24122001
今日係平安夜,都唔知點解仲要返工,今朝搭緊地鐵返工既時候,同阿飛講電話,佢約我去睇戲,都好丫..橫掂我想睇麥乜,班frd又冇搵我去街.阿飛話佢放工去買飛先,跟住黎接我.差唔多放工,阿飛打黎話買唔到飛,都預左啦~平安夜又點會咁易買到飛~放左工搞掂晒d野就走lu,阿飛係新港門口等我.離遠見到佢已經望住我笑....我望到佢個樣好搞笑..又係到笑..兩個傻傻地咁..因為冇戲睇我地周圍行.行行下佢竟然話想返屋企換衫....@@.但行返去我公司樓下都好遠啦..問佢唔返去換衫得唔得,佢話唔得囉,話自己返完工好污漕,好想換衫-_-||.行行下見到有人拎住飛波波,但我地搵黎搵去都搵唔到係邊到拎..突然佢問我Faye"想行去邊?"Cat"唔知呀,行去旺角囉,嘿~"Faye"嘿~怕你呀!"Cat"嘿~咪行囉"..咁我地就由tst行左去mk...條街好多人呀..阿飛就係咁護住我,等我唔洗比人撞..行行下都到mk lu..原來d飛波波..係mk拎架..但我地去到間鋪頭門前..冇飛波波....咁算啦..點知行行下有d人拎住好大咋飛波波喎!d小朋友見到係咁撞埋去拎...我都好想要呀..但..唔好意思埋去拎..咁就叫阿飛走啦.Faye"你好想要呀?"Cat"幾啦"Faye"我幫你拎喇~"Cat"唔好啦,好似好白痴"Faye"唔緊要啦!你想要丫麻"咁佢就去左幫我拎喇之後仲幫我拎住~keke~拎完我地就去左先達對面搭車入屯門lu...因為佢堅持要換衫丫麻.等車果陣我地仲好白痴咁擔心司機唔比個飛波波上車...咁最後緊係上得啦..上到車好彩有位坐.上到車就好鬼眼訓..返左成日工..又行到好累. 為左唔訓著,我唯有不斷望街..阿飛都問我係咪好眼訓...仲叫我訓陣. 之後佢同佢個frd講電話..無啦啦拖住我喎...果陣我唔知比咩反應佢好,我收 番隻手,佢又再拖過,我好開心..
到左佢屋企樓下,佢就上左去換衫,仲問我上唔上去;但我就選擇係佢樓下個公園等佢. 我戇居居咁坐左係公園睇d小朋友玩,d小朋友真係好可愛o^v^o好鍾意呀!!! 之後佢落到黎,話要等多陣,因為佢dad冇帶鎖匙要等一等佢. 我就走左去同一個妹妹玩tum tum轉,轉到我暈咁滯~~哈哈!仲同我地係到傾計*v* 到走果陣我同個妹妹仲一齊放左個飛波波,妹妹話送比"神"^^真係可愛.
之後我地又搭車出返mk..搭車果陣阿飛又拖住我,好開心.出到mk..我地去左食野..碟野好鬼死大碟..食黎食去都係咁多...阿飛食鐵板餐,食到塊面紅晒好搞笑.食完我地又係mk行去tst..真係痴線..去到麻麻地,我地見到聖詩班,d聖詩班拎住蠟燭一路行 一路唱聖詩~~~好好睇呀!到左尖沙咀見到阿jo,阿薰,k仔,小音,涼粉,小c妹. 同佢地傾左幾句後就走左lu.到左新港同阿飛d frd無聊左一陣就走左去奧運同viola 篤波.之後又同阿飛d frd無聊左一陣就返屋企lu.返到去樓下佢仲唔肯走..仲要係屋企樓下公園到坐左陣先走..咁就過左我地拍拖第一日lu。
