17-11-04

               架夜車係一架旅遊巴士,係分o左3行單一個位咁坐,o的凳好似飛機椅咁可以"i"後,仲有耳筒同拖鞋.都幾多日

           本人撘個喎!一開車就有個類似導遊o既人o係車頭用個咪不停咁講o野,之後仲叫o的乘客瞓覺,仲拉哂簾熄哂

           燈.我聽住mp3慢慢瞓著o左,但瞓得o吾好,成日醒,架車好熱(可能係我著住燈芯絨褲啦!)有2次架車o吾知做咩

           停埋一邊好耐,聽到熄o左車,個司機仲走埋.我拉開少少個窗簾,見到荒山野嶺,不禁有o的驚,見到Henry仲呼呼

           大睡,而且架車仲有咁多乘客,唯有咩都o吾理啦!再瞓.撘o左5個鐘頭車,終於到函館"湯の川溫泉區"啦!

           架車停o係酒店對面街,一落車,好凍呀!即刻走入酒店,應該係o吾夠瞓所以覺得凍.呢間酒店要下晝3點先可以

           check-in,而家先清晨5點幾,仲有咁多個鐘,點打發時間好呢?我o地擺低o的行李,o係酒店梳洗完之後,就撘免費

           巴士出"函館朝市"(朝早先開o既海鮮市場).

           去到朝市冷清清o既?好多舖頭都冇開門做生意,又冇乜人,都o吾似旅遊書講到咁熱鬧,不過或者今日係閒日啦!

           我o地去到一間舖頭仔食海膽飯(又係海膽飯?!)冇錯,o黎到北海道o吾食多o的海膽飯就笨啦!有燒八爪魚做前

           菜,好味!海膽飯有三文魚子,鮮蝦,正!仲有燒長腳蟹!Yeah!之後行"海鮮市場","西波止場","金森赤紅磚倉庫",

           "明治館",仲o係條街度瞓覺(坐o係o的長凳度瞓覺,攰吖嘛!)名副其實"瞓街"哈哈!呢度o的坑渠蓋印有函館特產

           "墨魚"公仔圖案,同名勝"五稜角"等圖案,好特別!o係"金森"我遇到一個志同道合o既人,佢係一間舖頭仔o既老

           闆娘,賣o既係自己整o既小擺設,同我整o既細粒o野差o吾多,所以我都有幫襯佢.o係"明治館"有好多玻璃擺設

           同音樂盒,靚過小樽o果o的多多聲呀!我o地好辛苦咁周圍行"dum"時間,個身又凍,又攰,終於頂o吾住走入函館

           駅食lunch,又係海膽飯噃!再一次瞓街.

           好o吾容易先磨到2點幾,撘市內電車返酒店check-in先.我o地住o既係溫泉酒店"湯の川フリソスホラル渚亭",

           房間裡面有獨立溫泉浸,又包早晚兩餐,又近函館空港,正!浸完溫泉o黎一個午睡,瞓到七點幾就落去食晚飯,今

           晚呢餐好正,尤其o果碟用o黎撈飯o既菜,仲有凍松葉蟹,牛肉,蒸蛋,芝士焗蝦等等,總之一句,正!食完o野,我o地

            o係酒店周圍參觀,行吓紀念品店,遊戲機室,浴場,又見到o係札幌所住o既"Century Royal Hotel"裡面我o地燒

           光碟o既機(將相機o既Memory Card裡面o既相燒入碟)臨瞓前再浸一次溫泉,望住出面o既夜景,好warm好浪漫

           好開心!