有錢人？窮人？

２００４年３月２４日　　　星期四　　　冷　　　憤怒

今日其實無乜野咖！早晨中史，ｍｉｓｓ　ｈｕｉ發脾氣，以柔和既聲音去鬧人！之後派ｔｅｓｔ，

成績真係麻麻咋！中間個部份１２分我得６分咋！唔係咁開心ｌｏｒ！之後講台灣，

都有幾個老師講過台灣喇！不過都係唔鍾意阿扁！跟住ｅｃｏｎ，開始唔聽書喇！自己一咪係度畫，

開始覺得聽得晒氣，自己做好，自己睇過喇！小息，發脾氣，好耐冇發咁大既脾氣喇！

不過算喇！之後就運運惡惡咁過左ｌｕ！放學做左陣功課，就同阿倩伶去左金ｘ船度買左個雪山黎食呀！

都幾好咪丫！不過張家源既然有陳太請喎！真係可惡呀！早知我就唔好咁早買喇！

真係就咁俾陳太既十蚊就咁收買左喇！開始覺得佢好人過朱太多多聲呀！班主任都唔請我地食佢既然請我地食喎！

雖然我冇份食！真係開始分辨到真有錢人同假有錢人喇！好似朱太咁成日話自己屋企幾有錢呀！

個ｄ就唔係真係有錢！反而唔會講出黎，但係平時做野會勁豪爽既先而係真係有錢既！

所以我已經決定好咖喇！第時一定要做有錢佬，起碼會多ｄ人鍾意喇！

今日開始覺得如果我寫日記，但係唔寫底真心感受的話，咁不如唔好寫！

我寫日記，係為左我自己，而唔係特登作ｄ文比人睇，所以我ｄ日記唔會再有野收收埋埋ｌｕ！

ｂａｃｋ