2009年 04月
2009年 04月18日 星期六 陰天
返工放工
後日先有得休息,好累...
2009年 04月17日 星期五 晴天
今朝同老豆細妹去左食好美景食早餐...
之後返學CBS,的神大戰善斯,一個有既係青春,一個有權力,夠竟
邊個贏,邊個輸呢?
食飯,全靠既偉大又遲到既旦旦幫我地拎飛,先唔駛等錦制就入得
熊牧場食飯~七條友,有鄭叻,基夫,旦旦,勤仔,肥騰,隆哥...
食完返去休息室HEA,唔明白點解D人可以問都唔問就坐落黎,即係
逼我地走?!好彩果個時間岩岩夠鐘上堂...上QS,玩IPHONE玩到俾
個柒頭趕我出LECTURE,爭D想駁咀,不過今朝體會左的神善斯大戰,
緊係出去廁所避一避風頭算啦...
之後入返去,做完份CBS第十一課就訓死左,直至落堂,連旦旦都訓
埋,真係小見...
放學出旺角,因為收到狂熱電話,雖說我MISS左,不過都估到係套
西裝有得拎,之後諗住去皆旺買個EDC頭雕自砌隻神槍手O仔,點知
買曬...
之後上樓上,見到隻RAH鬼塚,價錢合理,入去問係二手定全新,全
新即入手...
之後搵埋老媽子陪我睇醫生,有機會係胃酸倒流...
今天入手
2009年 04月16日 星期四 陰天
尋晚睇曼聯睇到就黎死錦制...尋晚諗住訓陣等睇波,點知落大雨,
拖板,三六零同床邊濕曬,之後花園水埋浸...搞得黎都開波...
個NOW一路睇一路窒,都唔知發生咩事,睇左半個鐘都係上返房睇,
曼聯一開波就已經入波,仲控制曬成場波,但係打到臨尾十分鐘波
圖先黎料,嚇鬼死,幾驚出局...
今日訓到黃朝白晏,沒上學,之後煮麵食,再同茄肥去左睇神槍手,
OK好睇!
之後陪茄肥去屯門買野,食埋個至尊漢堡就返屋企~
2009年 04月15日 星期三 陰天
沒上學...家中休息
2009年 04月14日 星期二 晴天
上班,一條友果陣都幾忙,又賣XBOX360,又賣NDS,又賣卡...
試曬機黎阿東都食完飯返黎...謙爺上左黎拎XBOX360個百二激HD,
之後陪我食飯,多謝曬!
今日阿俊幫我放左部金色psp,價錢都ok,唔該曬~
臨賣都唔記得幫部機影返張相tim...
2009年 04月13日 星期一 晴天
返工放工
XBOX360百二激硬碟入手,未有SAVE卡,暫時未過AC過去,未用住...
2009年 04月11日 星期六 晴天
返工LUNCH去左行HMV,諗住去睇下有冇MCR D新TEE,點知最後一件TEE
都冇買,反而買左隻MJ精選碟...
今晚曼聯真係險象環生,雖然一早有波入,但係又攻唔入第二球,甚至
俾人地禁住黎攻,之後又係輸高波...最後又係靠馬捷達全取三分,真
係福將,馬捷達馬歲!!
2009年 04月10日 星期五 晴天
返工
LUNCH去左交收左兩隻figure,雖然係日本野,不過質數麻麻地...
Clint Eastwood figure from "The Good The Bad And The Ugly"
2009年 04月09日 星期四 晴天
今日燒野食,去黃金海岸鄰近燒...一早集合買野,未燒都已經行
到勁累...之後去到燒,燒燒下囂少都黎埋,仲帶埋佢個o靚仔黎...
燒燒下落左沙灘玩,玩得好開心,好耐冇玩過數字球,真係好耐啦!
之後早走,原來西鐵接駁巴最尾果班一早走左lu...
之後是但上左架,好彩都順利返到屋企,呵呵
2009年 04月08日 星期三 晴天
通左一晚頂...心情低落,曼聯失了兩個作客入球,下場作客波圖
非勝不可,恐怕今年曼聯很大機會八強出局/﹏\
今日兩點先食晏,同老豆去左市中心食,之後返屋企狂打winning,
打左四份一季,終於重拾射門感覺,不錯...
bio5未爆一千分已放下了,不知何年何月再有心情拿上手玩了。
有點想放棄打機...完埋呢年d考試就應該得閒放搞返網上生意,
因為如果唔係有零用的話,我已經接近乾塘了...
屌,上個星期有親戚黎燒野食,食剩果d野我地就晚晚清錦d,真係
食到厭,提唔起胃口食晚飯,加上又嚴重喉嚨痛,食慾都大減,慘。
聽日bbq,唔知食唔食到野呢,希望就算食唔到都玩得開心啦,唔係
就曬左我七十個大洋啦,哈哈哈哈
2009年 04月07日 星期二 晴天
返學前,拍左係新元中交低架車俾老豆,順便去埋太興食飯,之後
返學...
一返到去,見到愛麗斯同司徒係藍球場唔知睇咩show,不過太遠
啦,就上左去上cbs t,阿sir真係好人,冇notes都俾我答問題!
之後堂eip l冇上到,去左玩具狂熱拎mark2,返到元朗本來想睇
多次醫生,因為喉嚨仲係好痛,不過拎住一大袋野,最後都係冇去
直接返屋企...
返到屋企,細妹一大班fd黎左,有人拎左wii黎玩,多人就好玩,得
你一個打睇下你會唔會fing下fing下啊啦...
之後上房做自己野,就係拆玩具...畢竟我心裡仍然係好小朋友,
哈哈
差隻mark 1咋!!!仲有訂左tony果套間條西裝,唔知呢套白色西裝
靚d定係訂左果套靚d呢~
2009年 04月06日 星期一 晴天
今日終於又可以匿係屋企hea返日...
無啦啦睇自己個留言版,先睇到原來成個月前stephy黎左留言啊,雖
然知道係假既,不過都幾開心,哈哈!
我應該知係邊個留既...呵呵
2009年 04月05日 星期日 晴天
返工,竟然有條女喝我叫我幫佢拎舊電過去收銀處,一來我唔係你地
呢邊既員工,二來你一聲唔該都冇係咩意思?!將自己要做既野推落人
地到仲要錦冇禮貌,抵俾fanny同埋cristal話啦...
放工,趕到返屋企睇波,由贏緊變和,和變輸,再由輸變和,最後反敗為
勝,呢場波真係夠經典,最後一球真係睇到大嗌兼同細妹互攬,真係刺
激過上年歐聯決賽,17歲新人馬捷達真係好野,我唔係因為佢入致勝
球而錦講,而係佢第一次上一隊竟然冇怯場,仲要係打逆境波...加上
又幾靚仔,應該好快會上位,o係曼聯有冇將來,就要睇佢自己既做化
啦,睇完場波興奮到我已經成五點鐘都未眼訓,唔講錦多,貼相,呵呵!
唔好忘記右邊果位雙料足球先生,Cristiano Ronaldo!
亦都要好好記住左邊呢位意大利十七歲新星,Macheda!
2009年 04月04日 星期六 晴天
清明,係一年一度麻煩事,話曬隔左代,真係冇乜情義,既然冇心拜,
為何還要逼我去拜,真係唔明點解清明要拜山,如果係有心既,係咪
清明都會去,如果冇心既,就根本連清明都唔想去拜...
之後德謙德政黎左我屋企打機,好開心,好耐冇試過啦,哈哈~
夜晚出左顯達食飯,之後返屋企睇波,仆街,利物浦臨尾補時入唯一
一球,又變返第一,曼聯小打兩場排第二,聽日對維拉,都幾危下...
2009年 04月03日 星期五 晴天
逃學休息...
除左休息,就係做功課,終於搞掂,曬左我唔小時間...
勁肚餓,屋企又冇乜唔熱氣既野,唯有膽粗粗炒飯,出前一丁就炒
得多,但係飯就真係第一次炒,算炒得唔錯架啦!!
2009年 04月02日 星期四 晴天
喉嚨痛愈來愈勁,真係病病地,早左一個鐘返學睇報紙,之後上
qs l先記得要交eip,即刻做,鄭叻間曬比我睇答d咩,真係唔該
曬!之後上eip,上完就堂就食熊牧場,同alan佢地食~
食完早左一個鐘返去,去左休息室做cbs,之後上qs t,俾jaosn
的左我落canteen吹水,吹足一堂,唯有扮肚痛返入課室...
之後上埋eip l就走人,超頭痛...同細妹落mk,睇ht隻dx版joker,
千二真係算係錦,enterbay一隻小龍都過二千,真係遲早俾ht打謝!
之後幫埋kathy買d野就走人,返錦上路拎車,再落元朗俾架車阿媽,
我就去睇醫生,好累...
that's my city.
最多試過有四十幾萬人,但係我唔識點樣起焚化爐啊,好多垃圾= ="
2009年 04月01日 星期三 晴天
訓左唔夠五個鐘又要起身返學,累到涼都懶得沖,洗頭算啦...
本來放學去釣魚,有人甩底,哈哈
放學,諗住去吉奶媽食鰻魚飯,不過一去提款機睇,原來今個月
又洗突左,唯有返屋企自己煮麵食,之後眼訓恰左十分鐘就起身
洗頭...
星期五要交hw,都未開始做...
ht出埋joker ver3,錦出法真係頂唔順啦喎...不過bio5果對
睇左日本雜誌介紹,應該可以pass,不過一日未有實物睇一日
都確定唔到既...
本來牛油炒麵,最後變左腿蛋芝士麵...
自己煮算係錦啦,哈哈