"我唔覺得有咩需要搞植樹日, 花埋D無謂錢又無聊!"

"而家你係主席定我係主席呀? CYC既作用係貢獻社會..."

"唔好發癲喇! 你..." 正當我和主席吵得面紅耳熱之際, 她的一位好朋友進來了.

樣子清秀, 身材高挑. "喂, 你個FRIEND幾索喎, 叫咩名?" 我把音量壓到最低.

"鹹濕佬! 你連我地既'級花'都唔識!? 佢叫吳秀怡呀, 你唔係想媾佢呀?

佢好多人追架, 你副尊容, 照下鏡啦!" 接著又說: "好, 今日散會. 阿怡, 行得喇!"

"哼! 好巴閉咩? 我先唔稀罕呢個級花呀!" 但我心想: "佢真係唔錯喎......"

"喂, 阿佑, 我尋日見到級花呀~" 家佑是我最要好的朋友. 他個子胖胖的,

卻是一個出色的足球員, 射波力度與足球小將戴志偉的衝力射球

有過之而無不及. "哦, 係唔係叫吳秀怡呀? 佢有咩咁靚呀?"

"你個個女仔都話唔靚架啦!" "係喎, 天偉, 今日放學會有班際足球比賽,

去唔去睇呀?" "你有無份落場先?" "無呀, 我地成隊俾人FOUL左出黎呀..."

始終靠他一人的力量是不行的. "好, 去睇下都好, 聽日又無QUIZ~"