這時, 方健德看見我, 當然, 他身後還有一大班 "手足兄弟". "天偉,

邊個搞成你咁呀? 睇過... 唉, 你真係可憐呀, 駛唔駛..." "阿佑, 我地走!"

方健德扯住我的衣袖, 把我拉到他面前, 輕聲對我說: "郭天偉, 我念在我地以前

都係小學同學, 我先無打死你咋! 同我作對既只有死路一條!!! 想同我爭秀怡?

樣我有好過你, 錢我又多過你, 唔計其他科, 齋計Maths我已經拋你成條街啦!

秀怡唔會揀你架! 你死左條心啦!" 我望著他離去, 感到很無奈......

"天偉, 你今日好番D未呀? " "哼! 你睇下我幾精神? 獅子都打死幾啦!" "唔好玩啦!

唉, 至衰都係我啦, 搞到你咁......" "唔關你事, 我樣衰之嘛......"

我一方面害怕方健德的威勢, 一方面陶醉於與阿怡相處. 經過今次, 我感覺到,

她也有點兒喜歡我的.

這天放學後, 做完功課, 又到時間上網了! ICQ是我和阿怡的溝通工具之一,

當然, 我也不會重色輕友, 也會與朋友談話的. "Uh, Oh!" 哈, 吳秀怡又"hi" 我了!