下星期是我班班主任Miss Chan的last day, 她十分寵愛我, 說真的, 真是有點兒

不捨得... 亦因為這緣故班會委托我買一份有心思的禮物送給Miss Chan.

但我又怎會知道她喜歡什麼呢? 毫無頭緒下我向同是女人的吳秀怡請教.

"喂, 阿怡, 你星期六得唔得閒呀? 陪我出去揀禮物俾Miss Chan丫!" "Second

Test黎緊喇, 我要溫書呀!" "咁算啦, 你知唔知佢鐘意D咩呀?" "唔知."

"阿怡, 點解你呢排對我好似咁冷淡咁既?" "唔係呀!" "咁你溫書啦! 唔阻你喇!"

真的, 她對我已沒有像以前般熱情了, 有時候在走廊上她看見我也不會

跟我打招呼, 莫非我們的感情已亮起紅燈? "阿佑, 你係班長, 你有責任

陪我出去揀禮物架!" "好呀, 還掂我都要出去買D野, 幾時丫?" "呢個星期六,

11點世昌!" "好呀!"

比原定時間早到了10分鐘, 唯有等一下啦! 買了罐綠茶, 哈, 在炎炎夏天裡喝

綠茶真清涼! 此時, 我看見袁慧詩也在等人. "咦, 詩詩, 你出去呀? 同邊個呀?

唔會係男仔掛! 小心我爆響口俾阿佑聽喎......" "痴線! 怡怡無同你講咩? 我地

出又一城睇戲丫嘛, 前幾日先決定既! 我知你約左阿佑, 但怡怡無話你聽咩?"

"佢...我..." 我相信我是比袁慧詩早約她的, 她這邊箱對我說要溫書, 那邊箱

約了袁慧詩去看電影...... 這是什麼的一回事? 吳秀怡這時候也到了,

她看見我, 呆了一下. "阿怡, 同佢去睇戲呀?" "...係呀...." "唔駛溫書咩?"

"我... 詩詩, 行喇, 如果唔係就睇唔到12:00場架喇!" 我望著她的身影離我而去,

覺得很無奈, 很失敗...... 阿佑此時亦到了. "阿佑, 你知唔知詩詩去左邊呀?"

"同吳秀怡去睇戲囉! 你唔知咩?" 原來四人之中只有我一個被蒙在鼓裡......

"點呀, 去邊度買架你諗住?" "去邊度都得, 唔好去又一城就得喇......"