左好多o野ar~ 我又買o左冷la, 今日先織完一條, 今日又買冷織la bor, 哈哈哈~~ 癲la 我~ 買冷o個時又撞到Oscar 同Winky bor~ 好耐冇見佢o地la~, 搬o左之後都冇見過lu~~ 呵呵呵~~ 之後就返o左屋企la, 不過我好累ar~, 呢一日咁就過o左la~~~

　

做冬 2002年 12 月 21 日 

今日去一早就去女麻女麻到,  一入到去諾言仔居然同我o地講「我懶尿la」之後佢真係坐係度懶尿la~~ 傻o左la 佢, 哈哈哈, 不過佢naughty o左好多ar, 佢已經識床仔到爬番出o黎, 所以呢家係困佢o係出面o個垃圾筒ar..... 之後我悶得濟, 開o左notebook上網(唔好以為係我ga~~), 見到家祺bor, hi o下佢先, 哈哈~ 佢仲比o左佢呢家既同學仔d 相我睇~~ 之後hi 埋King, 哈哈~~ 好彩佢o岩o岩訓醒, 仲比佢搵到java, 即時玩番場pooh 先~ 估唔到又係我輸....ai....好彩家祺幫我報仇, 連嬴佢兩場, 好o野, 家祺好醒ar~~ 哈哈哈~~ 玩o左冇幾耐開始累la~~ 之後出o左去睇電視, 睇o左十幾次同一o個新聞, 咪就o係o個兩個失蹤女童陳諾雯同嚴佩珊lor, 不過捉佢o地o個o個人都變態ga, 有咩理由咁樣對d小朋友ga?? 自己都有仔女, 又炸埋佢o地, 都痴線ga~~

之後終於食飯la, 不過我淨係食o左d 菜, 因為d 飯好乾淨淨呀~~ 睇見都唔想食ar~~ 食完之後又轉o左睇體育台, 我諗場波係重播ga, 係湖人vs 76人(真係多人), 見到Iverson, 嘩佢o個頭好掂呀~~ 打波都超掂, 我終於明白la~~ 睇完之後, 我o係度睇扮o野小魔星, o個隻o野又幾cute ga bor, 又好慘, 佢真係想改過ga~~ 不過冇人明佢...ai.... 睇完我就走o左lu~~

　

Party  2002年 12 月 20 日 

今日開趴地呀, 估唔到夜校都會有趴地開wor, 又一年la wor, 真係好快ar~~ 上年玩得真係好開心, 諗番起今年真係有好多事發生o左, 有時真係唔開心到想死...第一次係人o地面前喊, 咁大o個女第一次通頂, 之後第一次返工, 第一次有咁多朋友同我慶祝生日, 之後Jason 要走, 會考失敗, 病到失聲, 中秋節燒o野食, 到楓楓要走..多到數唔哂... 講番o個趴地ar, 真係有好多遊戲玩呀, 我都好想食o野ga, 不過mami留o左飯比我, 冇理由唔食ga ma~ 係咪??

楓楓ar, 你知唔知我真係好驚ga, 仲要笑人o地wor~~ 好衰ga你~~~ 衰人~~

　

掛住你o地 2002年 12 月 19 日 
今日同o左夜校d 同學仔去唱K, 佢o地唱o個時, 我真係好掛住你o地ar~~~ 收尾我好似癲o左咁點帝女花之香夭wor, 我一定係痴o左la, 但係我真係好掛住你o地.....

　

唔該哂~~多謝哂~~ 2002年 12 月 16 日 
今日我出o左九龍灣同B小姐仲有Y小姐食lunch, 哈哈哈~~ 我o地仲据扒tim ar~~ 哈哈哈~~~ 抵食夾大件~~ 正~~!! 食完之後, 楓楓仲要買o左西瓜味既棉花糖食~~死得la, 我又有份食tim~~ 之後, 唔該哂呀衰人借隻office 比我, 如果唔係我都唔知幾時先可以打d o野上o黎ar~~ 唔該哂唔該哂~~

返學o個時, 超累呀, d 骨勁痛呀~~ 唔想聽書tim ar~~ 不過到o左maths 堂, 阿sir 咪撈過界wor, 你教maths ga bor, 唔好教埋英文wor~~ 呵呵呵~~ 不過我好叻呀, 識得答阿sir AA制係go dutch~ 哈哈~~ 咁我諗真係要多謝Calvin 教我呢個字lor~~ 多謝哂, 仲等我唔記得o左你係邊個tim, 唔好意思, 唔好意思~~^^" 不知點解呢掛放學, 望上o個天會有咁多星星, 雖然唔係排得咁密, 但係o個天真係有好多星, 仲有一粒係特別閃ga, 仲邊行番去, 一邊望都佢實, 自從勁多年前o係泰國見到一jar 星星之後, 呢次係我第二次見到咁多星~ 估唔到o係香港都見到咁多粒星星wor~~ 

　

楓楓, 你一定有陰謀 2002年 12 月 12 日 

今日同o左楓楓唱K, 哈哈~~ 兩個人唱, 唔使爭咪~~ 呵呵呵~~ 唱完之後去o左行旺中, 見到好多衫呀, 裙呀, 好平~~ 全部都係廿蚊至六十蚊, 真係好想買, 但係真係唔捨得買... 如果可以買哂返屋企就好la.......去到楓楓屋企佢o係咁比o野我食, 嗱, 我知你一定有陰謀ga~~ 你一定係想我好似你咁肥~ 哈哈~~~ 冇ga la~~~~ 我唔會再肥ga la~ 呵呵呵~~

　

我究竟為o左d咩呀??  2002年 12 月 11 日 
原來開心真係得o個一陣ga jar....我試過好多令自己開心既方法, 真係開心o左一陣, 但之後又係回復死o下死o下o個種心情....以前我唔知咩叫心痛, 但原來o個心痛起上o黎, 真係可以好痛好痛ga.... 我唔想再痛落去, 但有d 咩方法可以救番自己出o黎?? 我真係唔知點?? 究竟我為o左d 咩o野令自己咁辛苦?? 連我自己都唔明點解我可以死守咁耐..... 有意思咩?? 可能我鍾意唔開心既感覺多過鍾意開心既感覺, 鍾意玩自閉, 鍾意痛, 鍾意用呢d 方法折磨自己......但係我既生活就係要演一個冇台詞既開心, 而且好開朗既女仔, 之後再由呢一個由自己塑造既角色, 塑造多個自己出o黎保護真正既我.....即係我有精神分裂.....

　

  厭惡icq....但係..... 2002年 12月 7 日
今日boss 好出奇地叫我出o黎話教我P.A , 但係.......唔講la, 不過, 我都學o左好多我以前唔知既o野既~~ thx~~~ 

楓楓返o左o黎啦~ 哈哈~~ 佢真係肥o左ar~~ 哈哈哈, boss 教完我P.A 之後諗住返屋企ga, 不過既然一場o黎到藍田, 哈哈~~ 搵埋楓楓先啦~~ 哈哈哈~~~楓楓比o左佢o係aust 買既糖我食, 99% Free Fat ar~~ 嘩哈哈~~ 好好食ar~~ 仲要係蘋果味tim ar~~ ^^~~ 好幸福哦~~~~~~^^"

返到屋企, 好死累...唔知點解開始覺得icq 好無聊, 但係一日唔開佢好似會死咁....真係好憎icq 呀, 但係如果冇icq.....ai......我寧願冇發明過電腦呢樣.......就算有好多人online 咁又點?? 我都唔會同全部人 say hi, 人o地又唔會同我say hi ga la.... 人o地話icq 可以同其他國家既人做朋友, 但係次次o係random hi 我o個d, 都會問我：「咩你冇拍拖唔悶ga咩??」。真係好煩ar~~~ 做咩冇拖拍一定會悶呀?? 我唔恨呀!!!!! 呢d 咁既人就地正法, 全數比我put o左入ignore list~~ 煩煩煩煩煩煩煩煩煩煩煩煩到到到到到到到到到到到死死死死死死死死死死死~!!!!!!!!!!!!!!!!!!!!!!!!!!!!!!!!!! 乞人憎~~~~

　

舊既唔去 新既點o黎呢??  2002年 12 月 6 日 

今日返到去...又見o個傻佬同ms 嘈啦...話ms 唔用學校本教科書, 之後又話寫信比董特首..ai...之後ms 同佢講, 佢留低o左d 垃圾o係櫃桶比日校d 人投訴, ms好聲好氣同佢講, 佢居然懶串咁同ms 講:「咁我而家擺o係度得唔得ar??」ms咪叫佢記得拎走至好lor, 佢又講:「我記得咪拎lor」~~嘩, 佢咩態度呀??? 平時又話我o地好嘈, 懶係乖咁, 呢家又咁同ms 講o野, 超~~~

唉...靜宜, 舊既唔去新既點o黎呢?? 呢家你睇清楚佢既人, 咁咪好lor, 等自己唔好錯落去~~ 係唔係?? 開心d 啦~~ 開心d, 人都靚d 啦~~ 哈哈~~~, 唔好再喊啦~~ 傻豬o黎既, 唔值ga~~!! 笑o下la~~ ^-^~~

　

開唔到Diary   2002年 12 月 5 日

唔知點解, 我o係frontpage 開唔到Diary 呀, 不過是但啦,  橫掂o個Diary 咁亂, o係時候要執o下佢ga la, 不過唔知我會執幾時呢?? 遲d 就會睇到又整齊又齊全既diary la, 唔知會遲到幾時呢??我太懶啦......楓楓星期六就返o黎啦, 好開心呀!!! 唔知道佢有冇肥到呢?? 呵呵~~

今日係Ms Cheng 生日, 唔知道佢點過呢?? 好耐冇見佢啦, 唔知佢點呢?? 真係好享受小學o個時同佢亦師亦友既關係, o個時無憂無慮, 唔似得好似而家咁有好多諗...有好多o野收埋o係o個心度, 真係好掛住以前....不過, 冇可能ga la, 點都好啦, Ms Cheng 生日快樂呀~~

真係好耐冇打過日記啦, 一o黎我又唔得閒, 二o黎我得閒o個時又唔知打咩好...不過尋日返學就好激啦, o個位傻佬同學成日話要投訴人, 不過office d 人都當佢發tee騰ga la~ 尋日上中文堂o個時呀, 坐o係佢後面o個伍同學只不過將隻腳伸o左出張檯jei, o個傻佬同學就話伍同學騷擾佢上堂, 阿sir緊係話冇啦, 點知o個傻佬居然好大聲咁同阿sir 講:「我呢家懷疑佢o係差佬.......」。佢呢番話引起全班大笑, 檀同學仲同阿寶講:「你一定係消防員!!」。 佢真係傻得好, 傻得妙, 如果唔係我o地邊有咁多笑料ar~~ 不過, 諗深一層佢都幾慘ga, 因為讀書讀到傻o左, 真係陰功....

今日我返到佢o個時, 阿寶同我講(我上一堂冇修)佢同阿sir 講:「阿sir我想去大便呀!」, 返到o黎仲要話冇廁紙.....ai.....死得啦佢......上完econ 堂, 阿sir 都未話落堂, 佢居然一反常態咁同阿sir 講:「今日就講到呢到啦....」之後就o左出課室....肯定o係因為......ai.......

就o黎Christmas la.....ai.....又唔想過啦.....