材料︰

鮮奶一盒 (效果最好係用維記的高丐低脂奶, 其他都可以不過凝固得比較無咁結實)

薑汁一湯匙

砂糖少許

製法:

1. 將薑用刨刨成蓉, 之後隔渣備用。

2. 鮮奶加熱, 但不可起泡, 到快將起泡的時候息火, 加入糖攪拌。

3. 將熱好的奶倒進另一個 (倒時要提高煲倒入煲內), 如是者來回十次。

4. 將薑汁先加入碗裡及一定要攪下的薑汁 (因為要鮮奶凝固是依靠薑汁內白色的汁), 將鮮奶加入碗 內, 靜待三分鐘即可食用。

貼士︰

1. 本人因為飲高丐低脂奶會勁攪肚痛, 所以只能用全脂奶, 維記及十字都試過 OK。

2. 如不想開火煲奶, 可以改用微波爐加熱, 效果也一樣又方便, 但時間要自己試, 因為每部微波爐的火力不一, 所以未有提供加熱時間作參。