在早會上, 我是負責看守吳秀怡那班的, 當然我也不會放過這個機會.

我特地走到她身邊說: "阿怡, 生日快樂! " "一句咋?" "壽比南山!" "痴線!

你D禮物呢?" "唔話俾你知, 等你心思思!" 糟糕! 訓導主任何永鴨來了!

他一定會說: "身為prefect唔樹立好榜樣不特止仲要知法犯法!?" 臨急之下,

我向後走幾步, 拍著旁邊的家佑說: "呢位男同學, 請你唔好講野!" "乜野..."

我向他打眼色, 他也十分合作. "知喇, prefect!" 待那隻鴨走開後, 他一面打我

一面說: "靚仔, 假公濟私!? 上到去你就知死! " "兄弟係要犧牲下架喇!"

午飯時間, 吳秀怡和她的朋友一起去PizzaHut, 我就跟自己的朋友去食粥.

"喂, 天偉, 你唔駛同阿怡食燭光午餐咩?" 由於他們是未確實知道我和吳秀怡

拍拖的事, 所以我亦不便說太多. "無端端做咩要同佢食飯喎!?" 家佑聽了

這番話後, 忍不住笑了出來, 每個人都追問他我和吳秀怡的關係, 最後我

為免家佑難做, 就對他們說: "係, 我地係拍拖, 剛剛開始, 唔同佢食飯係因為

佢同佢D friend食, OK? 見你地成班係我死黨先講咋! 唔好話俾人聽呀!"

之後又是一陣起哄聲了......