朋友，身邊每一個都可以話係朋友。但係知己唔係o個o個都係，幾個咪夠lor~~

Jason 同 King~ 唔知點解我成日都覺得我o地3個好似分唔開咁，可能我o地都住o係tko 掛~~ 本身我同king 好鬼frd ga~ 不過人言可畏，要收歛d~ 所以我同Jason 就frd 起上o黎，因為我o地住得太近啦，佢住o係我對面o個座，仲要我望到佢，佢望到我wor~~ 我o地起身番學o個時都會望一望大家既屋企有冇開燈，不過就算冇開燈都唔會打比對方..... 哈哈~~ 點知我o地都冇開燈既日子，我o地都遲到...... 哈哈~~ 咁o岩得咁撓，Jason 同 King 都有著同一樣既嗜好，於是，我就做o左月老，撮合o左佢o地兩個，締造o左一段大好既姻緣啦~~ 講o下笑jei... 都唔關我事... 都係因為佢o地有同一樣既嗜好jei~ 佢o地一個行過歐洲再游水過o左英國，一個只係游水過o左去澳洲，得番我一個留守香港.... 哈哈哈... 雖然佢o地都唔係香港，但佢o地做伯伯都好錫我呢個細路女既既，有時都只不過係你窒我一句，我又窒番你十句之ma~~ 一係就佢o地兩個一齊窒我，窒到我笑到死咁濟~~ 佢o地兩個係我最好既朋友，我唔想失去任何一個，因為佢o地兩個都分別陪我行o左兩條好難走既路，如果o個時冇佢o地o係我身邊，我諗我唔會好似呢家咁成日笑到好似o個癲婆咁~~ 其實我自己都好唔好意思，要佢o地成日都擔心我... 我會乖ga la~!!!

楓楓，係我入司徒浩識既第一個朋友。佢對我好好，o個時好在有佢，如唔係我都唔知點算。楓楓呢家佢又去o左澳洲讀書，佢去到o個邊之後，成日都唔開心，搞到我有咩事都唔敢同佢講, 我驚佢擔心我之餘，搞佢自己都唔開心， 所以我咩都唔同佢講， 只係講d 開心既o野佢知~希望佢都可以開心埋一份~~ 佢呢份人冇咩自信, 成日都覺得自己唔夠好, 做咩都會係最差, 呢樣o野係我最擔心既~~ 我同佢一齊喊過笑過痛過(不過係我喊jei)... 真係經歷o左好多o野.... 真係好希望佢o係澳洲o個邊可以搵到真正既朋友~唔好遇人不淑就得啦~~

靜宜，係我讀o左夜校先識既, 其實初時我o地都冇咩o野講ga, 因為唔熟lor~ 但之後因咩事而friend 我又唔記得o左wor~~ 靜宜佢呀, 係一個路癡o黎ga~ 可以係旺角蕩失路ga~ 係咪好勁lei?? 記得零食曾經同我講過「唔怪得知你同靜宜咁friend la, 一個癲既, 一個傻既~」~~ 講真有時我覺得同靜宜幾有緣ga bor~ 佢師傅係識Jason 佢o地ga~ 因為Jason 佢o地有時都會去寶琳夾band ~ 上年會考我同靜宜d 試場又係一模一樣ga, 不過又未見過大家wor~ 又咁o岩一齊o係夜校重讀wor~~ 之後, 我o地就無所不談啦, 我有d咩唔開心同開心都會同佢講~~ 同佢講開心o野既時候, 靜宜就會同我講「睇o下你幾易滿足~」, 易滿足唔好咩?? o個人簡單d, 做人都會開心d ar ma~

有好多時你會覺得你身邊既人o係你既好知己, 佢有事既時候, 會搵你訴苦~但當你有時想搵佢既時候, 佢往往都好求其咁係icq 整幾個面部表情你... 我曾經做過一個心理測驗, o個結果係話我, 我d朋友有事既時候往往都會搵我,  而我係唔會托手掙, 所以我身邊有好多朋友好倚賴我, 仲成日搵我笨... 其實我係咪真係成日比人搵笨呢??? 不過是但啦, 有Jason、King、楓楓同靜宜唔會搵我笨咪得lor~ 所以我可以高呼「我找到了!!」~~~