16-11-04
今朝o係酒店食早餐,一朝早食飯真係o吾係好慣,幸好做伴菜o既明太子好好食.我o地望住窗邊,見到遠處有一
堆厚雲飄緊過o黎,無幾耐又落雨喇!嘩!好多雪呀!快o的食完去影正雪先.當我o地行出食堂,見到有一間房,有一
個結婚o既 reception牌,原來呢度係婚禮顧問所,裡面有好多結婚公仔同婚禮用品,仲見到有人試緊婚紗添!如果
我o地婚禮係o係度搞就好lu.
Check-out之後我o地去火車站o既locker放低o的大件行李,再出發去"大通公園"o既"電視塔".我o地撘電梯上到
展望室,"大通公園"好靚呀!之後我o地再到另一景點"時計台",裡面有一個時鐘模型,同埋一o的"時計台"o既歷史
資料同紀念品,仲有各國教堂o既鐘聲都可以聽到.行完"時計台",我o地行返去札幌站撘火車到小樽.咦!札幌而家
3.8度,都o吾凍o既!或者係件羽絨o既威力啦!到o左小樽,呢度落雪o既情況勁過札幌,Henry仲o係車站月台o既雪
堆上整o左個哈哈笑添!
出o左小樽駅,雪越落越大,地上好快就積o左一層雪.我o地入o左一間舖頭食海膽飯,佢o地居然用海參做伴菜?!
鮑參翅肚個"參"喎?!個定食除o左有上述咁特別o既前菜之外,仲有蟹汁湯(包幾舊蟹肉),海膽飯有三文魚同墨魚
片,正!呢間舖樓下係一個海鮮市場同海鮮超市.食完o野行"小樽運河",初時o黎北海道根本冇諗過可以見到舖滿
雪o既"小樽運河",以為冇o野好睇,點知運河周圍而家都係雪.,好開心呀!行到音樂盒"海鳴樓",冇開門o既?我本天
書冇寫佢今日休息o格!點知o係過一條街竟然見到真o既"海鳴樓"!原來呢間先係我o地o係旅遊書所見o既!不過
裡面不外如是,o的玻璃擺設o吾及我o地o係另一間"小樽運河工藝館"所見o既咁靚.本來諗住整兩個音樂盒,一個
俾自己,一個送俾人,而家只係係咁依整一個俾自己咋!(都冇咩心機整)不過同Henry一齊整,都好sweet呀!去完"海
鳴樓"出o黎差o吾多6點,天都黑哂,o係運河附近我o地居然見到溫度表顯示現時只有"-1.5度"!零下1.5度,好o野!
不過都o吾係好凍o者!我o地沿住運河行,見到一間雪糕屋,小樽o既五段,六段雪糕好出名o架!Henry用相機影o的
雪糕模型,突然舖頭個老闆娘攞住其中一個雪糕模型出o黎俾我o地揸住影相,佢好好人呀!其實我o地係咪應該幫
襯吓佢o的雪糕呢?我o地再沿路行,去到"小樽音樂盒博物館堂",不過已經關o左門lu.我o地就影吓佢出面o既"蒸
氣時鐘",見到隔離間精品店門口有對米奇同米妮像,當然要影吓佢o地啦!咁可憐o係門口食西北風又舖哂雪.嘻嘻!
跟住行去小樽築港駅.但係越行越o吾對路,住宅區o黎o既?人影都冇隻,個天又黑,好驚呀!有冇行錯路呀?!好彩最
後都去到目的地"Mycal商場".不過個商場裡面好冷清,搞到我o地冇心機繼續行.剩係食o左一杯雪糕同一件pad
cake咋!
諗住返小樽駅食晚飯,點知去到周圍o的舖頭已經關門,8點幾咋大佬!有冇咁早呀?!冇o野食唯有返札幌,去返札幌
駅地下商場食海膽飯.跟住去locker攞返o的行李,去撘夜車落函館.
