２００４年３月１９日　　　星期五　　　和暖　　　平淡

我真係開始為自己未來而擔心喇！ｉｐ　ｓｉｒ話如果會考得１４分的話，會入唔到大學，

又話會考人地計分一定會計埋英文＆ｍａｔｈｓ，但係我英文＋ｍａｔｈｓ都係超級差丫！

就算我有有ｃ，但係去到ａ－ｌｅｖｅｌ咪又係會唔及格！我覺得入唔到大學會好樣衰咖！

唔想ｆ．７就出黎做野呀！我覺得如果ｆ．７就出黎做野，

一定係做ｓａｌｅｓ呀，保險呀，ｍｃｄｏｎａｌｄ個ｄ呀！做ｄ野又要受人氣，人工又低！

真係唔想做呀！但係我自己又唔係讀書個ｄ材料喎！好多野讀左都唔識！

有好多人話：咁早擔心做乜丫？其實我又咁諗喎：你入邊一行就會定左你將來一世人會點過咖喇！

我就真係唔想去到６０歲先後悔自己個陣時冇努力讀過書喎！