野鬼評語

維他命Ｃ活膚精華素

從未用過同類型既product，因為小魚一向不修邊幅，初頭對ｅ個產品既心態係︰「得唔得架？！」唔係好信佢！响手背試左少少之後．．．鞋既感覺就0係捽匀精華素果幾秒中捽走左喇！好犀利呀！一於買支俾魚媽做生日禮物先~

維他命Ｃ活膚噴霧

不過同精華素比較，我仲鐘意唧唧裝呀！又平又抵又方便~除左多左保濕功能之外仲可以固定妝容添！夏天帶出街爽哂～

叉電法寶

鐘意放電既你今日叉左電未呀？有佢地幫你肯定事半功倍，電力驚人～死未？^^"

蘆薈系列

蘆薈自古就因佢既藥用價值廣受推祟，千幾年黎幫唔少人容光煥發起來架！

蘆薈潤膚啫哩

小魚奉之為「萬能聖藥」，因為佢真係咩都得架！同新鮮蘆薈汁一樣搽落傷口度（哈哈古法治療黎架！）會快ｄ好仲唔會留疤痕架！同面霜一樣對乾燥、唔健康既皮膚都有治癒功能架~

蘆薈潤膚噴霧

哈哈~支噴噴都好正呀！小魚好趕時間果陣搽唔切lotion噴幾下就行得，仲叻~

蘆薈汁飲品

車車飲蘆薈汁已經飲左幾年啦！佢話除左腸胃病得以紓緩之外，連豆豆都走清光呀！我又要飲埋一份先得！

草本茶

草本植物提煉出黎既茶粉，對消化系統既正常運作好有幫助架！仲有好多隻味揀添！草莓味已經賣哂啦～有買趁手呀！

深海魚油丸

ｅ隻丸丸係好多魚魚加埋既脂肪精華黎架！有好多omega３，對腦細胞既發展好大幫助～食多ｄ咁讀書果陣就會醒目ｄ啦係咪？

當歸片

當歸可以令女鬼靚靚架！ｅ種中藥流存左咁耐，歷代后妃美人都用佢黎養顏補身，可以行氣活血身壯力健，你冇理由唔識貨架～

潔膚３部曲

想皮膚靚靚就要從最基本既清潔開始～如果唔係就撻咩上去都冇用、好嘥料呀！首先搽潔膚露，搵化妝棉唔好重覆咁抺走ｄ污糟野去，跟住搽爽膚水，搽上面就得架啦唔洗拍下拍下～hehe～ｅ支野仲可以當mask用架！最後補番d潤膚霜潤下咁就大功告成啦！

魔術煥膚精華素

ｅ樣係所有獨立產品之中最貴又最神奇既product，仲勁過活膚精華呀！因為搽左佢可以抗皺打斑，幫細胞惕復更新，仲抗衰老添呀！送樽俾小魚婆婆試下先～

營養蛋白質飲品

唔～ｅ樣就經典啦！又好飲又好玩！仲有好多種變化添！聽唔明魚話？你自己試下、親身感受下啦～blupblup～

野生植物精華片

由生存左幾千年既野生植物瓜拉娜抽取出黎既精華結合而成，可以促進野鬼們新陳代謝，飄都飄得快ｄ呀！

香蒜片

哈哈～～食左ｅ隻蒜片之後係唔會口臭架！因為佢好犀利囉！小魚就係鐘意佢呢個功能啦～彊屍見到你，唔覺唔覺行埋黎既佢就知死啦！大蒜幫野鬼身體造左層隱形防護罩，可以擋彊屍、殺菌、增強免疫力，沙士見到你都要掉頭走呀！！！