13-11-04

               下午2:45到達東京成田機場,即刻取行李去撘火車到東京站."站"o係日本係"駅".到東京駅大約5點鐘,

               天已經黑唒,初時諗住時間仲早個天仲好光,諗住到旅館check-in仲會係白天,點知o係火車度越坐個天

               就越黑,越坐越黑,終於黑唒!我們所住o既旅館叫"八重洲龍名館",係一間有和室o既旅館,我們當然係住

                   和室啦!間和室都幾得意o架!例如個廁所同沖涼o既地方係分開o既,洗手盤o係沖涼房o既出面,廁所有

              一個好細o既洗手盤,扭水o既掣o係出水o既位置.和室房全部係榻榻米,中間放有一張矮枱同兩張凳;有

               個陽台,放有一張枱同兩張凳,仲有雪櫃.房中間有一盞吊燈,好有日本feel呢!

               我們放低行李之後就出發到台場,行"Decks Tokyo Beach Island商場",見到一間賣河童o既精品店,即刻

               眼前一亮,皆因本人非常喜歡河童.買o左幾件河童精品之後,就去Food Court食o野.我叫o左一杯西蘭花

               忌廉通粉同一杯番茄飯,Henry就叫o左燒八爪魚丸同糖漿朱古力蛋糕,一杯咖啡.食完o野行"台場小香港"

               同"台場一丁目商店街",呢兩個地方都係該商場有名o既商店街,其中"台場小香港"有好多香港o既招牌,

               例如"裕華國貨""花園餐廳"等等......又有好多中式食肆,例如"鴻星海鮮酒家""許留山",仲有廟宇等香港

               特式o野,不過內容就比較舊,好似好耐冇update咁.吖!仲有當時商店街播緊劉德華o既歌呀!而"台場一丁

               目商店街"就係一條以昭和年代為題o既商店區,有好多舊日本o野賣o既商店同好多舊日本o既場景供遊

               人影相,當中有一間"Hello Kitty專門店",但就o吾覺有舊式Kitty o既精品喎!

               跟住我們再到另一個商場"Palette Town",呢個商場距離之前個商場有幾個車站咁遠,除o左可以行路到呢

               個商場之外,仲可以撘"無人駕駛列車",因為我們買o左一日乘車劵,所以就選擇撘"無人駕駛列車",係又撘

                o吾係又撘喇!我們行o左一個以女性做主題o既商場"Venus Fort,裡面o既裝修好靚,好有歐陸feel!商場隔

                離有一個"Mega Web豐田汽車館",除o左有車款展示之外,仲可以玩到相關o既機動遊戲.展示場旁邊有個

                Neogeo World Tokyo Bayside遊樂場,有入錢玩o既腳底按摩機.

                係時候返旅館休息啦!撘"無人駕駛列車"到有明總站,再撘番對頭車到新橋駅,再轉火車"JR"返東京駅旅館

                一入到房,見到旅館o既人已經幫我們舖好床.

                今晚瞓得好好.