11月30日 星期六 毛毛雨＊
今朝食完早餐，補完習，
就同阿媽去阿婆屋企，
但去之前就同阿媽去雲曬兆萬、潮流特區、
仲有信和。但都係買到一卷膠紙。
好靚呀我覺得，叫skip bunny。
之後個人好似比人吸走左靈魂咁，無心機，
又係情緒病，真係好憎自己。
去到阿婆屋企，好悶，悶到目著左，
起身就同舅父食飯。
阿媽知我唔開心，所以又同我再去旺角，
去左瓊華中心，
買左個$15八爪魚粒粒jelly，
好好玩架，將D野攪尼攪去，又
唔係話太好味。
去返去西洋菜街，行到2%，
聽到DA PUMP D 歌呀！正！
入到去睇到件風褸，迷彩，兩層，正！
但都好貴下，就唔買喇，慳家呀。
出到門口，阿媽問我係咪好鍾意，我話係，
佢就同左我入返去買。
好感動呀有個咁既阿媽！T^T
跟住又睇仲左D工人褲，
多得D Sales姐姐，
個個都好好人同靚女 ~
點知，買埋啦，過$800有得做會員，
阿媽又幫我簡左個斜揹細袋。
就係咁，我就好似好過意唔去但又好開心咁離開依左2%個門口。又兩隻2%狗送，
一對架(藍+白)，哈！
屋企本身有隻粉紅色(cookies碟送)。
死啦，咁型，我驚我唔夠膽著出街…
算吧啦徐寶琪…唉…
返到屋企喇終於，見到有線做電影預告，
話11:45做時光倒流七十年，太美好喇，
尋日先同老豆講開依部戲，好正架！
外國舊片，係講個男人想回到過去，
識一個好靚既女仔，但後尾好慘…
因為個男人返左尼現在世界，
以後都返唔到去…
11月29日 星期五 驟雨＊
好眼目訓架！
因為尋日終於將自己本ORGAN轉版。
我好鍾意，好有生活品味。(懶勁咁…)
上堂依然係咁悶。
w-inds.隻album個cover好靚呀，想快D買！
今日阿媽都係叫我唔好游水，
所以去左BOW同JOLO傳說中的"永利"。
好平呀，有齋、魚蛋、蘿蔔…etc.
真係唔錯呀，三蚊串，蘿蔔一蚊兩舊。
返屋企，就DL下Gorillaz D 歌尼聽，
隻Clint Eastwood係正！HIP HOP！
目訓左陣，又左太古城，成日去咁…
去買禮物咁…行到目訓著喇…
唉…我又無聽你電話喇，唔係唔想架，
唔知點解我成日都無聽電話，
有時又唔係身咁…算吧啦…SORRY…
11月28日 星期四 微微雨＊
尋晚九點前已經目訓左lu ~頭痛呀！
目訓足左十幾個鐘，朝早沖涼，
因為發覺尋晚目訓左無走沖，
所以唔夠時間。遲到喇…
所以咪食埋早餐，順便啦。
返到學校，週會中…我要去圖書館…
一入到去壯觀啦，坐滿曬咁，
WingLo，elsa，Peony都係度。
雞主管返學喇，佢依然都係咁既款，
又話食飯過尼食，算啦，睇諒佢係雞。
玩電腦，又去恐怖網，
elsa…唉，睇清佢喇，原來佢咁變態！
同Loretta一樣，佢開埋screen比人睇，
仲話D恐怖野得意，算吧啦…
上堂，依然係好悶…
但今日中文堂上得特別嘈，奇怪！
活動堂，同BOW係度食野，
勁多老師監視，我地仍食得津津有味！
好賤啦D人，我見到D人睇WingLo個頭。
無游水呀，今次唔話得我喇…
我老豆叫我唔好游架，佢話我未好返，
驚會肺炎…哈…所以就去左睇歌唱比賽。
其實得五隊選一，有：
1. kathleen, maggie, Gaby同黃依
2. 雞姐, sunny, queenie同阿懋
3. 楊斯淳同有關人士
4. JOLO同麥凱欣
5. KARA同李芷翹
心諗4, 5唱得最好架啦，點知…
結果簡楊斯淳喎！我覺得佢地最差嗎…
佢果隊有四個人，佢自己霸曬咪，最大聲，
D人又未記曬歌詞，賤！影衰我地F.3！
11月27日 星期三 微微雨＊
1127，李小龍之日！
李小慧 - 雞主管，唉…雞主管…
尼M都勁過人，勁到返唔到學…
佢話又痾又嘔咁，仲要扣喉咁…
唉…真係難為佢囉…算吧啦…
唉…點知點解今日特別憎tonnae…
又成日扮佢件冷衫短到係腰上面…
佢今日成日阻頭阻勢，嘈住曬。
自己借枝筆比JOLO，佢唔還又關我事…
又係度發曬脾氣，討厭到爆！畫花佢！
上chem堂調位，果個死人蠢差賤，
都唔知係整定/特登，調我同tonnae同組，
無呀，即自動調去第二組，
其他同組既同學亦都好似我咁，哈！
最後佢自己一個坐最後一張lu ~
聽人講佢F.1已經好多人排架喇，
我第一次同佢同班，佢當然係無變。
今日無去游呀，唔知點解…
無得解就無得解架喇，好多人都病，
師奶，Michelle，雞主管…同我…
希望大家無事，淨係tonnae有事啦~
*咒人係衰，但當佢識佢，就知架喇…
*以下係我個人傑作，請慢用。
11月26日 星期二 晴＊
好消息好消息！
我地偉大既雞主管終於尼M喇！
五個月之後，佢終於尼一次喇！
但係聽閒唔知點解佢好似死死下咁…
算吧啦，雞係唔同D架喇…
唉…唔知點解依排游水特別辛苦，
唔想游咁…唔知幾時比人踢走呢？
唉…聖誕又去廣州集訓…
都唔去架啦，咁屎…
游水唔掂我都唔想讀書唔掂架…
無所謂啦，都就快唔游啦，
都唔知游尼做乜…算吧啦…
或者…聽日會好D呢？希望啦…
11月25日 星期一 晴＊
WingLo原來唔駛停課架！好！
…但係佢要帶假髮上堂囉…
變態架，人地剪頭髮之麻，支持佢！
跳舞跳到好tired架，好早目訓 ~
11月24日 星期日 晴＊
乃是沈悶的一天呀！救命！
有D覺得浪費左D假期，算吧啦…
今日同埋班「Aunties」飲完茶，
就同張氏兄弟去188買GBA帶…
D人真係有錢，買要買兩份…成$620…
之後就去左佢屋企呆左幾個鐘…悶…
無計啦，搬屋呀，D大人去左新屋幫手…
完本有得食IVAN整既麵架！
可惜要走喇…淚！…
依日，就係咁過左喇…
11月23日 星期六 晴＊
如常的星期六…沉悶的星期六…算吧啦…
今日又去寶琳行…買唔到長褲…
之後又係屋企…等…等時間過…
今日佢地成班去食慶功宴…
我都去架本來，但為左慳錢既原則，
所以就無去喇，大大話話成百三嗎…
聽佢地講好開心，算吧啦…
11月22日 星期五 晴＊
今日…好tired呀…食左藥…
WingLo好慘呀！佢要比人停課三日！
一返學就比人叫返屋企，
仲記左個大過呀…因為…
佢剪左個爆PUNK爆型既頭，
比訓導見到，就咁喇…掛住佢…
支持WingLo！我愛你！…就奇
我終於知道件事係點喇…
而家成班人都反雞主管，
又真係幾慘既…算吧啦…
佢話唔怕比人排佢，佢我知佢怕架…
游水，臨尾實在唔得，迫不得以上水…
11月21日 星期四 晴＊
今日我上堂好乖呀，
係度猛咁畫埋D幼稚園畫…哈！
karen睇左我封信，好似幾嬲咁…
因為我係封信度諷刺佢，
話佢唔好成日話我地係更衣室度好低B。
死喇，我發覺我有D掛住雞主管，
好似好耐都無見過佢咁，
係時候睬返佢，咁我就做左個大英雄！
其實點解我要唔睬佢？真係怪喇…
今晚同豹哥講電話，
講到一半，突然聽到佢阿媽鬧佢，好惡，
咁就好無奈咁連再見都無講就收線，
我…笑左一陣…無奈的笑了一陣…
11月20日 星期三 晴＊
今日，我仍如尋日咁，又係咁…
小息Bow叫我扮喊'握'佢，
放學果時我飛甩左佢，好衰呀我…
Karen叫我陪佢坐18號，我又飛佢，
今日我簡直做左個正衰人！唉…
Bow打比我，話Jimmy佢地都唔睬佢，
莫非佢今日係"人地唔睬佢之日"？！
佢叫我打比雞主管問候佢，
我無打…你憎我啦，憎我有依個缺點啦，
我絕對唔介意，繞恕我吧啦…
11月19日 星期二 晴＊
今日本來都有幾多節目架，
例如去ST.PAUL睇表演，之後睇戲…
但結果全部都無做，係屋企坐成日，
原因都係一個"懶"字…
又或者係…我真係實行左喇…
所以咪話請恕我有依個缺點…
今日同豹哥講電話，
認識左二份一既偉論！好有用架！
11月18日 星期一 有微雨＊
今朝起身，好驚，點解要咁？！
今日最後…都係有去旅行架！
去清水灣郊野公園…
好無聊囉…BBQ+放風箏…
好彩有JOLO部DC，如果咪真係悶死…
雞主管、tonnea又唔去喎…
回程果時，karen打比我話要去我屋企，
因為佢無帶鎖鑰…好無奈咁…
最後都係去左架…算啦…
好無聊咁坐左幾個鐘就走左喇…
今晚係度諗，我知道我討厭既缺點，
已經開始憎你喇，唔好問我邊個點解，
我可能將會會疏遠你，原諒我。
短期目標：我得架徐寶琪，加油啦！
你好清楚我呀，想同你講多謝。
11月17日 星期日 晴＊
今日去左元朗游四角賽…
有我，任嘉惠，Michelle，阿邦，
李亮葵，阿勣，豹哥，師奶…
一心以為會好好玩，但就…
返到尼有失無得，唔去好過去…
連返屋企途中仲…比我去死好無？！
我要話比自己聽，頂住，但唔得…
算啦，返到屋企都無野啦…好早就目訓。
聽日去旅行囉，唔想去…
11月16日 星期六 晴＊
係屋企無聊咁過…
夜晚去左將軍澳…
都係好無聊咁過…