✦2007/10/31.. 星期三'晴

　　今朝番到學校係走廊見到YOYO溫緊中文，我搣佢塊面=V= 佢話:「我俾糖你啦，你唔好煩我啦」=V=哈哈。之後見到阿B，佢俾左包明治蘋果味朱古力軟糖，跟住有張紙仔貼左上去，阿B講笑感講:「食左都唔會肥架啦。食唔哂留番去旅行或者俾番我都得架*V*」=000=

　　中文，默書。

　　物理，答問題加左分*V*

　　電腦，今日小測仲有考砌機。不過未抽到我個號，下堂先考。

　　放學，上車果陣係車出面見到聖五果位人兄，之後佢上左車。前面冇位坐，坐後面D雙人位，搭到關閘果度有個黑人上車，坐左我隔離。搭搭下前面有兩個聖五既弟弟，有個幼稚園，佢伸左個頭係個窗同座位之間果條隙，佢果陣微笑緊，佢好得意呀>V< 之後令左好多次過黎，跟住伸埋隻手過黎，個黑人同佢玩，捉佢隻手。之後個弟弟個表情好可愛^－^

　　之後落車，個黑人成個人起左身俾我落=V=

　　晏晝番學去熙仔記買糖俾 番阿B仲有YOYO仲有洪翠雯。

　　普通話，口測，100*V*

　　小息去圖書館做數，唔做今晚唔夠時間整報告。去到見到蘇MISS。做做下唔識做，跟住MISS禁岩行過同我講野，之後順便問佢*V*

　　生物，教消化同吸收，佢地話好似上緊烹飪堂，哈哈。

　　歷史，分心了=333=

　　放學去新天地買紙。

　　夜晚，哭了... 之後做地理報告，成十點先做到個WRIINTG，就黎痴線啦。之後打俾YOYO，佢講講下係度講學校=333= 之後整埋個WRITING，成一點先訓到。

✦2007/10/30.. 星期二'晴

　　今朝上週會，TONY講-＿-'' 佢...... 當D學生講緊週訓果陣，佢係度唔知係咪叫某個幫佢手既同學起身，佢仲係企出黎對住聽眾個方向做果個動作= =' 好揚，仲好大動作。喱種情況佢出現左好幾次=000= 佢個POWERPOINT陳海琪整架，好靚呢^－^

　　COMM. 今日到我地組報告呀=0= 之後TONY叫我去睇分，整地圖果度八十五，報告七十五。

　　中文，今日先同我地講聽日考默 \ . / 喱排又多報告做。之後佢地議論，話吳惠芬今日先講邊有時間溫。之後吳惠芬話商量下，晏晝番黎話我地聽。

　　放學果陣行到樓梯口，蘇MISS叫我，佢俾左我本英文週記我，話:「MISS WAN 俾你架」我見到封面有張紙係度，寫住TO GLORIA，跟住開左黎睇...[此內容受密碼保護]

　　晏晝番到課室，白板寫住:「明天考默」\ . /

　　音樂，考吹笛，吹完果陣唐秋霞話:「歐陽施雅你係咪出水痘呀」唔知邊個:「應該蚊爛黎架」唐秋霞:「但係佢塊面隻腳都有喎」落堂果陣李老師係度研究=3333= 其賓唔知係咪前幾日番大陸食得蝦多。

　　之後體育，跳沙池，有次倒沙果陣冇位坐，跟住企係度倒，跟住陳海琪拉我過去俾個位我坐住黎倒^－^

　　督課，測COMM. 佢個排序都唔知佢想做咩！

　　放學，係舞蹈室等葉美華，之後入去舞蹈室，李智穎幫我同個SIR講我想入，之後個SIR好似話出年三月比賽，如果我跟唔到既話今年就唔會出賽。跟住就走啦。

　　夜晚溫中文做唔到報告。老豆俾左廿蚊我。

✦2007/10/29.. 星期一'晴

　　今朝坐新位，右面陳綺雯，左面陳海琪，前面葉美華，後面姚珍卉，姚珍卉右面唐秋霞。

　　LIT，測驗。

　　中文，派默書，96*V*

　　晏晝放學，今日督課冇野測，走得*V* 之後等等下車隔住架車見到馬路有個人，好似係聖五果位人兄。佢隔離有兩個FD。之後有車，見到佢同佢個FD係M記門口度對住感企係度講野，佢又冇束衫... 跟住又咩啡色果個袋

　　夜晚畫音樂果幅田園，之後整地理報告。

✦2007/10/28.. 星期日'晴

　　今朝走果陣係二叔樓下買小籠包仲有隻蛋，仲有個鏝頭。

　　之後搭七點鐘車。

　　晏晝上AURAL，今日要彈俾阿妙仲有一齊上AURAL D同學聽=00000= 甩哂。阿妙話:「放膽D，你得架」之後學琴，走果陣MISS話搵阿妙聽下，多個人俾意見好D喎。跟住過番去等妙上完堂，跟住就彈彈彈，佢話:「得架啦，放心啦」=V=

✦2007/10/27.. 星期六'晴

　　今朝 番餘暇。之後葉美華帶我去睇佢地練舞。

　　晏晝同媽咪番大陸，表哥個仔滿月。搭搭下車，望下風景，D風景令我諗到我既將來。我:「媽咪，我第時想去外國讀書呀」佢:「如果你有能力讀到，我供你讀又點話丫」=0=驚訝，以為佢會話我痴線。之後佢叫我俾心機D讀書，過多兩年出黎搵野做。佢問我想去邊，我話唔知架，佢話:「最好就英國啦，你堂阿姨係果邊」之後媽媽俾左張膠既港紙十蚊我呀*V*

　　夜晚食完飯睇個B，好得意^－^個頭細細地，隻手又細細隻。

　　本身媽咪都唔諗住番去二叔度，不過我話想睇阿嬤，之後表哥車我地去，係車度訓左差不多一個鐘=333= 去到二叔度，三姑姐同阿嬤去大良檢查。

✦2007/10/26.. 星期五'晴

　　今朝七點幾有人打黎，都估到係阿LAM，佢話同佢一齊番。好快有車，之後見到LINGLING，佢話琴晚我地講到好嘈，收番個對話框一陣，開番個對話框已經出左幾廿句，哈哈。佢話嘗試加入我地個話題，但係唔知邊度入手同埋我地好嘈，所以佢比平時早OFF左=V=哈哈。落車果陣，見到聖五果位人兄呢=0=以為佢唔係度添。落車行果條路果陣見佢拎住D書。

　　歷史，講果陣對付太平天國既洋槍隊，阿SIR話:「以前中國人是用長矛的」跟住佢用廣東話講:「洋槍隊果D渣槍，話知你渣住支矛FING幾多下，我一野FE低你啦」:D 之後講太平天國敗亡既原因，有個係講D人被封左王之後係度享樂。阿SIR講講下話D王 後宮妃嬪三千，佢地都為生個龍子，蔡如意:「禁多，個皇帝一世都搞唔完啦」SIR:「一日一個，後宮佳麗三千個，那就要十年」佢講得好搞笑..

　　普通話，口測，測剩四個，我下一堂先測*V*

　　小休，出去寫埋個教室日誌，鄧嘉穎佢地話我聽上咩堂^－^ 之後番番位坐，洪翠雯:「阿也！俾你MSN我」佢又知我叫阿也*V* 之後鍾淑怡叫我俾埋佢。

　　修身，睇小孩不笨，MISS想較普通話不過較唔到，之後搵左偉大黎，較到但係整唔到大聲。之後MISS都係俾我地睇番廣東話配音。

　　小息，去圖書館，LAM俾展覽D明信片我。之後坐令欣隔離，佢好似唔係幾開心感，我叫黃靜雯唔好開風扇果陣令欣笑過下。排完隊番得課室果陣，SAM問我:「你仲未睇到果個廣告牙」*V*

　　電腦，又要做POWERPOINT啦，都係D網上公民教育之類既野。

　　放學，TONY又過黎\ . / 之後佢叫我，話派番D默書，我問佢係咪而家派，佢話:「係呀，所以你咪叫佢地唔好走住囉」=0=呆.. 而家點派呀，都放學時間啦，又留人。我問佢可唔可以晏晝派，佢竟然話:「我就係唔想哂時間」=0=呆... 你D時間就寶貴？唔通我地D時間就唔寶貴？ 問佢佢又唔想應我兼唔耐煩話:「你自己諗啦」我:「感不嬲考默都唔俾拎番屋企架啦」喱D考默黎架，我自己袋番去晏晝帶番番黎派又驚又咩咩咩... 不嬲都唔俾拎番去既考默。跟住未走果D人就搵番佢地果張。

　　放學見到LAM同歐嘉倩。歐嘉倩:「你個朋友追唔到車喎，底佢死」歐嘉倩個FD:「禁衰架」歐嘉倩:「感佢係賤格呀」=0000000=

　　晏晝地理，佢地又係感叫我俾佢地D默書卷佢地，有D興囉！唔俾又唔係，又驚佢地話，傳俾佢地果陣又俾MISS話，最衰都係TONY！:@

　　READING，講左陣書就俾D人報告幅地圖。落堂果陣TONY又要搵阿艷"傾計" 仲要我地出哂去，痴線架>..< 之後冇理佢，係度擦白板，艷同我講阿SIR話出去，我:「但係要做值日喎」督課要聽講座，蘇MISS驚我地聽完再上黎做會做到好夜，所以叫我地小息做。之後TONY話:「我會俾時間你架啦」俾咩丫！打鐘你先出黎。地又掃唔到，手冊又寫唔到！都唔知你做乜係都要借我地D課室，你係出面講唔得架咩。你用我地課室講都算啦，都唔洗講禁耐啦，又唔係冇事先同你講我地要做值日！

　　之後上物理，MISS話今堂派測驗卷=0=禁快改完。之後佢講番卷D題就派，得71。

　　跟住就落去聽講座，講腸胃焦慮症，同葉美華李靜迎坐^－^講者講講下話咩人較易患，佢話性格比較內向，收埋自己果D，仲有好緊張成績，一兩分都睇得好重... 等等，跟住HELENA同SAM令左過黎，HELENA話:「歐陽施雅你小心D啦」=V=

　　聽完上番課室做值日，今日要拖地。做做下鄧嘉穎禁岩行到教桌果度，佢睇張座位表:「調左位呀」跟住我地走哂去睇=V= 今次座位表張相係今年影果D黎架，我張影得好怪=3333=頭不正。我坐近窗第二行，仲係第三個位，同陳綺雯坐。唔捨得今次個位添T^T今次個位成行D人都好親切，對我都唔差。調左位同唔到吳嘉瑤傾計添。

　　之後去練琴，係馬里奧買左個香腸包。馬里奧D包好似多款過聖安娜。
　　―――――――――――――
 　　你似是陽光空氣。

✦2007/10/25.. 星期四'晴

　　今朝上到課室，蘇MISS派琴日既代數卷，11個人九字頭，佢話下星期調新位，話今次九字頭果D可以揀位坐，我82咋..

　　READING，默書。

　　WRITING，又要寫信=0000=今次係回信。

　　放學見到歐嘉倩。搭搭下見到聖五果位人兄仲有廖淑華，歐嘉倩又話:「你個朋友呀」=3333= 之後又係感講:「你那來自遠方的朋友呀仲唔同人打聲ZHAO KU」=0000= 之後又拎我溫緊本物理睇，問我:「咩係分子力呀」我:「姐係分子力」佢:「-＿-"」跟住同佢講，講左少少佢已經話唔想聽=V=

　　晏晝番學去圖書館，崔芷惠叫我過去，跟住梁綺婷問我物理=00000=我物理又唔係勁。

　　排完隊番課室，唐秋霞話唔記得邊個侵犯佢-V-MISS過左幾秒話:「你俾人侵犯唔識得叫架咩」搞笑..

　　美術堂，同李靜迎坐^－^ 之後唔知洪美君話緊邊個，佢掟左包紙巾去唔知邊個度，佢果陣好串呀覺得。之後畫點描畫，我地好大力感篤篤篤，洪美君話:「其實又唔係真係感樣篤落去既，可以點大點D」唉，好想死，筆又唔教我地渣，點畫又唔教我地，感你話點，一點落去就係一點架啦，大點D真係唔知點畫囉，大點D你又話變左線。又唔教人畫！你真係當我地一出世就識喱D野架咩，真係點得好想死！

　　LIT. 未ORAL D人OR埋佢，MISS WAN俾我地自修。

　　督課，測物理。放學諗住練完琴去上堂，不過都係冇去到。

　　夜晚，我地係MSN討論&鬧TONY=V= 我鬧佢好似鬧缺德左D。佢地鬧得好頂癮=V=

　　夜晚同LAM傾電話。今日家姐又香港，凌晨三點幾番。佢幫我買左個筆盒仲有間尺。
　　―――――――――――――
　　唉.. 覺得甘甘真係好辛苦。不過覺得佢好偉大，好有喱種女人精神。

✦2007/10/24.. 星期三'晴

　　今朝番學見到聖五果位人兄。

　　幾何，講圓。

　　中文，默岳陽樓記。

　　物理，派小測，92*V*

　　小息去圖書館，今日幫手，楊MISS又問我做乜禁濕，哈哈，因為頭先又去洗臉。之後係度溫代數=V= 係書包�咱玩i代數小測溫，但走果陣唔記得��=V=

　　電腦，SIR話我地要DOWN驅動程式，唐秋霞叫我幫佢做埋=3333=

　　中午，自己食，媽咪加班。本身諗住早D番學做埋個電腦，不過搞下搞下又晏左，同埋想同LAM一齊番，所以都係冇早番去做。之後落到巴士站條馬路已經見到LAM，唔知點解自己又係度笑=V=之後行到去巴士站，LAM係巴士站牆既出面前D，佢話:「走左架車啦」我:「係牙=V=」佢:「聖若瑟坐左係入面呀」我:「係頭先架車牙？」唔係呀，跟住阿LAM講左好耐我先知佢講咩，原來係聖五果位人兄係巴士站入面張凳度=0=超驚訝。有D難以置信佢會係度，係感問阿LAM:「真架真架？」LAM叫我咪禁大聲=V= LAM話佢應該係度等人，因為頭先有車佢都冇上。之後靜係見到佢隻腳，佢好似橋左腳，跟住隻腳輕輕感FING下，好可愛...=W=

　　之後有十八號，阿LAM問我上唔上，上啦。望到個巴士站，真係佢呀。

　　之後又係感問阿LAM=0000=因為好難以置信。阿LAM叫我唔好禁HIGH=00000000= 之後佢話琴晚又睇到BEE GEES唱片果個廣告呀=0=佢話個廣告話收錄左六首REMIX，跟住仲有唔知幾首係從未出過碟既歌=0=雙CD黎。之後又係難以置信，LAM又話我好HIGH=V=

　　番到學校，依然好興奮。跟住同LAM上圖書館，甘甘話:「歐陽施雅同學，你睇下�^上有D咩」=W=係今朝漏左係度既代數小測。之後甘甘叫我同LAM，話黎圖書館係睇圖書.... 之類果D，之後我地就走左啦。阿LAM叫我去洗眼=W=因為平時朝早小息同放學都會洗，我:「但係我晏晝唔洗架喎」哈哈。

　　跟住測代數，自己諗做邊D先諗到亂哂=3333=之後最尾果題計唔哂答案。

　　小息，去圖書館，竟然冇人，我問楊老師:「冇人既？」佢:「你唔係人我唔係人？」-V- 不過佢講得好搞野。甘甘叫我幫手執書，之後擺低左樽水係�^度。跟住執執執，見到老母，佢HI我，HI得好搞笑*V* 之後問佢432係邊，佢話問得好唔知=333= 打鐘果陣又唔記得拎番樽水=000=

　　生物同歷史，唔知點解冇準備心情上堂，雖然冇分心，但係...... 唔知點解。歷史派卷，合格*V* 86

　　放學做值日，做完去電腦室。跟住去圖書館�奏f樽水，見到LAM同阿B，阿B剪左頭髮，靚女左*V* 走果陣係走廊見到楊老師:「我以為你唔要樽水添」

　　之後去盈利買野食，等等下見到SAM同HELENA。

　　―――――――――――――
　　今日好開心^－^

　　唔知點解，由開學到而家，除左測驗默書D成績低分既日子之外，日日都好開心^－^

✦2007/10/23.. 星期二'晴

　　今朝五點幾起身溫地理，好眼訓=W=

　　週會，唔知點解又係李SIR(李青華)講。覺得李SIR好勁，佢講係用好自然既聲線講，但都可以講到好雄壯。

　　幾何，MISS派琴日張代數小測，85*V*之後幫我地溫代數。

　　放學，搭車又見到歐嘉倩^－^ 之後同佢坐右排雙人位。搭搭下，見到聖五果位人兄，仲有廖淑華(媽咪個FD個女，不過其實日日搭車都見到佢架啦)。歐嘉倩係度話:「你個朋友呀」(以前都同佢玩過既。歐嘉倩好似唔係好中意佢=3333=) 之後聖五果位人兄坐我前面個單位。由於歐嘉倩坐左埋邊個位，我要坐出面個位=0000= 不過好清楚見到聖五果位人兄，佢隻手指公好可愛*V* 之後歐嘉倩係感講:「你個朋友(廖淑華)呀，你遠方既朋友係度呀，仲唔同佢打聲招呼，唱山歌HE佢番黎啦」搭左禁耐車佢都唔知講左幾廿次，激死=V=之後又叫我SEND我家姐電左髮張相佢睇，之後又話:「歐陽施雅，SEND啦，SEND啦」-V- 之後又�咱爭琤誚a理，又唔肯俾番我溫。

　　中午自己食，媽咪加班。

　　晏晝音樂，李佩明話要同大家講樣野，話上一堂唔記得帶笛既同學，話得我寫左張紙俾佢，跟住讀我寫俾佢D內容出黎囉=0= 唉...  之後佢同D人講:「係張紙後面我都寫左D回應俾歐陽施雅同學，不過我就不便講，留番俾歐陽施雅同學自己睇」=333=感你頭先又講我寫俾你D內容...

　　體育，今堂跳遠。要跳沙池呀，覺得好危險。柯生問我地陣間係咪測驗，話俾時間我地早上去溫，但最後都係溫唔到=V=

　　督課，測地理，個個都話好簡單*V*不過有難度果度就係 靜係得某個省既輪廊去認係咩省，山東果個本身真係覺得係山東架，但係寫左安徽T^T

　　放學做值日。跟住去阿B樓下間文具鋪，冇改錯帶T^T買左支墨汁。

　　夜晚唔洗煮，媽咪番黎煮，夜晚同媽咪整沙律^－^

✦2007/10/22.. 星期一'晴

　　今朝代數，小測。

　　LIT. ORAL EXAM

　　化學測驗，臨測驗果陣TONY都要入黎，佢同MISS講阻佢一分鐘，之後俾D測驗卷我派番仲有答案紙貼出去。之後測驗，難難地又易易地+0000=

　　小息，派卷，LISTENING好似92，READING測驗93*V*

　　中文，作文。

　　中午番學去到巴士站見到LAM^－^ 搭車果陣佢問我有冇留意到翡翠台有個廣告，佢話係講 BEE GEES 唱片架=0=驚訝。跟住去圖書館，阿PANG補送左份禮物我，日厝簿^－^

　　晏晝修身，交果張上次唔記得帶笛，李佩明叫我地寫原因同埋解決方法俾佢。

　　WRITING，小測，寫信。

　　體育，柯生叫我個名=0= 佢叫我去�垮楚C之後測上[不知名]式=V= 今次係最大果個學號先。得77=333=

　　督課，作埋篇文。跟住派番上次篇作文，得67

　　今個禮拜要做值日。放學交完作文去圖書館還碟，之後番課室，掃地，之後鄧嘉穎話:「GLORIA，唔洗做啦，傻既，剷垃圾啦」之後佢拎住個垃圾剷叫我掃D垃圾入去，哈哈。之後佢幫我倒。

　　放學，諗住去阿B樓下間文具鋪買改錯帶，但係係巴士站見到歐嘉倩喎*V*諗住搭到看台街度落。不過佢叫我唔好去，冇人同佢搭車喎=V=之後冇去，佢借左個改錯帶我用呀。

　　夜晚溫地理，差唔多一點先訓，係恰眼訓恰到一點=V=

✦2007/10/21.. 星期日'晴

　　今朝 媽咪同我去剪頭髮，剪得好怪> < 之後去文華書城買餘暇本工具書。

　　晏晝學完琴去新苗買小字筆，跟住買埋野食。

　　夜晚家姐番黎，佢電左個頭呀=0=問佢做乜會電，佢話:「冇呀，佢話轉下咪轉下囉」=V=

✦2007/10/20.. 星期六'晴

　　今朝番餘暇，搭車立果陣見到十七樓果位人兄。我仲未買到工具書，李美霞冇話呀*V*靜係驚訝感問我仲未買到。之後佢講完就俾我地練寫，佢係佢本簿搣左張我練呀+﹏+

　　上完就落操場，搵洪翠雯，跟佢果班上到課室，我問MISS可唔可以做旁聽生，跟住佢話:「下.. 我地班係得禁多人。你岩岩上完，番屋企啦」T^T..

　　之後諗住去影印，不過未開，之後番學校傳達室等，其實我覺得傳達室都幾有韻味，特別係果棟門，仲有門上果幾格花窗。坐坐下，諗番起以前係學校等上樂理果陣，同LAM佢地係度幫倩姨碎紙(其實應該叫玩唔應該叫幫，哈哈)，個碎紙機係張細�^上面，下面擺住個大袋接住D紙。

　　之後有個妹妹坐我隔離，佢好可愛呀^－^之後等多陣再去好世界，仲未開。之後又番番學校，圖書館終於開番，跟住入去睇書，阿BO黎左，楊MISS話我地要離開，佢地要去開會... 之後BO同我去影印，不過都係未開，跟住去阿B樓下間文具店睇睇，點知又未開。之後就番屋企。

　　媽咪煲左喳喳。食完 飯就去練一陣琴，POLLY番左黎。之後去三盞燈果度，去賣旗。行去果陣見到暑期番跳舞學過果個女仔。報完到佢就俾旗紙我，幾可愛^－^熊貓黎，佢叫我去CTM果度= =' 陰公，果度好多人，好驚...

　　之後番黎搵阿BO，佢叫我走=V= 之後有個男人吹口哨WE我，跟住就入左唔記得幾錢。跟住行到一棟大廈，有個女人出左黎，我叫佢買支旗，佢本身望緊出面，跟住禁岩令到我果邊，佢有D驚奇感下左... 佢本身唔知我叫佢買。之後佢入左十蚊。

　　差唔多四點SICHAN黎，佢著便服=V=問我去邊度報到，跟住我帶佢去啦，但原來我帶佢兜左個大圈=V=哈哈。跟住行行下有人拍我，男仔黎，佢話:「你認唔認得我呀」果陣真係唔係好知，不過佢感問果陣就知知地，我:「我唔認得呀」佢:「上次搭巴士果個..」佢:「可唔可以做個朋友呀」我:「= ='...好...」跟住佢入左十蚊... 佢:「你可唔可以俾你電話我呀」我:「我冇電話」佢:「感屋企啦」我冇理佢，跟住佢又係我隔離行喎.... 又係度講講講，話好難先撞番我，跟住話:「我怕唔怕阻住你呀」我:「= =' ... 唔怕......」之後佢問我有冇筆，我話冇，佢叫我等陣，行到出致富果度見到SICHAN，佢話咩去�奏f個銀包，叫我陪佢，之後又話唔�哄A又�咫S唔��=00000= 之後果個男仔又行過黎，SICHAN同佢講:「買支旗丫，你可以揀架」:D 搞笑。同SICHAN行到轉彎位，果個男仔拎住支筆，佢同我講:「冇野架，做個朋友咋」跟住SICHAN呆左係度:「下？」之後我又行番出致富果條路，佢拎張學生證俾我寫MSN= =' 唔俾佢佢實會繼續問，之後俾左佢...... 佢話:「今晚ADD你」

　　之後影后同郭芷晴黎左，工作人員果個姐姐話佢同我一齊係CTM，跟住我同影后講:「*V*去啦」佢:「呀，我要同屎忽」... .. .

　　之後賣賣下有個阿叔過黎幫我買*V* 入左五蚊。之後問到個女人，佢睇係 幫咩賣，之後就入左十蚊^－^ 之後OLIVER過黎同我仲有阿BO講話咩頭先一齊賣旗果個鮑思高弟弟係度撩佢，跟住同我地講番個經過，OLIVER話:「如果唔係著住校服我實打佢呀」=33=

　　之後賣賣下，果個男仔又番黎=00000000= 佢D旗唔知做乜冇哂，跟住又入銀落我旗袋度。佢:「你幾時走得架」我:「六點半」佢:「可唔可以等埋你先走架」我令頭，佢:「點解呀」我:「我要去買野」佢:「我可以車你架」=33333= 我:「唔洗啦」

　　之後又賣賣賣，過多陣佢又番黎=0000000= 見佢拎住個頭盔，跟住唔知佢講左D咩野，因為我令轉身走左。

　　之後黃嘉敏去換旗紙，跟住痴哂剩左果D旗我度=000=

　　之後郭芷晴同我傾計，佢話一齊賣旗有個聖心女仔好得意，想問佢�俑SN，我話:「禁咩」佢:「冇咩問題呀我覺得」我:「都唔洗禁快丫麻」佢:「唔洗禁快:D你講得好暖昧」之後佢過去問果個女仔，個女仔呆左。跟住賣賣下有個一齊賣旗既聖心女仔話我:「做乜痴禁多自己度，唔係靜係可以痴一張咋咩」我:「我D FD痴俾我之麻」佢:「哦，感我立張啦」我:「唔得，有紀念價值加麻」佢:「我唔信你洗衫唔甩」我:「我會搣番出黎痴係D簿架」

　　之後有個鮑思高弟弟經過，佢應該走得，佢同我講:「還得啦喎，仲企」之後佢同佢個FD經過阿BO好憎果個聖心中女仔，個女仔叫佢地買支旗，跟住果個弟弟扮番佢種聲同語氣同佢講:「我買左啦」超搞笑。

　　終於六點半，走得*V* 之後同SICHAN，影后，郭芷晴一齊走，行行下我自己走左去巴士站=V=

　　跟住去阿B樓下間文具鋪，都係冇開...

　　今日賣旗又賣得好失敗=V=不過冇咩野，唔係好HURT。今日同阿BO賣果陣有個聖心女仔，阿BO話好憎佢=V= 但係當阿BO走左之後，果個地方得我同果個女仔賣，佢俾到D動力我去叫人買旗，但之後佢走左，冇左動力，哈哈。

✦2007/10/19.. 星期五'晴

　　琴日同歐嘉倩搭車果陣，佢話:「今年你畢業考啦喎，出年升高一啦喎」唉，當佢講到喱句升高一既時候，覺得真係好快，唔想禁快，好快就11月，就黎第一段考啦，喱個中三亦都好快會過。升高中，覺得好似好多野都會變，好多野會失去...... ..... ....  ...  .. .

　　琴晚同LAM傾電話。跟住媽咪番黎，之後...... 都預左。
　　―――――――――――――
　　已成習慣？

　　今日晏晝睇兩小無猜^－^ 夜晚葉美華打俾我，問我借LIT卷，佢上黎�哄A不過佢可能聽錯左咩座=V=所以佢去左聽錯果座，之後走出去俾佢=V=

　　夜晚有個女仔打黎，扶助救傷會，佢話聽日係三盞燈度集合。之後叫我通知哂其他人=00000=

✦2007/10/18.. 星期四'晴

　　今朝番到去，入大門果陣諗緊野，都冇睇到係邊個MISS就行左入去，跟住果個MISS同我講早晨，望過去原來係楊淑淑老師，反應唔黎就感同佢點左頭=333=死啦。跟住同蔡如意佢地傾計，溫英文。溫溫下SAM同我講生日快樂，之後吳嘉敏(我地班果個)話:「你生日牙？生日快樂呀」之後蔡如意問我平時英文溫幾耐，我話唔溫，睇下，有野背咪背，佢地話打我=V=哈哈。

　　入到課室，洪翠雯叫我，同我講生日快樂^－^ 之後後面D人就講講講啦，之後同羅美儀講，佢同番我講感啦=V=

　　之後張栩琳同我講生日快樂，葉美華問我生日牙，感生日快樂啦。

　　READING，測LISTENING，順學號坐。

　　小息，去廁所洗臉，之後去圖書館，楊老師話我做乜洗到禁濕=V=之後幫借書D人給印，換左個新印，好大舊=V=又長。之後阿LAM入左黎，佢話:「俾你架」跟住阿B過黎講生日快樂，佢話:「不過份禮物漏左係屋企」楊MISS:「車」哈哈，跟住渣住阿LAM份禮物，阿B話:「你唔好喊呀」.. 其實果陣真係準備標眼淚，不過忍住左。之後好耐都冇人借書=333=冇得給印。甘甘話:「歐陽施雅生日快樂牙」甘甘話聽到琴日佢地講話買禮物...

　　之後上地理，MISS話測驗唔要書，仲要得1次測驗咋，死梗啦。

　　WRITING，又分組作野，其實唔係好中意分組做野。

　　放學等車見到歐嘉倩，搭搭下見到聖五果位人兄。之後歐嘉倩同我講生日快樂。

　　番到去自己食，媽咪加班。入到房家姐擺左張生日卡。之後睇LAM份禮物，有封類似信既物體，睇完，哭了......

　　番學同LAM番，見到LINGLING。落車果陣見到阿B，跟住一齊走，佢份禮物篤穿左個膠袋=V=行行下佢停係度條街度俾禮物我，不過之後都係番左學校先俾*V*之後上圖書館就俾左。

　　幾何，上代數。

　　美術，李靜迎唔知要帶粉彩，上到美勞室同佢一齊坐。佢擔哂凳果陣令轉身同唐秋霞講:「你做乜坐左我個位呀」跟住佢地係度講講講，哈哈。之後李靜迎話:「嘩，好勁呀，有兩個班長坐我左右」唐秋霞:「有兩個生日坐你左右仲勁呀」李靜迎:「你今日生日咩？恭喜喎」我:「有人生日講恭喜架咩=V=」哈哈，之後佢話:「身體健康，學業進步」陳翠雯:「=＿=你拜年咩你」之後李靜迎又繼續講左D祝你XXX，陳翠雯:「=33333=你好長氣呀，不如講埋新年快樂丫」李靜迎:「新年快樂啦」哈哈，好搞笑。

　　之後洪美君有點火火地，話唔講，話冇人聽佢講。佢話佢都唔想堂堂叫我地做功課，但係靜係得佢講，就感俾D畫你睇又唔畫下冇意思。但係... 你都要教我地畫假。 小息，李靜迎同我講TONY D野，同Kiii之前講既一樣=0=

　　LIT，派卷，97*V*出乎意料之外。睇完張卷一抬頭就見到成班風紀=00=佢地話搜書包。

　　督課測READING，又順學號坐。交完卷放學敬禮，吳嘉瑤同我講生日快樂^－^ 放學去F3R問BO借地理筆記番屋企睇睇。

　　之後GLORIA CHAN同我去買書包，去BE-1度睇，之後係度遊蕩，後黎佢同左我去第二間BE-1，佢話佢個FD有D會員卡既物體，跟住讀個NO. 俾個收銀。不過今晚應該又會俾人鬧架啦。之後去等車。真係辛苦佢，又悶親佢又要同我逼巴士。

　　番到黎老豆寫低左張紙，佢話:「施，生日快樂，(跟住好似係學業進步快高長大)」佢話喱兩日休息，番左大陸= ='

　　夜晚，有個女人打黎，佢話澳門扶助救傷會，問我有冇興趣幫番佢賣旗，唔通拒絕佢，之後星期六三點半賣。 夜晚上網，鄧嘉穎同我講生日快樂呢！阿華送左幅圖過我^－^
　　―――――――――――――
　　阿LAM送左條鏈過我，阿B送左個相架，不過D珠甩左好幾粒=3333= 謝謝你們^－^
　　―――――――――――――
　　遇著你，迷失了自我......

✦2007/10/17.. 星期三'晴

　　今朝番學落車見到聖五果位人兄。

　　今日又要著運動服，因為要上週會，同小學一齊上。果陣冇夾夾，但係好驚鄺生既出現=3333=之後同黃情情都係度視察鄺生既縱影，果陣都以為佢唔係度啦，點知佢無啦啦係我地前面出現，黃晴晴驚驚地感HE左聲，幾搞野，哈哈。之後即刻夾番隻夾。做短劇果陣個MISS把聲沉得幾好。

　　番課室同YOYO傾傾下計摸佢個頭，GLORIA CHAN話:「唔好摸佢呀，佢有菌架」=V=哈.

　　物理，MISS話今日唔測驗，改下禮拜四，不過今日小測，要自己抄題目。都識做既，不過冇計數機，計唔哂最尾果題。今日靜係小測果兩題計數都計左成堂=3333=第日大測點算。

　　電腦，測砌機，阿SIR叫我地去入面間房砌，果度開左冷氣=0000=之後砌砌砌，阿SIR話已經俾多左一分鐘我地開始，之後差唔多夠鐘，阿SIR話睇到唐秋霞隻手份上俾多一分鐘我地。夠鐘阿SIR就黎睇啦，點知，我地有好多野未插=V= 之後都冇野做，開機睇學校以前D相，睇睇下後面有人攬，又唔算攬既。係洪翠雯，我問佢:「你儀態班學左D咩姐」上次問佢佢唔肯講=V= 佢話:「教你點樣戴BRA」陳綺雯:「你又想學牙?」我:「係呀」

　　放學見到聖五果位人兄。

　　中午媽咪加班，自己食。跟住早出門口。

　　番到去諗住去圖書館，點知風紀話未夠鐘，飛雞同SAM係隔離，係度玩個風紀=V=佢地問佢感點解頭先又有人上得，飛雞話:「你上去叫番佢落黎，我地係度等你丫」=V=

　　之後同佢地去第二條樓梯，行左好多條都唔得，去到千禧樓果邊個風紀俾。

　　之後係度寫野。寫完就走。

　　代數，唐秋霞叫MISS俾佢做題，MISS:「唔好啦，你勁得滯，你D資優生我唔敢郁你架。岩讀特殊學校架啦」跟住唐秋霞唔知講左句咩，MISS:「特殊學校有特別勁加麻」

　　普通話，講少數民族。

　　小息去圖書館，老母6+1佢地係度睇報紙，跟住見到有個咩FREEZE組合，著到... 好SEXY= ='個胸露到好....  我話:「哇，佢地著到好咩呀」老母:「喜，感人地有丫麻」6+1:「有D人冇丫麻」=V= 之後佢地睇睇下果版既隔離果版應該係D夜總會/桑拿果D，有D女人著三點式影相感樣，OLIVER:「哇！睇埋D感既野」HAHA..

　　放學，去練琴，等車果陣又見到黃穎欣^－^之後好快有車，落車又去馬里奧買午餐包。去到琴行，阿姨叫我食完野先上去練琴，唔係既話聽日D���竷X哂黎。之後坐低，阿姨話:「放低個書包麻，你驚我偷你個書包咩」我:「=V=唔係呀」哈哈。之後食食食，對住個門口，食食下有個著白色校服既男仔行過，唔知係咪果位黃人兄。

　　食完過隔離練，唔知點解好難禁D制感，可能琴日剪指甲又深得滯。

　　番到屋企都諗住唔洗頭，點知媽咪話聽日生日唔好洗，感姐係要今日洗姐=333=
　　―――――――――――――
　　為何你總是如此獨一無二？
　　―――――――――――――
　　Melody: "Fifty years's happiness". How long is 50 years?
　　Daniel: Er, a hundred and fifty school terms.
　　Melody: Will you love me that long? I don' t think you will.
　　Daniel: Of cause, I've loved you a whole week already, haven' I?

　　　　－ from film "Melody"

✦2007/10/16.. 星期二'晴

　　今朝番到學校上樓梯見到羅美儀，佢同我HI，果陣先配起我唔記得夾夾，仲冇帶夾呀！問佢有冇，佢話冇，叫我問組長�哄A之後佢幫我問�痧Z果個陳唔知咩雯�哄A跟住跟佢去健康室。

　　做操，做完番得課室果陣，蘇MISS話MOK冇做，叫佢做多次，阿MOK保持沉默，唐秋霞叫MISS唔好感樣，之後兩個係度掙��=V=最後成班一齊做。唐秋霞話:「隻手伸直D。個胸擴大D呀」=V=

　　今日冇週會，上幾何堂。

　　之後問GLORIA CHAN借褸著。COMM. 冇咩野。跟住又幾何。

　　小息，諗住去做實驗，不過實驗室李SIR話眼保健操時間唔做得住。

　　之後兩堂中文，吳惠芬放學之前又叫我地做問答。

　　放學見到聖五果位人兄。

　　晏晝音樂，又唔記得帶笛=0=

　　體育，測接力個下[不知名]式。我地有羅美儀，嚴麗茵，羅嘉娜。第一捧係羅美儀，嚴麗茵叫佢跑快D，點知佢去到對面線果陣慢動作感停左下又再跑番過黎，哈哈，嚴麗茵話佢跑得好閒。

　　督課，去做實驗，之後GLORIA CHAN幫我剔埋名，不過驚聽日物理張卷問番實驗D野我又唔識答，所以都係留低再做。之後發生D野，係因為實驗室個阿SIR引起，有D HURT T^T...

　　放學去盈利買野食。

　　夜晚溫物理，冇開電腦*V*之後打俾阿BO係度問。

✦2007/10/15.. 星期一'陰

　　琴晚未作哂週記，今朝起身作。之後又未整英文週記，又整整整，遲左出門口。

　　去到巴士站見到LINGLING*V*之後有車，搭搭下見到聖五果位人兄，DUP低頭訓緊教。架車好凍=3=

　　朝早，吳嘉瑤同我傾下計，佢話今朝刷牙滴哂D牙膏落條褲度=V=

　　小息，叫鍾淑怡陪我去還夾俾鄺生，佢肯*V* 上堂，吳嘉瑤話洗左褲啦，哈哈。

　　放學，組長果D留低，要傾唔知咩，老母剪左D陰呀，靚女左*V* 之後張栩琳叫我陪佢去一樓交野，跟住陪佢落去，佢交，我去廁所，之後佢等埋我^－^

　　晏晝修身，講「我」，李佩明話有父母我，成年我，兒童我。講父母我果陣，有人話阿媽好煩，成日係度哦你，跟住唔知邊個話:「係囉，成個嫦娥感」:D

　　之後WRITING，派上次作果個故仔，我地組七十四分。之後派左張紙我地做，係上次作個故仔個原版，睇完做埋下面D題，之後MISS WAN話每組搵個人出黎，講番個故仔出黎，果個人講唔出就扣果組五分。之後去哂後面，MISS WAN話每人講一句，跟住第一個人就話:「ONE DAY」感就得=V= 之後李靜迎講左句，跟住到我。之後講輪落去講，李靜迎問我個故仔講咩，佢冇睇過喎=33= 阿華都冇=V= 之後又輪番我。果陣D情節已經係後面果版，但係頭先冇睇後面果版，以為唔洗做，冇睇。不過都UP D野出黎，哈哈，之後輪落去有D人都係UP，好搞笑。

　　之後體育，今日柯生要我地跑三個圈咋*V*平時五個架。之後都係教番接力，今日教上[不知名]式。之後四個四個練，之後順學號四個練。柯生話我有問題，佢話我接捧果陣隻手伸得唔岩，之後又教教教，佢話我D手指甲好長=V=冇時間剪丫麻。落堂，排隊，GLORIA CHAN話陣間同佢一齊去做實驗，我話聽日先，佢話叫埋佢=V=.. 之後都係應成左。跟住柯生話向左轉，又話右轉彎，我以為原地轉，點知原來係成行U字形轉上課室，我係頭果個=33=

　　之後派幾何測驗，九十分*V*

　　跟住葉美華等我一齊走，我去圖書館還書，葉美華走廊等我。甘甘問我有冇測驗，我話後日測物理。跟住楊老師話想我帶經=3333333=

　　之後就走啦，去聖安琪買聽朝早餐。買左個蛋撻陣間食*V* 番到黎去和興買野食。

　　夜晚家姐唔番黎食。

　　―――――――――――――
　　當一個理性的人某天陷入愛情時，即使她如何理性，也有不理性的時候。

✦2007/10/14.. 星期日'陰

　　今朝八點起身，跟住去聖安琪買包，之後去台山麥當勞等佢地去澳大，匯業盃^－^但係... 去到台山麥當勞果陣先九點一咋T^T陰公，我地係約左九點半。等等下見到艷*V* 之後阿BO，跟住就紫寧，跟住阿B黎左，之後甘生黎左，甘甘著牛仔裙。之後BO問我地有冇帶身份證，我又唔記得帶啦！之後甘甘叫我叫屋企人�垠琝�=3333=話係屋企樓下個巴士站俾我喎，跟住打俾家姐，俾佢話左陣感啦=333=之後等F2 D人，唔知佢地做咩。之後好耐先上得車。之後搭到中銀家姐就係落車門果度俾我。

　　過完橋第一個站落車。之後行上去澳大，路途崎嶇=33=又斜。之後去到有棟野寫住澳門大學XX，甘甘話唔係喱度=0000000=係遠方既果棟紫紅色物體，好彩係搭車立去架姐*V* 搭完之後，果度係-7樓，第一次見D車立有- =V=之後去二樓，跟住去廁所。跟住好似係入左果個課室C. 好似得我地同菜農著校運動服=333=果陣十點幾，十一點半派卷。

　　派卷，阿B阿艷俾我做，之後做做做啦，做完阿B寫係答案紙度，之後我地都提早交，不過我地梗係唔係最快果隊啦。

　　完左就走，甘甘帶我地去唔知係咪圖書館既地方，傾左陣計就走，甘甘冇走，佢陣間點半要同高中。之後我地係高勵雅馬路等三十號番去，我差唔多到果陣BO問我:「阿也你喱度落牙？」我:「係呀你又知」佢:「FEEL到」:D

　　食完飯同媽咪講交AUAL費，佢係度話我:「靜係用係你一個人都用左成千蚊啦，我就黎吊頸啦！」...................................................

　　之後去上AUAL，上完學琴，學完搭十七去藝術博物館睇展覽，睇果個「逝水年華－－羅伯特•杜瓦諾攝影展」喱個最後一日啦，好彩去到^－^ 之後去三樓睇果個「澳門老照片－－                                           藝博館館藏攝影展」入去之前有個OK老既外國伯伯，係之前上過佢堂果個MR. MITCH=3= 之後睇睇睇，最盡果度仲有電視睇*V*睇左陣。跟住上四樓，拎左D類似名信片既物體，跟住果度個石Q同我唔知講咩，我話:「下？」佢:「書，可以拿」=V=嚇死我，之後我話唔洗。

✦2007/10/13.. 星期六'陰

　　今朝六點幾起身做美術。

　　之後番餘暇，行行下甩鞋帶，有個姐姐拍下我，我地學校既，佢話我甩鞋帶，我話我知呀唔該，佢話快D綁番佢，唔係陣間跌親，我話我驚唔夠時間，佢話:「唔怕呀，仲有五分鐘。快D綁番佢啦，陣間跌親就唔好啦」^－^

　　上完 ，去圖書館做埋個美術，整整下PANG黎左，同我傾計，佢送左塊葉俾我呀。差唔多十二點上去美勞室搵洪美君交俾佢。

　　之後去練琴， 等車果陣見到聖心轉黎果個新生黃穎欣^－^之後傾下計。落車又去馬里奧買午餐包，仲熱^－^

　　去到琴行，冇琴=333=阿姨叫我等陣，之後食包，有個人開門問POLLY生左未，佢地話生左，女 黎喎。過多陣梁太話有琴*V*練練下阿妙(教AUAL果個MISS)入左黎，我望下佢，佢叫我繼續=333=佢問我考試彈邊D，叫我彈一次佢聽，佢話都OK呀，係緊張左D喎=V=

　　之後佢要用，我就走啦。之後簽番練幾耐果度，阿姨話幫佢做樣野，叫我拎過去俾個MISS叫佢個學生簽番名。

　　之後去天域睇睇。

　　晏晝用用下電腦成棟大廈又跳左制，不過好快冇事。之後過相，唔小心禁錯制，搞到D相冇哂T^T

　　夜晚搵搵下，搵到兩小無猜套電影呀>V<很開心，線上睇既。

✦2007/10/12.. 星期五'陰

　　又幾日冇打日記啦=V= 又感冒，陰公T^T

　　今朝上到二樓，行到走廊果陣溫歷史，阿BO好快感走左過黎問我:「阿也歷史係咪督課堂測呀」佢係一路講一路好快感行。佢話:「-＿-TONY係後面呀」我問佢頭先問我D野都係扮野，佢話係，哈哈，我都覺得怪怪地佢會問我。跟住佢帶我走入廁所避TONY=V=佢喱入廁所，超搞笑。叫我睇佢走左未，走左話佢聽。

　　歷史，阿SIR同我地溫習。

　　普通話，阿SIR俾半堂有多我地溫。

　　修身，順學號十個人一組，之後李佩明俾張紙最尾果個同學睇，有D字係入面，跟住果個人就要做動作，一直傳傳傳傳到去最頭果個人度。到我地果組，由我開始已經做錯左=333=之後MISS叫最尾果個同頭果個做一次黎睇，蔡如意將個動作變到俾人摑=V=本身個動作係磨芝麻。

　　小息排隊，鄺生又係度，實係又捉人D陰。之後佢望左我一眼，過多陣過番黎果陣叫我DUP低頭黎睇，佢叫我排隊尾，姐係陣間要跟佢落去記名，�咩豆阱Y髮。唉... 都唔知你個標準點先岩，我見俾你捉D人有D已經成個額頭露哂出黎都俾你捉。之後又唔話番人聽係過長定點？最憎就係學校喱樣野。捉人又唔講原因喎。仲要係小息完左果陣叫人落去，唔洗上堂咩！

　　放學，等車，溫中史。跟住見到LAM，之後見到聖五果位人兄。

　　中午，媽咪番大陸，自己食。

　　番學，去圖書館溫歷史，溫溫下有人過黎坐我隔離，原來係GLORIA CHAN=V=之後一齊溫習。

　　晏晝地理，終於知道點解喱幾個禮拜都冇心機聽書既原因，一心想聽佢講書，但係好易分心。我諗原因係，MISS開POWERPOINT講，佢講果陣係企係電腦隔離，即係窗果邊， 我係坐係近門口果邊=0000=聽書就要令個頭好過先望到佢，佢又企得遠，我又坐得前，感樣望佢好辛苦，聽書難集中。

　　小息去圖書館，同PANG一齊溫歷史。

　　物理，MISS話咩唔好抄功課，喱種行為好白痴，佢話:「真係出黎擦黑板禁乖咩」我諗佢講緊頭先掛。之後話我地成日抄功課果D，又話諗我地最多都係十分之一人係自己做，佢話唔識做，可以同佢講 我唔得閒做或者我唔識做，話唔介意我地空左，但都唔好抄，問邊個做功課禁耐係有空過，有D人舉左手，唔係好多，佢就話:「感就證明你地大部份都係抄架啦」唉，好唔中意佢感，成日都話 我地抄功課，有D片面 。

　　督課，測歷史。

　　放學去圖書館，今日甘甘俾紙我地做，同艷仲有阿B做下交換下=V= 陰公！好多我都唔識做。之後對答案，果陣六點幾，我同B講走先。

　　之後去練琴，係馬里奧買個午餐包。練完 梁太入黎，佢同我講:「果部琴五千蚊，兩次調音送埋上門，諗諗啦」...

✦2007/10/11.. 星期四'陰

　　今朝中閱，好彩有帶報紙=3333=

　　生物，派卷，85^－^

　　READING，分組坐，敬完禮果陣TONY叫我出去，話咩唔好哂時間=0=呆左。之後話咩佢講過唔係正式測驗就唔好叫我地拎番去簽名.. 之後又話佢琴日俾我果陣我又冇派番俾佢地，話佢俾得我姐係要我快D派番俾佢地，話俾佢地溫習，我話:「你琴日俾我都未有時間派啦」佢竟然截住我話:「我唔要解釋」好無奈呀真係，你琴日落完小息番課室果陣叫我過F3P，跟住就俾疊野我，感番到課室都要上堂假，跟住督課堂又測驗，放學D人都走哂啦，你認為我派到咩？唔好成日都以為我地D時間廿四小時都俾到你先得假，你試下企係人地個立場諗啦。之後佢又講講講，無啦啦話咩總之我做既野都係為你地好。喱句仲無奈=0000= 無啦啦講講下果D野講喱句。

　　WRITING，分組，按座位，之後MISS WAN俾D圖我地睇，跟住再寫番個故仔出黎，佢話只需要簡簡單單感講番個故仔得架啦^－^感樣幾好。之後我地個故事名叫美麗的謊言=V=

　　放學等車，又見到歐嘉倩^－^原來佢而家已經冇係學校搭食。以後中午放學都可以見到歐嘉倩^－^

　　晏晝幾何，上代數。

　　美術，入到個美勞室，靚左好多呀！個窗痴哂D玻璃紙，但係係幅畫黎架，真係好靚。好中意洪美君件衫=0000= 之後問洪美君果幅畫可唔可以後日先交，佢叫我後日上黎喱度搵佢。

　　跟住LIT，今堂又有心機上番*V*

　　上完寫手冊，寫寫下老母話:「你仲有咩手冊寫呀我幫你寫丫*V*」我:「唔洗啦*V*」佢:「要架」之後係度爭，哈哈，不過玩果隻姐，之後俾佢寫。

　　放學，諗住做埋個電腦，不過圖書館D電腦全部有人用緊，之後去電腦室做。又做到差唔多六點，之後冇去練琴，聽日測中史。跟住去盈利買野食。

　　夜晚娛樂大搜查，講JOHN LENNON，好似唔知67週年唔知咩= =' 不過好短。

　　跟住物理有兩題唔識做，打俾李靜迎，佢識做呀，真係勁。

✦2007/10/10.. 星期三'陰

　　今朝幾何，派小測，95呀*V*

　　物理，MISS話做題，我識做呀*V*

　　放學，見到聖五果位人兄。

　　晏晝代數，測幾何。

　　放學，D人出去搵歷史小測，之後某人俾左我張開卷小測我，有D呆... 51囉

　　放學果陣，係工聯果條路見到KINKI，不過佢見唔到我。佢今日生日呀。

　　夜晚打俾艷，問佢美術係咪聽日交，講講下大家係度SUNG洪美君成日都話做功課=V=佢好激動。

　　之後落樓下，涼粉俾埋本習作我打，我話星期五測驗，果晚先打到。佢話聽日有地理堂，叫我俾番本筆記簿佢先，不過我又冇帶落黎，佢又要去還書，之後佢話叫我上番去先，還完書再叫我落黎=V=

　　夜晚溫中史，但係... 溫得唔夠一版，又去左訓教=333=

✦2007/10/09.. 星期二'晴

　　今朝搭車見到姑姐喎！我叫佢，都唔係叫既，掂姐，之後就同佢傾下感啦，佢問我:「而家中一牙？」我:「=33333=中三啦」我問佢去邊，佢話番大陸，阿嬤入左醫院=0=

　　跟住冇週會。TONY�咱炊Q分鐘，下一堂 仲係佢既COMM.堂=00000=之後派番上次個小測*V*100，跟住又小測=333=

　　幾何，講番琴日既小測。

　　小息，去圖書館，同阿B傾計=V=佢�垠曭壅鉽茈赫悝窸矢赫恁A因為甘甘會話我地:「入黎圖書館唔係傾計」不過甘甘都話左我地好多次=V=

　　中文，臨放學派卷，派到我果陣，見到個分，真係唔想接張卷... 得七十九，好想喊.....

　　放學，見到聖五果位人兄。等車見到LAM，之後見到歐嘉倩*V*佢今日紮左個髻=V=佢話今日一定要番屋企，要�奏f本習作喎。上車果陣，我問佢做乜坐單位，佢話:「你同林君麗坐啦」=V=

　　中午問媽咪�咧郊鷖狾P回鄉影印，本身諗住番學影，媽咪話不如而家落去影上黎再食飯*V*

　　之後涼粉打俾我=0= 有點驚奇，佢好耐都冇打過電話俾我嚕。佢話俾D野我幫佢打。

　　小息完左排隊，唐秋霞同我講:「咦，生左粒暗瘡喎，少有喎.. 青春啦」搞笑。

　　體育，禮堂上，教接力跑接捧果陣。

　　跟住上四樓唔知咩室度搵蘇MISS，俾張影印本佢。跟住就走啦^－^真係開心，可以過番唔洗督課早走既日子。之後去練琴。

　　番到屋企，係樓下等涼粉，好耐冇見佢，剪左頭髮，同佢以前既髮型風格好唔同，哈哈。之後佢俾D地理筆記我幫佢打。

✦2007/10/08.. 星期一'晴

　　今朝代數，MISS同我地溫幾何。

　　LIT，MISS WAN話玩個遊戲，四個人一組，按座位分，之後我地果組有GLORIA CHAN，吳嘉瑤，仲有葉美華^－^之後都唔係好知個遊戲點玩=00000=佢地叫我答問題，舉左好多次手MISS WAN先注意到我地，之後我地組答左三條，第二次LIT測驗有七分加呀^－^

　　小息，GLORIA CHAN 整我條腰= ='

　　中文，講岳陽樓記，好想死！吳惠芬又唔解釋篇課文就講完一句係度分析，佢仲要每講一句就分析，個意思都未理解到，就不停感分析，點聽姐 \ . / 雖則佢偶爾講過果句解咩，但抄都未抄哂佢已經又係度分析，有時仲會已經講左第二句 \ . / 臨放學既前三個字，佢話得佢自己一個講，我地又唔聽，話俾我地翻譯，果陣仲以為佢成篇課文翻譯一次，點知原來係佢叫我地寫番D翻譯出黎囉=0= 晏晝交。

　　番學搭車立見到葉美華^－^

　　番到去去圖書館搵《文言文全解》，好彩有篇岳陽樓記姐。之後抄抄下聽到有把聲話GLORIA，幾秒之後又有人整我條腰，GLORIA CHAN，我叫左出黎=33=。鄧嘉穎話佢:「你嚇死佢啦」佢地見我係度抄緊果個岳陽樓記解釋，佢地話竟然有人專登搵埋本書黎做吳惠芬D功課=V=

　　WRITING，作文小測=0= 好難作，佢之前講過話作文又唔可以有句同TOPIC SENTENSE冇關既野，但係而家又要作成150字，邊有可能由頭到尾句句都同TOPIC SENTENSE有關，真係唔係好識寫。之後都係作到唔夠字數。交完卷派上次個默書，95。

　　小息完排隊做眼保健操，蘇MISS話陣間督課堂小測幾何=0= 中午擺左計數機係屋企呀。唐秋霞話:「晏晝冇堂邊有人帶部計數機番黎禁唔正常架」李靜迎同我講:「我有帶呀，感我咪唔正常」佢講得好搞笑>V< 之後問官婷婷有冇計數機，佢話有。

　　體育，落操場上，好耐都冇係操場上體育，好熱鬧。今日測跑步，去兩次。柯生問邊個四十號，我舉手，佢叫我過去睇D人有冇踩界= =' 之後到我跑，同嚴麗茵仲有羅嘉娜三個測。陰公= ='佢地兩個跑得好快。之後我好似跑左三十幾秒= ='

　　跟住有D人重測，蔡如意跑到過黎果陣吳嘉瑤話佢中間分界，我問吳嘉瑤點先唔怕中間分界，佢話:「你痴膠水咪唔怕」*V*HAHA。

　　督課堂，MISS話快D去借計數機，跟住去F3R問官婷婷借計數機。 跟住MISS派卷，YOYO傳果陣叫我:「記住唔好傳錯呀」=V=佢次次都會幫我整好哂，分開一張同四張，靜係拎果四張就傳得去後面，但係有次我傳左一張去後面=V=佢話:「你做咩傳自己果張呀」:D

　　測完就還番部計數機官婷婷，之後寫埋星期六個感想俾BO。寫完就走啦。

　　跟住搭車，上車果時見到前面係蘇MISS呢！坐坐下個司機話上後面架車，之後MISS就見到我啦，佢問我:「星期六比賽比成點呀」我:「唔好呀」佢:「點唔好呀，緊張得滯牙」我:「係呀，其實都唔知有咩好驚架喎，但係一入到去自然好驚」之後上車，佢去坐雙人位，跟住同佢坐，佢話:「做咩成日都禁驚呀」我:「我都唔知呀」佢:「出年再繼續啦」我:「唔啦，喱D野唔岩我」佢問我畢業旅行自已想唔想去，我話唔知=V= 佢:「你矮下你媽咪麻，應該唔會負擔唔黎掛，不過二千九百幾又真係貴左D」我問佢以前係咪讀聖心中，佢話係。佢問我係咪有學琴=V= 我話係，佢問我幾級，我話今年考五級，佢話感都學左好長時間，我話好似六年班開始。之後搭搭下竟然見到聖五果位人兄，佢去坐雙人位，因為冇單人位。之後MISS話佢有個FD讀大學果陣先學，一路讀大學一路學，好似四年就考左八級。過多陣聖五果位人兄坐左我地前面個單人位。我問MISS點解會黎喱度教，佢話佢有個阿SIR話第一年出黎教書，唔好去D比較曳果D學校，之後佢話見化地瑪都係女校，咪黎喱度教。我問佢教得開唔開心，佢話都幾，佢話覺得我地對自己間學校幾有歸屬感，佢問我有冇，我話都有架，佢話佢地以前冇=V=佢話好唔中意以前間學校，好反感喎。雖然我地而家好嚴，但相比起佢以前果陣個校長仲嚴到咩感，就覺得我地其實一D都唔嚴。佢話有個人叫佢去番自己間學校教，佢話唔好啦，話唔想又對住個校長，哈哈。之後佢又講下佢以前既讀書生涯，佢大學果陣讀澳大，讀數學架喎。之後唔記得點樣講開:「你應該都揀文組啦」我:「係呀。同埋第時都唔會做有關喱D野既職業」佢話我D英文歷史又唔洗擔心啦，英文禁好，又出去學英文=V= 不過話我D數學差左D，我話物理都好差。佢話D人話袁SIR又教得點好，楊老師教得點好，問我覺得點，我話各有各好。之後講講下佢又話:「睇好你啦，五名之內」我:「=W=希望啦」之後我就落車啦，MISS去�恭J。同蘇MISS傾計幾開心^－^

　　今日同吳嘉瑤 熟左，都唔知點解咩情況下=333= 佢好可愛^－^

✦2007/10/07.. 星期日'晴

　　今日晏晝去上AUAL，跟住學琴。WENDY話過隔離上，跟住過去見到兩個男仔，有個幾靚仔，KAKA。佢地係度彈結他，走果陣， 成四個人係度彈=333=

　　之後去新苗買大字筆。

　　番到黎，打電話俾班上三十九位同學仔，因為星期五寫漏左樣手冊=V=

✦2007/10/06.. 星期六'晴

　　差唔多成個禮拜冇開電腦，都冇打日記，因為前幾日要努力溫習*V*哈哈..
　　―――――――――――――
　　琴晚好夜先訓。今朝番餘暇，李美霞教，跟住去中三�琚A同吳嘉敏坐。李美霞話字可以知果個人係咩人，講講下佢話如果寫字柔軟無力，佢個人就冇咩信心=V=喱個好似係係地。

　　完左就去圖書館，等甘甘，佢晏D同我地練野。之後阿屎都係度，圖書館得我地兩個。之後問阿屎借幫我借書。之後甘甘開完會番黎，佢地第二節D堂都上完。之後甘甘問問題，我一邊聽一邊睇書=V=阿LAM係我隔離，佢係感笑我睇果本書=V= 甘甘話今次唔只係志在參與，仲要入到準決賽=V=甘甘平時都唔係感講既。

　　番去食完飯換番校裙。

　　跟住係樓下等10B去理工，搭搭下有人叫:「GLORIA」我望過去，原來係黃嘉敏=333=仲見到令欣坐佢隔離。禁大聲叫我=0000=之後有人落車，佢叫我坐上黎，佢話:「我地三個真係有緣，冇約埋都撞到」令欣:「我地都有眼，真係有緣呀，我地都係女仔，真係有緣呀，我地都有耳，真係有緣呀」=33333=落車，LINGLING阿B紫寧佢地已經係度，阿LAM同BO去左買野，BO買左盒朱古力，佢問我食唔食，我:「咦，少可喎會問我食唔食」佢:「=X=唔好食丫你」=V=之後甘甘黎左，TONY仲未黎囉陰公！叫我地點九黎，自己兩點幾先到。佢叫我地入去等，甘甘同個女人講我地面試，之後佢就叫我地去邊去邊，跟住就等等等，紫寧第一個，我第二個。其實我都唔知有咩好驚，都冇咩必要驚，TONY又唔會鬧到你痴線，同埋D評判又唔會記你一世，最多咪笑下我D爛英文，以後我又唔會見到D考官。但雖然我係感諗，但紫寧入左去之後我好自然感驚，心跳加速。到我果陣，個女人問我有冇帶學生證或者身份證，死啦唔記得帶，跟住佢叫我唔好擔心= ='面住先。之後個外國男人考官就問我問題。佢問完我個名之後問我可唔可以問我關於交通，之後問我咩香港人同澳門人唔知咩咩咩，我答佢話咩香港人好趕，行得好快=33=之後側邊果個男人同佢係度笑。之後問我中意食咩，我諗都冇諗就答佢朱古力，問我做乜中意食朱古力=0000=喱D都有得解，我答好香，佢問我仲可唔可以講多個原因，我話，好味=333=跟住又問我唔中意食咩，我想講肥豬肉，但係唔知英文點講，講左MEAT，佢話點解唔中意，我唔出聲左好耐，之後佢重覆個問題，我答佢，因為有部分好肥好肥好肥=333=之後問我咩咩點先可以食健康D，佢問喱個果時都唔係好聽得明佢問咩，但我都UP D野出黎= =' 之後佢話:「但係我地講緊香港人」.... 之後問我中意去澳門邊度，求其答佢大三巴，因為都唔識其他地方名，佢又問我做咩中意去果度，我話好舒服= ='之後佢又問我有冇去過外國旅行，我話冇，佢問如果去既話想去邊，我話意大利，佢問我做乜想去意大利，我話文化好色彩=333=之後又問我有冇第二個原因，我話D地方好靚= =' 之後佢話咩我NOT VERY WELL.. 果陣有D HURT.. 之後佢俾兩張圖我睇有D咩唔同，我未講哂禁多個佢已經截左啦，跟住就BYEBYE，臨開門走果陣好似聽到佢講:「下次記住帶學生證」。

　　出到黎，佢地問我點，我唔知點解喊左出黎.. 唔係驚面成點，而係愈黎愈覺得，自己真係成日做咩都做唔好...

　　唔知點解，逢親類似喱D類型既野，答問題果陣真係想諗但都好自然諗唔到，唔會經大腦，好似有咩答案即刻俾佢感。唉.. 喱D比賽始終唔岩我，我始終係個冇信心既人。

　　之後佢地面，等等下果陣見到個花園中間有兩個聖心英既女仔，係暑期活動同過一齊打排球果兩個，都估到佢地讀聖心英。阿SIR話佢地有個人遲到，跟住佢走左去撩D工作人員話取消資格=0=

　　之後佢地面埋就走，等車果陣，係巴士站見到個聖心英女仔，前年暑期活動一齊學水彩果個=0=

　　之後諗住搭廿三號係紅街市落去琴行，但等左好耐都冇，搭三十二，上左車門入錢之際，後面有人搣我腰肉=0= 嚇死我。令轉頭，係個姐姐，佢話:「你入左拿」我UP頭，佢:「仲諗住幫你入埋，我冇散銀」

　　之後去練琴。練練下MISS問我可唔可以過隔離練。

　　練完等車，等等下又有個男人叫:「GLORIA」TONY黎= =' 陰公，感都見到佢。

　　佢著左件粉紅色衫，一條短褲。佢問我做咩係度，做咩唔可以係度=3333=佢係對面馬路禁遠點答佢，所以令下頭笑下感啦=3=跟住佢又唔知話咩上面。

　　夜晚叫家姐買個沙律番黎食^V^

　　―――――――――――――
　　覺得TONY其實平時唔同我地練會好D，練果D野同佢俾果D野唔係好用得上，我覺得只需要同我地講下應變措施同要注意既細節。喱家野，我覺得講順其自然。

✦2007/10/05.. 星期五'晴

　　今朝歷史，講鴉片戰爭。SIR出左去兩次，話要搵番隻碟我地睇。但係兩次番黎都冇，佢次次一出去我地就拎本中文係度溫=V=

　　普通話，阿SIR抽人問我地一年會去幾多次街。問到老母果陣，佢問老母出得最耐既一次係幾多個鐘，老母話整天，SIR問佢去邊，老母話去飲茶，阿SIR問佢幾點番左屋企，老母:「..沒有哇」阿SIR好驚訝感話:「沒有回去啊？喝早茶就喝了一整天啊？」超搞笑。

　　之後修身，分組，順學號，砌字條，金句黎，好難砌。

　　小息去圖書館，溫中文，老母問我借中文筆記，但佢叫我係叫我英文名，有D驚訝，喱排D人都叫我英文名，有D唔慣，我同LAM講:「TONY成日叫我英文名果陣唔知點解覺得有打冷震既感覺」BO:「有同感(BO指TONY叫佢名果陣)」:D

　　代數，11點5果陣MISS話俾我地溫習，溫溫下佢過黎問我做乜唔去畢業旅行，我話我媽咪話唔好去，佢問我:「你自己想唔想去呀」我:「..唔知呀」佢:「自己都唔知架咩=V=」

　　電腦，SIR臨放學叫我地果組出去試砌機。跟住整到放學，之後阿SIR叫我幫佢熄哂D電器果D..

　　晏晝READING，個閱讀理解得80分..

　　跟住物理，問GLORIA CHAN借鉛筆，佢話:「點解你寫字好似冇力感既陰公」=V=

　　督課，測中文，唔係好夠時間，閱讀理解果度都冇時間睇過，係度亂寫=3=

　　之後去圖書館，睇書，跟住甘甘就問我地問題，林敏兒老師都係度。跟住甘甘問果D野大部分都係唔識答=V= 甘甘話可以去文政總署果度�非 CATALOGUE，BO:「咩叫CATALOGUE呀」激死甘甘同林敏兒，佢地兩個齊齊趴�^，好齊好搞笑。之後六點幾差唔多七點走，同BO去廁所，跟住係教務處等甘甘，見到健康室果度李嘉豪彈結他。紫寧同BO講:「頭先李SIR對住林敏兒彈情歌，幾溫馨呀」覺得其實喱種感覺幾好，假如你中意既人用任何一種樂器奏首情歌你聽，覺得真係幾好，種感覺唔識形容。好似以前披頭四果D，寫首歌俾佢地中意既人。

　　跟住甘甘同我地去廣星對面馬路間文政總署�囿GD總規章。走果陣唔記得邊個話BYEBYE甘甘，佢話唔準感叫佢，話今日有個同學感叫佢搞到，有個MISS鬧果個同學。
　　―――――――――――――
　　"If this person doesn't stand by you, then I will. I'll be there. And you can reject me, and that's okay. And I'll go away, but I'll come back because I don't believe the guy you love is really the right person for you. I believe am, and I'll come back if he disappears. I can take it." － Barry Gibb

✦2007/10/04.. 星期四'晴

　　今朝生物，測驗。

　　READING，轉左普通話。阿SIR入到黎話打開書第唔知幾版，之後佢話:「不如我們今天不講課了」話傾計喎*V*之後又講佢去遊行，跟住講將來個社會會變成點，我地既路又會變成點。佢講D野好有道理*V*

　　WRITING，又分組。之後番番埋位，默生字，唉，個CARBOHYDRATES本身岩架，但又唔肯定，又係個BO後面加多左個R><

　　放學，見到聖五果位人兄。

　　晏晝幾何，派代數測驗，差一分九十啦><

　　美術，又講節奏，叫我地畫，話下個禮拜交。唔係好中意洪美君教，覺得佢冇果種動力俾學生。蘇巧兒教既話，會好俾心機感畫好幅畫同想俾心機畫好佢。覺得而家畫畫比以前樣衰好多，雖然以前都唔係靚。洪美君上堂禁耐都係齋講，就感俾D圖我地睇又唔教我地點畫就叫人做功課，點畫姐！你話好簡單好簡單，講就感講姐，但畫得唔靚咪又低分。琴晚真係畫得好炆！

　　LIT. 唔知點解冇心聽。

　　督課，COMPREHENSION

　　放學，又去宗教室，阿SIR搵左MR. DAVID同我地練，阿SIR應該都係臨時搵佢，佢冇叫我地讀阿SIR俾我地讀D野，佢仲問我地想講關於D咩野。吳嘉敏先，佢完左之後MR. DAVID就問到邊個，佢望住我=0000=之後我去啦，講講講，我話興趣係影相，佢問我中意影澳門邊度，我唔知=0000=邊有固定，見咩影咩，跟住我冇出聲，佢話:「或者你可以講個中文名我知」。跟住佢叫我講多D，我唔知仲有咩可以講=333=咪講我中意既樂隊。之後佢問我中意BEE GEES邊首歌，我首首都中意=000=咪話:「我覺得佢地好多歌都好聽」完左佢就講佢既感想啦，佢話我應該要詳盡D，例如要講中意BEE GEES邊首歌。覺得佢幾好，會講番我地既不足之處。我覺得平時如果係感寫紙既話，而我地又唔知有咩不足既話，將來某D機會下佢地同我地講番原來係有好多不足，覺得感樣會好恐佈。

✦2007/10/03.. 星期三'黑球

　　今朝好似幾凍，著冷衫。搭車立果陣見到SP果位人兄，佢真係轉左嶺南。

　　之後等車，好好好好好大風，吹到條裙係飛到見到走光褲=00000=

　　番到去，係樓梯口見到鄧生，佢話:「咦，今日幾多度呀」我:「...二十五度」佢:「二十五度可以著冷衫架咩，二十五度以下先可以著咋喎」...

　　之後排隊，好好好好大風=000=同李靜迎仲有阿桔條裙吹起左，唐秋霞見到，佢地係度笑=3333=

　　之後上幾何，MISS話餘暇活動出左，跟住讀我地咩班，我硬筆字班.. 雖然係填左喱個做唔知第二定第三志願，不過真係好想學攝影呀><

　　晏晝代數，測驗。

　　普通話，同READING調左，跟住小測，TONY話順學號坐，跟住去最尾果個位，嚴麗茵個位，佢話:「^－^坐啦坐啦歐陽施雅，順便幫我拎埋筆出黎丫」=V= 之後TONY係感提我水囉=0=

　　之後小息，又好大風，吹起左條裙= =' 唐秋霞, 阿SAM, MOK佢地又令過黎，唐秋霞又係度笑=000=都唔知有咩好笑，但佢搞到我覺得好好笑=000= 之後阿SAM話:「阿桔，做啦，唔好暗(條裙)啦*V*」之後阿桔條裙吹得OK勁，佢地係感笑=V=

　　歷史，SIR話佢地去左遊行，唔知前日定琴日。佢同我地講點解佢地要去遊行，之後講左D好有道理既野*V*

　　放學去宗教室練，查定唔知茶修女同我地練。

　　夜晚畫個美術，畫到炆 \ . / 炆到喊！

✦2007/10/02.. 星期二'陰

　　今朝番學，好似得我地學校要番學感=00000=搭車，見到關生=000=

　　今朝週會，MISS AMY講，佢講得幾細聲下。

　　上到課室，調左位，坐門口第二行第二個，同葉美華坐^－^，前面吳嘉瑤，吳嘉瑤左面隔離GLORIA CHAN，我後面係羅美儀。

　　幾何，上代數，派番小測，六十五分。

　　中文，派默書... 我得廿七分囉，係廿七分呀。未試過禁低分，物理最低分果次先四十幾，喱個仲只係中文默書，我竟然�咫雂C分！唉。

　　中午自己買，去美味園，叫個咖喱薯仔米，跟住等等等，廚房個女人遞左出黎同我講咖喱薯仔米，跟住諗住俾錢啦，點知收銀果個女人又唔知做乜事，有個差佬走左入黎同佢講講講。跟住又等等等，落單果個姐姐幫我收住先。之後俾錢，我個米粉七個半，佢找左十蚊，佢知佢找少左，跟住拎番，之後又同我講:「丫，喱個雲吞米黎架唔係你架」=0000=跟住佢又拎走番去廚房果度。之後又等等等，整野果度個女人問:「喱個雲吞米做乜架」跟住佢地開黎睇，話:「唔係喎，薯仔米黎架」跟住問邊個既，我話我-＿-''跟住俾錢，落單個姐姐又靜係找左兩個半俾我=0000000=之後去看台街果邊搭10B，成點幾先番到屋企。

　　晏晝上完音樂番課室擺書，一擺完阿BO就入黎拉住我衝落一樓，好危險=333=之後去左唔知係咪中一�琚ATONY仲有阿B佢地果D係度，我入到去，TONY好惡感叫我:「山門啦！」.. 之後佢又係度講講講，又話咩希望你地準時，我想講你冇同我講過小息要黎。之後佢話如果喱兩日表現好既話星期五唔洗練。

　　之後上體育，柯生唔記得講開李靜迎咩，李靜迎話:「都話我隻手唔舉高得咯」柯生:「(笑)係咩，你有講過咩」李靜迎:「係呀」柯生:「(笑)係咩，我邊記得你禁多姐，我貴人事忙丫麻，我靜係記得你做眼保健操好認真」=V=

　　督課開卷小測歷史，原來靜係測下冊，我仲帶埋上冊=3=之後唔夠時間做。

　　放學留係度整地圖，唉，真係好憎做果個地圖，覺得喱個功課冇咩建設性，TONY話藉住感樣俾我地學多D字，覺得冇咩用，又浪費時間人力物力地球資源與金錢，靜係整個底都買左幾十蚊全開畫紙，又砍多棵樹。學F3R某位黃人兄話:「到時聖誕聯歡真係要對住幅地圖食旺旺啦」

✦2007/10/01.. 星期一'

　　晏晝同阿B去八佰伴^－^開心。我話係八佰伴等佢又話唔好啦一齊去-V- 之後去躲貓貓附近等佢，跟住去唔知係咪叫看台街果度等10B。落車果陣FEEL到有幾個女仔望住我感，行行下有人叫我，原來係洪翠雯佢地。之後同阿B去食野先，因為去到果陣都四點，肚餓=0000=我食朱古力班戟... 佢整到塊皮又窿又乾。之後阿B食雞咩串，蟹鉗同飲杯咩薄荷咩咩紅豆，佢好耐先番黎=3333= 自己一個人食冇安全感。佢�咩僱f黎我都食完=333=之後佢問我要唔要蟹鉗*V* 食完就行行行，佢話去熊貓樂園，佢去換銀，換廿蚊，佢同我講如果佢玩哂廿蚊仲換既話就要禁住佢-V- 之後佢玩果個類似推糖果個機，佢又同我講如果今次衰左就要禁住佢唔好再俾佢玩喱個，哈。之後佢玩太鼓達人，佢叫我玩，我又唔識玩又唔想玩=00000=佢唔開心，不過最後我都冇玩到*V*係隔離睇佢玩，佢好多次都反應遲鈍打唔到，覺得好搞笑。之後玩掟彩虹，佢叫我掟哂D銀。

　　玩完佢去買糖，佢買左枝波板糖，跟住果D類似腰豆形既糖，開頭都唔係好知點樣跌D糖出黎，以為禁果粒的，但原來係拉果個牌，當阿B夾第二種果陣，好快感拉左個牌出黎，跟住成渣跌哂落去，佢唔買都唔得，買左三十幾，要問我借錢搭巴士，佢好心痛喎，哈哈。

　　之後諗住買水樽，但係唔見哂，得番幾個款。

　　跟住就搭十七號走，上阿B屋企等佢還番D錢我，因為冇錢買晚餐。之後行到去盈利，冇開-3333-又唔記得左今日公眾假期。