19-11-04

               今日我o地到"環球影城"玩,由必撘o既火車,到"環球"入面o既周圍都有好多卡通人物圖畫.不過我竟然

           見到"Hello Kitty"!仲好怕羞咁同佢影o左張相呀!(因為我o吾知佢幾時係望住我,仲有佢隻眼咁大隻,哈!)

           大部份大部份遊戲我o地都有玩,Henry仲玩到頭暈想嘔添!大部份遊戲都係一路睇3D,4D,一路fing,本人

           認為較為特別o既遊戲有"芝麻街",逼真程度係個4D主角噴水,我前面張凳背就真係有水噴出o黎,o係熄

           o左場燈睇movie o既情況下,你就會覺得係個主角噴你o架啦!因為噴o既角度真係好準o架!另外"ET"我

           幾鍾意,因為o吾係3D,係真o既坐車周圍行(飛天單車).千祈o吾好以為Snoopy o既過山車係超低B噃,都

           fing得幾勁o架!Spiderman逼真到我o吾敢開眼睇,好驚呀!好開心咁玩到天黑先走.

           玩完"環球"就到梅田一遊,好o吾容易先搵到"Hep Five"呢個商場,商場門口有條大鯨,後面有一條細鯨吊

           o係度,基本上我淨係o黎睇Snoopy,所以去完KFC食o野之後,就去"Snoopy Town" shopping. o係KFC我o地

           食一個大蝦包,好味!"Snoopy Town"門口有一個大Snoopy吊o係度,又有一隻大Snoopy毛公仔攤o係張凳度,

           同Peppermint Patty企o係浴缸出浴o既公仔.o吾好以為我會買好多o野喎,我只係買o左盒糖,為o左要攞Snoppy

           紙袋,我就買多一本Peanuts書200円.好師奶呢?我係紙袋怪嘛!哈哈!

           返到心齌橋,想搵一間舖頭"Chax Colony", o係酒店附近o既美國村.搵o吾到,聽日再試過.